My first love (MIZO BL🌈)

My first love Chapter - 5

...

Ka dul na avang chuan ka muhil thei lo a, nat tak tein a na a ni ringawt mahse engtiang pawn min ti sela ka luhlul zia ala hrelo a nia nge, ka luhlulzia a la hre dawn khawp alawm. Hepa Johnson an tih ngei pa hian.

Ka chetin ka pum chu a rawn na leh zawk zel a,hreawm duhtak a ni.

Naktukah a hre ve khawp ang, ar talh dan chi khat chauh a awm hleinem a ni angin insual mi ni lo mah ila. Khi suk in, ka in rap ve hle, tiang hian mi phuba lak duhna hi kala nei lo tkat a tin ni.

Ka in ti paukhauh luia inhnuaiah chhukin Pi Makungi tui ka lum tir a, na ka nei tih awm an hrelo chu ka lawm letling thhaw khat viau, drama lian puia an siam ka rin vang zawk ani.

A lum zawh chuan inchunga khai chhoh ka ruala, ka roomah lutin bathroomah ka lut tlang nghal a, bucket lo awmah chuan chhung lutin inhnuaiah alumna ka dah a, ka rooma bathroom awma ka luh rualin puan nem ka dul depna tur ka keng tel nghal bawk.

Puan chuan ka dul chu ka dep a, a changin na leh zeuh zeuh thin mahse ka dep lui zel a ahnu chuan a zia ta deuh, aduk zualpui chu rawn sen in, a tha turah ngai ang.

Ka khum bula natchhawkna chu eiin ka mu a, ka lo muhil a ni ngei ang " Lucas bawiha lo chhuk rawh hei chaw ei a hun tawh.. " Pi Makungi chuan a rawn ti lawng lawng a, in thing harh vatin inhnuaiah ka chhuk ve vat bawk.

Chaw te kan ei zawh chuan Pi Makungi a phal loh chung ka tih fel pui leh a, ngaiah nei tawh se ka ti achhan chu kan in a ni bik si lo a bakah tih pui kha nuam ka ti hrim hrim bawk nen, ngaiah ka nei ani ber mai.

Ka tih fel pui zawh hnu chuan inchungah chhoin inkhawm tur chuan ka insiam mawlh mawlh a, nalh ka in ti leh fu tawh. Mahni infak hichuan confi alo awl anihhi.

Ka insiam zawh chuan inhnuaiah chhukin U Nathan chuan pawisa min pe a, an ruala kal turin min ti nghal bawk.

Biakin kan thlen chuan junior TKP thutnaah chuan ka thu a, thian thar ka siam bawk a hming chu Zorempuia a ni a, a felin a pian leh mur en chuan a luck hle ang tih pawh ka ring.

Zorempuia nen chuan inkawm in kan nui leh huk huk zel, biakin chhung anih angin a nuih rin theih siloh, kawm chu rin aiin alo nuam phian.

Inkhawm kan ban chuan in lamah ka haw nghal a, ka thlen hnu chuan inchungah chhoin ka inthlak mawlh mawlh a, ka in thlak zawhah inhnuaiah chhuk lehin tui ka lum leh ta a.

A lum hnu reilo te ah chuan inchungah chhohpuiin tuilum leh puan hmangin ka pum chu ka dep leh a, tiang hian a zia leh deuh chuan ka hria.

A lumna chu inhnuaiah dahin ka room lam ka pan a, khumah chuan muhil turin ka in tin tuah a, rei loah muthilh chhuakin min zem riai riai a, ka phone a hla in play chung chuan zan chu ka muhil leh ta ani.

Vawiin hi monday a nia, ka pum a nâ e tilo chuan ka phur ngang mai, ka rilrua thil lo lut avang chuan ka nui suk suk a, ka insiam zawh chuan inhnuaiah chhukin chaw ka ei sawk sawk a, Pi Makungi biakna chhang ta lem lo chuan kan school lam chu ka pan ding nghal a.

School ka thlen chuan tu vak mah an la awmlo, sana ka en chuan dar 8:40 a.m. a nia, bag ka dah fel zawh chuan bag atang lehkhabu la chhuakin lehkha ka zir mawlh mawlh a, nâ ka nei tih tuman an hriat ka ring lo.

Assembly zawh chuan kan class room kan pan hlawm a, a zung duhte chu zunin an pan sang sang bawk.

Classroom kan luh hnu rei loah zirtirtu Hruaitea a rawn lut nghal a, a ni hi tawng tlem mi a ni a, a strick hle bawk.

Min zirtir mawlh mawlh lai chuan sir tawng ngaithla uluk fe ang chuan sir chu ka en ngat ngat a, ka rin lawk ang ngeiin ka nung atang chuan paper balls in min rawn vawm a, tu nge a nih hrilh leh chuan kher ka ngai lo, mahsela hnunglam en ka tum lem lo, annih hmuh ka peih hlawl lo ani.

