مسجونتي"(عالم الوحش)" ♡✧✧..

البارت الخامس والاربعون

مسجونتي«عالم الوحش»

البارت الخامس والاربعون
....
سبحانك:
لكرمك طامعون، وببابك واقفون،
ولعفوك قاصدون، ولرضاك محبون،,,
‏اللّهم نسألك ﺑُﺸﺮﻯ ﺗﺸﺒﻪ ﺍﻟﻐﻴﺚ وﻓﺮﺣﺔ ﺗﻤﺤﻮ ڪﻞ ﺣﺰﻥ ،ﻭﻓﺮﺝ ﻟڪﻞ ﺻﺎﺑﺮ،ﻭﺷﻔﺎﺀ ﻟڪﻞ ﻣﺮﻳﺾ ﻭﺭﺣﻤﺔ ﻟڪﻞ ﻣﻴﺖ،ﻭإستجابه ﻟڪﻞ ﺩﻋﺎﺀ🦋🩶
ـــــــــــــــــــــــــــــــــــــــــ
صلوا ع من بكا شوقا لرؤيتنا"♡
ـــــــــــــــــــــــــــــــــــــ

بعد مرور اسبوعين...
تحسنت كيان قليلا عما كانت واهتمت بها والدتها والجميع والتزمت هي بكلامهم وكلام الدكتوره حتي تنفذ كلام زين الذي قال لها قبل ان يغادر واما عن حالتها النفسيه فهي لم تتحسن كثيرا بسبب فقدانها له وندمت ع ما فعلت معه
...
كانت تجلس ع فراشها وتنظر الي الخارج من شباك غرفتها وتنظر الي السماء والي العصافير الذي تتطاير فنظرت اليهم بشرود ما احلاهم وهم يتطايروا ف السماء..
خرجت من شرودها ع صوت والدتها
هناء: يلا ياكيان جاهزه علشان تروحي تكشفي يابنتي
كيان: جاهزه ياماما هجهز شنطتي بس
هناء بستغراب: شنطه ايه ياحبيبتي
كيان: شنطه هدومي يا ماما هرجع بيتي
هناء: خليكي هنا لما زين يرجع وتروحوا سوا
كيان: لأ ياماما لما يبقي يجي.. يجي يلاقيني ف بيتنا
هناء: لازم حد يكون جمبك ياحبيبتي انتي لسه تعبانه
كيان: هبقي احسن باذن الله تعالي اقعدي معايا
هناء: لا يابنتي انا لحد كده وخلاص كفايا اللي حصل هرجع تاني بيتي واعيش مع ابوكي يمكن ربنا يهديه وخليكي انتي استني جوزك لما يرجع وهبقي اجي هنا مهما كان دي عيلتي بردو انا كمان ومستحيل اسيب عيلتي تاني بس مينفعش افضل عايشه هنا
كيان: هترجعي تاني لبابا لاء
هناء: دي ابوكي ياحبيبتي لازم نرجع ليه تاني يمكن نلاقيه اتغير عن الاول ولو متغيرش هشوف ليا بيت اقعد فيه واشتغل
حضنتها كيان وقالت: لا يا ماما مش هسيبك تعملي كده انتي عيشي معانا احسن علشان خاطري
هناء: ياحبيبتي انا معاكي دايما ويلا قومي علشان نطمن عليكي ياحبيبتي يلا
هزت كيان لها راسها وقامت وجهزت شنطه لبسها وجهزت نفسها..
*****

