#بارت 7 -
"اليوم كان قاتماً أهلكني ثقلي على نفسي، أعرف أن السؤال بات مكرراً وسخيفاً ولكن كيف يهرب الإنسان من نفسه" ؟
شذر: اشرت لابو تكسي وكفلي ركبت ومشى بيه
بصدري شهكه وعيوني مغوركه بدموعها بس ماريدها تنزل بعد
وين رايده عمو
شذر: للكاظم عمو
هز راسه وركز بطريقه تحسبت على اهلي من كل گلبي
وصلني انطيته كروه 7 الف وبقيت لازمه الباقي بكل قوتي خفت اضيعها هاي ثاني مره اجي
لهلـ مكان اول مره اجيت جان عمري 9 سنوات اجيت اني وماما وهي بقت تزور وتصلي وتبجي من كل كلبها حبيته المكان وحسيت براحه عجييه بي ومن بقيت يم خاله ام تميم يوميه تحجيلي عن الامام وشلون ينطي امراد ووعدتني وره زواج تميم اتجيبني بس مصارت بقيت اباوع مادري منين اروح ومنين اجي بقيت امشي وره مره هي وزوجها وصلت لمكان بي شرطه ردت ادخل وكفني
دخلي علـ تفتيش اختي
شذر: منين اشرلي على المكان رحت فتشوني وبقيت امشي واتلفت خوف يمكن لأن اول مره اطلع لمكان وحدي ويمكن راحه لأن ماسمحت لاحد منهم ياذيني ويخليني اعصي رب العالمين علمود مصالحهم اني ناعرف شنو شغل بابا ولا اعرف ماما شنو جانت تسوي بس اني ماجنت احب طبعهم وجنت دائماً اشغل التلفزيون واسمع محاظرات دينينه واحب اقراءه القران مجنت احب تصرفات ماما ولا لبسها ومستحيل يجي يوم واصير مثلها
لو يموتوني وصلت لتفتيش ثاني
فتشوني الگبه صارت قريبه مني بجيت من كل گلبي صرت امشي وابجي علما وصلت للباب ردت ادخل وهم كلولي اكو تفتيش ثالث مشيت وصلت لاخر تفتيش ازدحام اكو مره جبيره كل شوي دكول بعلو صوتها
افلح من صلى على محمد وال محمد
واحنا نردد وراها دخلت جريت نفس قوي براحه
بقيت امشي سألت وين الحمامات رحت توضيت ضميت الفلوس زين خفت اضيعها وطلعت امشي. واتلفت معقوله خاله هسه ادور عليه وضال بالها عليه دخلت للصحن البروده لفحت وجهي زرت وصليت قريت دعا الزياره
وبقيت استغفر. رجعت راسي ليوره وبقيت اردد بيها غفيت واني شعور الراحه والرضا متملكني
كعدت باوعت الساعه ب 4 ونص العصر حيل جوعانه مادري شسوي اكو مره كاعده بصفي خاله يبيعون اكل اهنا
لازم اطلعين بره تشترين اكو مطاعم
شذر: هزيت راسي وكمت رجعت سألتها الامام يقبلون احد ينام بي لو لا
ماعتقد يقبلون
شذر: اهنا اني بلعت طن خوف يعني شلون ميخلون وين اروح لعد طلعت بره مكسوره روحي مفرفحه اشتريت لفتين وببسي وكعدت اكل وبالي كله اخاف صدك ميخلوني ابقى كملت وكمت افتر اباوع على الغراض علما اذن المغرب رجعت هم توضيت ودخلت للامام صليت وبقيت كاعده روحي لايبه اتملكني الخوف وخفت اسأل وصدك ميخلون بوكتها شسوي
سألت وحده من لبنات التشتغل اذا يبقون مفتحون لو يسدو
YOU ARE READING
شذر ايوب
ChickLitخذلوني اولئك الذين ظننت الحياة معهم ستكون افضل فليتهم اصطفو ضدي ولم يصطفو خلفي ليتقاسموا ظهري بخناجر غدرهم المسمومه تركت لهم ظلي ورحلت لانني لا احمل رغبه الانتقام من احد والايام كفيله برد اعتباري
