🤍🤍
كان جالس على الكرسي الخشبي و كالعادة بعالمه الخاص مع قلمه الخشبي و دفتره بعيدًا عن الصوت المزعج اللي يتكلم فوق راسه..
"كيان!"
قال صاحب الصوت المزعج بعصبية
تنهد و هو يقلب عيونه ماله خلق يسمع للمحاضرة اللي بيلقيها الثاني عليه
"كم مرة اقولك انت جاي مدرسة تتعلم مب معهد فنون تطلع لنا فنونك بنص درس مهم!!"
كمل صراخه بعصبية
كيان على عادته ملتزم الصمت منتظر الثاني يطرده و ينتهي هالازعاج
"تدري كيف؟ شيل فنك و كمله برا الفصل يلا قدامي!"
كيان حمد ربه ان هالمره استعجل الثاني بالطرده
شال اغراضه و حليبه اللي كان تحت الطاولة و هو متجه لبرا الفصل..
فتح باب صالة الرياضة بعد ما شاف المرسم مقفل و هالمره كان في طلاب غيره بصالة الرياضة ، تنهد بانزعاج من تواجد الباقين و جلس على وحدة من الكراسي بكل هدوء
لبس سماعاته و كمل رسمته بعيدًا عن ازعاج الموجودين
كيان و مع اندماجه بالرسم رفع حليبه بيشرب بس قاطعته الكرة اللي كانت متوجهه عليه.. طيحت الحليب من قبضته و انكب عليه و على دفتره
ملامحه كانت مكفية بأنها توصل مدى صدمته باللي صار!
قرب منه واحد من اللاعبين و هو يسحب فوطته و يمسح ثوبه و اغراضه
"معليش والله اليوم تركيزي ماش"
كيان من الصدمة ماتحرك ، ثوبه ماهمه بس دفتر الرسم!! الا هو!!!
دفه و وقف و هو يمد يده و يمسك ياقة تيشيرت الثاني
"تركيزك ماش؟؟ اجل لا تلعب من الاساس انت شايف وش سويت باغراضي؟؟"
الثاني عقد حواجبه باستغراب من وقاحته
"لو ماسمعت يعني تراني اعتذرت لك و حاولت امسح اغراضك بس والله ليت الكورة جت بوجهك عشان تعرف الاحترام"
كيان رفع ضغطه الثاني شد قبضته و اندفع ناحيته
بس قبل لا يسوي اي شي مسك يده الثاني
"اخر عمري بزر اولى يجي يضرب عشان دفتر!"
"بزر اولى بعينك يا ذيخ انا ثالث!!"
قال كيان بعصبية و هو يرفع يده الثانية بس هالمرة جت قبضة يده على فك الثاني
الثاني و بحركة سريعة لوى يده لين ورا ظهره و ثبته عالجدار
كيان رغم المه رفع رجله و ضرب منطقة الثاني
YOU ARE READING
وَجْـــد - WAJD
Romanceالـوَجْــدُ : هو المرحلة الأخيرة في العشق و الغرام ٣٠ مـن سبتـمبر ٢٠٢٣