نزلت هناء ومعها كيان الي الاسفل
هناء: ياداده معلشي قولي لحد من الحراس يجيب الشنط من فوق وجهزي شنطتك علشان هتروحي مع كيان
وانتوا رايحين فين يابنتي وسايبه بيتك
نطق بها رفعت وهو ينظر لابته بستغراب
هناء: راجعه بيت جوزي يابابا وهاجي هنا من كل فتره وفتره
رفعت: ازاي الكلام دي جوزك مين دي اللي ترجعيله دي ميستهلكيش يابنتي خليكي هنا دي بيتك
هناء: مينفعش يا بابا مهما كان هو جوزي ووعد مني هاجي هنا تاني
رفعت: طب خليكي وانا هبعت اجيبه ويعيش معاكي هنا
هناء: لا يا بابا مينفعش الكلام دي انا هحل كل حاجه ولو متحلتش هرجع هنا تاني
رفعت: خلاص يابنتي هسيبك ع راحتك بس مطوليش علينا
قربت منه هناء وحضنته وقالت: هتوحشني اوووي
رفعت: وانتي اكتر ياقلب ابوكي
اشرف: هتوحشيني يا هناء خليكي عارفه اننا موجودين لسه اتصلي بينا دايما ومتطوليش علينا واحنا مش هنسيبك ابدا هنجيلك
هناء: تنورني ياخويا وانا مستنياك وعمري منساك ابدا يا اشرف
زينب: وهتوحشيني انا كمان ما صدقت لقيت حد معايا هنا
هناء: معاكي ريا خلي بالك منها
زينب: ريا ف عيني دي بنتي واكتر
هناء: وانا عارفه دي يازينب من غير متقولي
ريا: هي كيان هتمشي ليه
هناء: لا كيان رايحه تكشف وطلبت انها ترجع بيتها
كيان: لازم ارجع زين لما يرجع يلقيني ف بيته
ريا: ازاي هتفضلي هناك لوحدك خليكي معانا هنا
كيان: الداده هتبقي معايا والفيلا هناك عليها حراسه كتير متقلقيش عليا خلي بالك من نفسك انتي
ريا: انا كويسه ياريت ترجعي انتي وابيه زين تاني
كيان: ان شاء الله
وودعت الكل وركبت السياره مع والدتها والداده وذهبوا نحو المستشفي بالاول...
########
كانت تسري الحياه بينهم بهدوء شديد اخر فتره مع حزن سيف ع غياب صديقه وحاولت اسراء التخفف عنه لو قليلا
كان يجلس ف جنينه القصر وهي تنظر له من الاعلي فقررت النزول له فجلبت شئ عليها واتجهت تمشي براحه نحو الخارج حتي نزلت له وذهبت نحوه وقربت من مقعده وجلست بجانبه بهدوء
فقام سيف ووقف وقال: اسراء انتي كويسه فيكي حاجه ايه نزلك من فوق
اسراء: اقعد ياسيف مفيش حاجه انا كويسه
سيف: اومال ايه نزلك
اسراء: زهقت من فوق قولت انزل اقعد معاك انا كويسه متقلقش
سيف: ماشي ياحبيبتي
اسراء: سيف انا عاوزه اتكلم معاك شويا
سيف: اتكلمي سامعك
اسراء: مفيش اي اخبار عن زين
سيف بحزن: للأسف لاء
اسراء بتفكير: طب مفيش اي مكان هو كان بيروحه انت تعرفه او بتتجمعوا فيه
سيف: روحت كل الاماكن دي وملوش اي اثر وقولت ممكن سافر لكن مفيش اي رحله طلعت باسمه نهائي
اسراء: خير اكيد هيرجع تاني مستحيل يبعد اكتر من كده عن كيان ولا عن اي حد
سيف: ان شاء الله يلا قومي نطلع
اسراء: انا كنت.. عاوزه يعني..
سيف: ف ايه يا اسراء قولي عاوزه ايه
اسراء: كنت عاوزه اروح اشوف كيان
سيف: ماشي هوديكي شوفيها
اسراء: بجد
سيف: بجد يلا اطلعي البسي وانا اوديكي ليها بس خلي بالك واطلعي براحتك
