هَلمره
لاتعتذر ماضل حِلم صاحـي
وهيه النتيجه شِنو ؟
خسران داخـل حرُب
ومضٕيع سلاحي 💔
. . . . . . . . . . . . . . . . . . . . . . . . . . . . . . . . . . . .
صعب : تعبت بسبب نيران رغم كُلشيء صار ما أذيتها بشيء غدرتني واتزوجت اخويه الساحر المجنون الي بـ عمر والدها وماأذيتها
تركت كسرت فؤادِ وحرگت قلبي نيران مشتعلة بداخلي حرگتني ومشت وصرت رماد ومأذيتها بشيء
خلتني امشي وأكلم نفسي جننتني حاولت انتحر بسببها اشوفها بكل بنت تمر من جانبي اشوفها بأبتسامة طفل بريء اشوفها من تصير دنيا ليل ويطلع القمر اشوفها بـ بزوغ الفجر تجيء نسمة باردة
تذكرني بيها نار دافئة تذكرني بيها بارة مثل شتاء روسيا حارقة مثل صيف العراق مؤمنة كـ الملاك
كافرة كـ شيطان صادقة كـ الاطفال كاذبة وملاعبة
كـ العصابات حنونة كـ الامهات مستغلة كـ العاهرات
كان كُل ضني هيا الملاك ونحن الشياطين .
هههههه أن بعض الضن إثم
تراقصت على جراحي تمايلت بخصرها على انكسارتي و اوجاعِ ونهاية ً صفقت لنفسها على هذا المكسب وانحت لـ الاعيبها ومكرها احتراماً
فل تحيى يا قاتلي .
صعب :صحيت من النوم الصبح تعبان وراسي مصدع بعد الي سويته أمس نيران رغم كُل خوفي وحرصي عليها تطلع نهار كامل بدون نتفكر شنو ممكن يصير وياية
طلعت للصالة اشوف بابا مدخل البيت كان مفتوح استغربت طلعت للشارع أيضاً مفتوح صرخت نيران
نيران أنتِ وين دخلت الغرفة نيران كان السرير مرتب وفارغ والخزانة مفتوحه وفارغه لا لا يا الهي ماتسويها ما تسويها بيا مرتين وتتركني مراح تغدرني وتكسرني للمرة الثانية زين ليش ليش بـ شنو أذيتها بـ شنو غلطت وياها مو إني مو إني هيا الغلطت وراح تندم على خُسارانها .
وقار : بنتي حبيبتي ليش هذا الارتباك والخوف راح نوصل ليش دا ترجفين
نيران : عمو ليش بيتك لـ هذةِ الدرجة بعيد يعني طريق لـ مركز المدينة أكثر من ساعتين واحنا لحد هذا الوقت ما واصلين فما بالك شخص مريض يموت ويشبع موت وانت بالطريق
نضرلي بطرف عينة وضحك
وقار : بنتي هذا بيت والدي وما اقدر أبيعه الحجية تموت إذا عبرت طرف البستان أنتِ بالبداية يمكن تستصعبين العيشة والوضع لاكن راح تحبين المكان اني أأكد الج واذا محبيتي المكان فـ راح تتأقلمين ويا كـ كُل شيء صار بحياتج اتمنى تحبي وتحبين العائله
نيران : عُذراً عمو انتو كم شخص بالبيت وقصدك بالحجية جدتي بعدها طيبه أن شاء الله
وقار : شوفي يا بنتِ جدتج اجتها مصيبتين وحدة ورى الأخرى الاول وفاة والدي والأخرى ترك اخي المرحوم النا من طلع من باب البيت مشفنا بعدها وبعد فترا طويلة وسنين عرفت بوفاة اخي كانت كسرت ضهر الكُل قال انتحر عرفت بعد وفاة بـ شهرين سجلات المستشفى كانت تقول حالة انتحار
سويت له مجلس عزاء دورت على قبره الا ان مليت واخر شيء لقيت شخص من أهل الله كان حاضر الدفن هوة الي دلاني القبر بحثت عنج وعن امج سنين لاكن فص ملح وذاب انتقلتو من المحافظة ما اعرف اختفيتو ماكو اي شيء عنكم ردت منج تعيشين ويانا تربين بينا تنشأين نشأة صحية خفت عليج من امج لاكن ماكو اختفيتي الا ان تركت البحث امي انصابت جلطة من سمعت بـ موت أمان رغم بعده عنا وطلع وما رجع سئل يبقى بقلوبنا ومرتاحين لان نعرف هوة يشم الهواء تعبنا على فراقكم أنتِ من ريحة الغالي
ههههه كافي لا تبجين اخذتنا السوالف ونسيت اعدد الج العائلة الكريمه هسة وصلنا وندخل وتشوفيهم كلهم
نيران : عمو بابا كان يحبكم وحاول يرجع يشوفكم لاكن كانت امي تهدده تنتحر وتقتلني انا لما وعيت للدنيا بابا كان يتكلم عنكم كنت دائماً اكله نروح ويرد بأي وجه كانو متندم على شيء ما اعرف ودائماً رباني ما احكم على الناس من شكلها أو كلامها المعسول الا بالمعاشرة كُل الاقنعه تسقط المشاكل والضروف الصعبة تبين حقيقة الناس واكون ناس مثل الحديد الصدء مستحيل يصفى واتوقع الغدر من الكُل وما عندي سند الا الله ولا اشكو لـ غير الله
واليعرف اليوجعنك يضربك بيهم هذا الي نشأة عليه
كان ينضرلي بـ فخر وابتسامة
