ليهسه مَعزتك باقيه بروحي ،
لا راحت ولا قلت !
مَعزتك مثل جروحي.
بـ قلمي: بنين آل عابد.
تبدي قصتي من عمر ٦ جان عمري ٦ سنوات اول ابتدائي شاطره حيل عائلتي متكونه من أب و أم وأخت اسمي رقيه واختي زهراء الجبيره...
يلا نبدء.
••••••••••••••••••••••••••••••••••••••••••••
"2003"
-گعدت الصبح على صوت أمي الحلو وهيه تگول..
أمي-رقو حبيبتي يلا گعدي حته تتريگين يلا مامه گومي.. گعدت واني گوه فاتحه عيوني شعري منگوش بجمامتي وحده صاعده وحده نازله..
عدلت شعري وملابسي ورحت للمطبخ اتريگ..
خلصنه رحت العب بألعابي صارت ساعه بـ10ونص.. أجتي اختي زهراء من آخر أمتحان نهايه السنه جانت صف سادس علمي... راحت زهراء تبدل ملابسه وهيه فرحانه خلص أمتحانات...
امي-يمه رقيه زهراء تعالو تغدوا يمه يلا حته نطلع فد شويه... فرحنه الانو راح نطلع.. رحنه تغدينه سوالف وضحك فرحانين عائلتي گلش حلوه.. خلصنه رحنا غسلنا مامه غسلت المواعين
گالت يمه بنياتي روحن بدلن حته نطلع...
رحنه رگض على الغرفه نبدل ونختار شنو نلبس
خلصنه لبس وكعدنه ننتضر بابا يجي... بعد انتضار اجه بابا وهوه مبتسم.. وگال
بابا-يلا بنياتي صعدن بلـ سيارة.. احنا هم ما صدگنه رحنه رگض للـ سيارة اجه بابا شغل المحرك صعدت مامه بلـ صدر واني وزهراء وره..
تحرگت السياره وفرحانيين أمي وابويه جاي يحجون ويضحگون حيل حلوين...
فجأه زهراء اخذت المبايل وصارت تصور بينه.. ورادت تصور بابا..
زهراء-بابا بابا باوعلي خلي اصورك.. بابا جان يسوق ميگدر يباوع عليه بس ماحب يگسر بخاطره.. بابا گلش يحبنا ميقبل علينا ابد ومدللنا هواي... دار وجهَ بابا يباوع الـ زهراء حته تصوره.. فجأه منحس اله أجت تريله رون سايد ضربت سيارتنه.... بعده محسيت على شي..
وره فتره گعدت گوه افتح عيوني احس نفسي مكسره جسمي كله يوجعني حيل.. اشوف نفسي بغرفه بيضه ارتعبت التفتتت يمين ويسار شفت الممرضه موجوده شافتني گعدت اجت عليه خلت يده على راسي تفحص حرارتي...
بعده تذگرت گلشي صار وياي صرت أبجي بهستريه واصيح اهلييي ويننن أهلييي
الممرضه-اهلچ الي سوو حادث بـ سياره صح؟
رقيه-اي اي..
الممرضه-البقيه بـ حياتچ حبيبتي خاتمة الاحزان صيري قويه...
اهنا أجتني حالة صدمه ماعرف شنو احجي شسوي شجاي يصير مستحيل...
بعد مرور الايام خلصت الفاتحه وهنا أخذوني بيت اجدادي اهل أبوي اعيش يمهم الان مابقه عندي احد..
نعرفكم عليهم...
-
عمي الجبير سعد مزوج ومرته تحبني كلش
واحبها وعده بنيه حبابه وابنهَ يحبني بس اني ما اطيقهه ضابط اسمه هاشم..
-ابوي الله يرحمهه...
-عمي علي هو وعائلته خبثاء لا احبهم ولا يحبوني...
-عمي محمد عائلته حبابه.
-وعمامي الباقيين ميتين الله يرحمهم.
- عماتي زهراء وزينب ونور حبابات كلش واحبهن بشكل زهراء وزينب متزوجات بس نور مرحله رابع كليه قسم رياضيات مامزوجه.
-وبيبيتي اسمها صبريه احبهااا بشكل وتحبني تموت عليهه وهيه المسيطره على الكل ومحد يكدر يحاجيني لان هيه موجوده..
كملت بقية حياتي وياهم وأكثر شي وي بيبيتي وعمي سعد وعائلته ونور عمتي بس مااختلط وي ابنه هاشم..
كملت دراستي وهمه جانو يشجعوني لحد ماصار عمري ١٦ سنه صرت صف رابع علمي شاطره وكله اطلع اعفاء عام وادرس وي بنت عمي سعد وعمتي نور هيه تساعدني...
جنت گاعده والعب بلـ مبايل واگلب بي فجأه..
دزولنه على قروب المدرسه مالتنه اسماء البنات الي طلعات اعفاء.. كمت اقره بالاسماء واني متحمسه الگه اسمي توترت وختمت القرأن واخيراً شفت اسمي مطلعه اعفاء عام..
الفرحه ماوسعتني رحت ركض لـ بيبيتي واني اضحك وفرحانه جانت يمها ابن عمي سعد هاشم يحجي وياها اجيت الها كلتلها.
-رقيه:بيبي بيبي طلعت اعفاء عام.
-بيبي:يااا بعد كلبي عفيه بـ بنيتي السباعيه.
وتبوس بيه و تحضني التفتت شفت هاشم يبستم بـ وجهي كال الي.
-هاشم:الف مبروك يوم زواجنه اني وياج.
طنكرت وضجت منهه كلتله مو بكيفك هيه.
-هاشم:بـ عصبيه اكلي خر*.. مو بكيفي شنو غصب عليج انتي اليي فهمتيييي.
-رقيه:لاا موو غصبب وليي.
وكمت سمعتهه كام وراي وبيبيتي اصيح وراه تكله انعل الشيطان عوفها.
كمت اركض رحت للغرفه ردت اطبكها ما لحكت دفعها وطب وسداها وقفلها بالمفتاح.
ضربني راجدي بـ كل قوتهه.
-بعدين گال....
#يتبع...
بـ قلمي: بنين آل عابد.
الكاتبة: سلام عليكم حبايب گلبي شلونج أنشأ الله تگونون بخير وصحة وسعادة دائمة يارب..
شنو رأيگم بلـ بارت كتبولي بلـ تعليقات ولا تنسون ☆التصويت وشارگو القصه الاصدقائگم الان البارتات الجايه دمار 🔥✨..
انستا
@kdj_jl
(في حفظ الرحمن 🤎)