قربت منه اسراء وحضنته وقالت: انا بحبك اوي ياسيف بحبك
سيف: وانا بموت فيكي ياقلب سيف..
ــــــــــــــــــــــــــــــــــــــــــــــــــــــــــــــــــــــ
اوقفهم السائق امام المستشفي فنزلت منها كيان ووالدتهاا وطلبوا من الداده بان تنزل معهم ولكن هي رفضت وطلبت الجلوس ف السياره تنتظرهم حتي يعودوا
دخلت كيان ومعها والدتها وحجزوا دور لهم وجلسوا ينتظروا حتي ياتي دورهم
وبعد نصف ساعه اجي الدور عليهم ودخلوا الي الدكتوره
الدكتوره: اهلا وسهلا اتفضلوا
كيان: اهلا وسهلا بحضرتك
الدكتوره: جايا تتبعي حمل
كيان: احم ايوا.. عرفتي ازاي
الدكتوره: باين ع بطنك الصغيره دي حامل بقالك قد ايه
كيان: مش عارفه بالظبط امتا بس ممكن تقولي شهر
الدكتوره: شهر ازاي بس اللي يشوف بطنك يقول عليكي ف الرابع او التالت عموما اتفضلي نكشف ونعرف
اومأت لها كيان براسها واتحهت وطسطحت ع الفراش وبدات الدكتوره ف الكشف عليها
الدكتوره: تحبي تتفرجي عليه
كيان: ايوا ياريت
فتحت لها الدكتوره شاشه العرض امامها وبدأت كيان ان تتطلع ع ابنها ف الشاشه وادمعت عينيها
الدكتوره: لو حابه تسمعي نبضه مفيش مشكله
كيان: ياريت لو ينفع
الدكتوره: ينفع جدا اسمعي
ضق قلب كيان حين سمعت صوت نبضات قلب ابنها او ابنتها بفرحه شديده مع تساقط دموعها بغزاره
كيان: انا ممكن اسجل الصوت دي واخد صوره من الشاشه دي
الدكتوره: تمام عادي سجلي الصوت وانا هجبلك صوره للجنين
اومأت لها كيان واخذت تسجيل للجنين وخرجت لوالدتها
هناء: طمنيني يا دكتوره هي كويسه واللي ف بطنها
الدكتوره: متقلقيش ياحجه هي كويسه والجنين كويس بس محتاجين نتغذا شويا علشان صحتها ضعيفه شويا هكتبلك ع محاليل تغديها وعلاج تمشي عليه لما تيجي المره الجايا واهم حاجه ممنوع الحركه خلي بالك لان من اقل حركه غلط وانتي لسه ف اول الحمل واهتمي بالاكل وبصحتك شويا وعموما الف مبروك انتي هتبدأي ف الشهر الثالث وكملت بضحك شكل بطنك انتي اللي هتبقي كبيره بدري
كيان ببتسامه: الله يبارك فيكي وبعدين انا راضيه كبيره كبيره
الدكتوره: تتهني بيه يارب انتي وباباه
كيان: يارب
وقامت وخرجوا هي ووالدتها واتجهوا الي السياره مره اخري بعد ان اشترت لها هناء جميع الادويه وعلقت لها كالونه ف يدها حتي تعرف تاخذ المحاليل ف البيت
هناء: اسمعي كلام الدكتوره يابنتي وانا يومين كده وهاجي اطمن عليكي تاني وخدي بالك منها يا داده علشان خاطري
الداده: متقلقيش ياست هناء كيان زي بنتي هشيلها ف عيني
هناء: تسلميلي يا داده يارب هنزل انا اخد تاكسي وانتوا كملوا طريقكم
كيان: لاء كمل ياعم محمد سواقته نحيه بيت ماما وبعدين نرجع احنا البيت
هناء: بس يابنتي
كيان: مبسش يا ماما هوصلك الاول
اومأت لها هناء وسكتت وكملوا طريقهم حتي وقف السواق امام بيتهم ونزلت هناء بعد توديعها من كيان ووصتها كثيرا ع نفسها
ورجع السواق مره اخري واتجه الي الفيلا خاصه زين وكيان
......