رتبة و ظفيرة

الحَـلقـة الاضافـية ⚜️

رِتـبة و ظـفيرة
رُسـل فَهـد
...

المُهم ما نگدر بلياك
توجع بَعدك الايام
( حامل و بـ بطنها تدوس )
تَعال النا الاعذار هواي
-طگنـا العوز و انتَ فلوس
-رسُل فهد
...

دُرة
بطريقي ويا و اني رايحة لبغداد دخلت بشهري
و حتى تكون ولادتي وين امي و الراحة غـامرتني بـ اللحظة الي
احس بيها اني اختاريت الصَح و الي يناسب شخصيتي الصَعبة و يفتهمها
كأنو رَب العالمين قاسم لكُل انسان شخص ثاني على گد قياسة

اباوع لـياسمين رُغم عقلها المُختل قليلاً رب العالمين جعل نصيبها شخص
نار بس يمها رَماد و يتحمل سوالفها بَس و على غيرها يحاسب أتفه الاخطاء
حتى تحمُله الها يثير الجدل احياناً لكن هو الوحيد الي يعرف اذا جانت اخطاءها
خارجه عن قصد او لا و تستحق العقاب او لا

و كذلك ابـاوع لسَمر اقترنت بشخص نفس شخصيتها حتى واحد يكدر
يتحمل الثاني لان اعرف تصرفات سمر وي شخص جِدي راح تعاني
هواي هواي ولو كُل انسان حاول بأيدة و رجله حتى هو يقرر منو نصيبه
بالتالي هو ما راح ياخذ غير الي مكتوبلة يكمل ويا

لا عادي اكو ناس حاربت و اخذت الي يردونه غصباً عن الظروف
- لان هو نَفسَ الشخص الي حاربت علموده و اخذته مكتوب الك مو لغيرك
اما الظروف لا يُعلى عليها شيئاً اذا شَنت الحرب على القلوب

دُرة : احم يابة ترى ما ثبتت على اسمها
منصور : نـيران
سكتت رُغم مو كلش رايدته بس حالة نِيران و حُبه
الها المكتوم كان اكبر من رأيي

اتذكر باللحظة الي كالت الي الدكتورة بنية و اني افكر شلون اخليها اسعد بنية بالدنيا
و شلون ابقى محافظة على سُمعتي و شخصيتي لخاطرها لان ممكن غلطة وحدة مني
تدمر حياتها و تخليها اريدها كلشي تحجي و لا تنطق جملة ساعة السودة الي بيها اجيت على الدنيا مثل ما جنت اني اكولها بعد ما امي تزوجت

و أتحمل لخاطرها كُلشي مثل ما جنت اريد من امي
لان هيَ زَرعي واجبي اسقيها لو جنت ميته عَطش ممكن يسقيها غيري ؟
اي بس مو مثلي الام وحدها تعرف اطفالها من يا جهة عطشانين
و اني ما أقصُد الماء طبعاً