دازت 27يوم بالحساب وملاك كتجمع فحوايجها وناضية كطلب فيها هي وحنان وهي شادة فقرارها تا دخل سعد سكران كيتلاوح تا سمعو شي حاجة تهرسات وناضت طل حنان
لي طلات كتلقاه واقف بطولتو الرحوليه كيتمايل مهرس قرعة دشراب لي خوات شافتو مشات تجري
حنان : عتقو سعد سكران ناااااري
نادية : اويلي باغي يسطيني المسخوط لي ولدو نوضي عيطي لراجلك نوضي
هبطو عندو وملاك مخرجاتش تا سمعاتو كيعيط بسميتها بحزن بقاو مضاربين معاه وهي غا كتبكي مصدومة تا دخل البيت عليها لقاها هازة الباليزة
سعد : باغة تهناي مني صفي
ملاك مجاوباتوش ونادية كطلب ووالو كان صحيح واخا سكران
سعد : صفي لقيتي الحرية اطلقي وديري مابغيتي وابربي تا نقتلك برررب
ملاك عصبها حالس كيطعن فشرفها قدام دارهم