Lehkha tea min lo vawm sek avang chuan ka ning ta deuh a "Ka ning John min lo tibuai reng suh!!!" ka ti ram hmarh a, chutah sir Hruaitea chuan, " Lucas leh John kha pawnah sawn va thingthi ru" tiin, a sawi zawh hnu chuan a thu angin kan va thingthi ta a.

Sir Hruaitea hi chu runluih chi a ni lo, chutilo chu bomb te chi a ni ringawt, pawna kan thingthit lai chuan John chuan ka vun vangin tuai tiin min chhaih a, tihtur hriat tlak loh lutuk.

Tuai tih tak hi chu ka haw ve chiang a ni, ka hun kal tawh ngaihtuahin ka khi vur vur a, John chu ka melh a ka nui leh suk bawk, chi dawn lutuk.

.....

Tluangtea tuai tia min chhaih thin tu nen chuan dawr kawnah kan in tawk hlauh a, min lo kal hnaihin ka beng bulah hian, "Tuai i nih kha, zanah pawnah chhuak chhuak suh an puangsual palh ang che." khi vur vur pah chuan tiin, kei erawh ka nui suk.

Champ zeta ka beng a a rawn biruk hnu ah chuan, " TLUANGTE I EK A CHHUAK MAW?? IN IN A LA HLA SIA KAN INAH LO INTHIAR LAWK MAI RAWH" tiin min hriat phak lek chuan ka tawng ta chiam a, kan piah a mi te leh kan bula mite chuan an awih a niang an nuih tet tet a, a mit ah chuan melh chat in, ka mit a meiling chu hmuh hmaih suh se.

Tluangtea zak lutuk chu a tlan chhe nghal a.

....

"Johnson i ek a chhuak maw??? kan schoolah inthiarna a awm awm ka van hre lo" ring ve deuh chuan ka tia chutah kan bula class 11 leh 12 chu an nui hawk hawk a, Johnson chu a mengphawk kher mai, ka lam chu rawn hawiin ka mit ah tak chuan min rawn melh kalh bawk. A mit atang chuan min thah duh hmel phian.

A zak chem chem ta ve ang chutah miss Dingi chu class 12 room atang lo chhuakin Johnson chu a ek a chhuak a nih chuan office ah toilet a awm thu a sawi ta mai a.

Johnson chuan min haw viauvin ka ring tawh, mahsela a chan tur reng alawm mawle.

Johnson~

Ka bula thingthi ve mek Lucas chu ka melh kalh a, min la hlauhloh hmel em em zui Miss Dingi pawh ka chhan mai loh avang chuan classroom ah chuan a lut leh ta a.

Sir Hruaite an min lo koh luh chuan Lucas nen chuan kan lut nghal a, vawikhat mah a class a inhlei tawh lo turin min ti ve ve bawk.

Ka thiante pawh chuan pawn lama kan thhawm chu an lo hria ani mahna, min lo nuih huk huk a, ka hnek ve ve kha, an ngawi ve ang chu.

Rei loah Miss Machhuani a rawn lut nghal a, Lucas chu paper ball a zu vawm leh chuan “Warning” ka ti sap a. Cho zet chuan ka tang a, ka melh ralh bawk.

Ka mit ah chuan min rawn melh ve kalh, ka zam chhe hman tep, mahse kei tlangvala pum pa, saw tiang leka zam mai mai turin ka nu in min hring lo ka ti ve tlat.

Pawilo class banah a hre khawp anh, hmanni kha chuan ka dim ve kha ania, ka thil tih theih ala hrelo ani mahna, ka hnuaiah ala kun ngei ang.

Class chu a zo ve zel a, ban a lo hun der mai ka thiante ka biak khawmuan vang vek Lucas chu a bibo hman. A pawilo, a pawi miahlo, a biru reng thei chuang lovang.

Garage lam panin ka thiante nen chuan Lucas in lam kan pan nghal a, Mawimawii an tih nu, Lucasa thian chu hmu in, min la star hmel khawp nghal, huh.

Lucas te in kan thlen hnu chuan, inchung balcony ka hawi chho ka thil hmuh avang chuan ka thin a phu dup dup a, en rengin, a hnungzâng te chu a ngo takzet Christi ai pawn a ngo zawk hial ang tihtur khawp ani.

Kan lam a lo hawi chuan hmun dang hawi vatin kan thianho chuan hmundang panin kan tlan leh ta nghal bawk, motor ka khalh lai chuan ka thin chu phhu dup dup in, ka tisa chakna chu danrual anilo.
Hepa hian ka rilru a sawi nghing takzet, engtin nge min hip le.