الكاتبــه بنت المـهدي
رسمت الهوامش واقع لنا رغم تضحيتهم بـ لحظاتهم السيئة فقدوا شيء واكتسبنا اشياء
.
.
.
كاعده بالغرفه انتظر الفرصة واللحظه الي اطلع بيها
شوي وحسيت الوضع هده برا هدوء ساعه 3 الفجر كمت سحبت الجنط ثنينهم وطلعت مشيت سريع للباب
حطيت الجنط على الارض لبست الكمامه ولبست كبوس الترواكه وطلعت التلفون حتى اتصل على اسيا وماحسيت الا ايدي انسحب منها الجهاز ونرگع بالحايط صار اجزاء التفتت واشوف نسرين تباوعلي بنصر مثل الي حظه بغنيمه حجيت وانا كوه لازمه اعصابي
وهج.. هااي ليش
نسرين.. حتى تعرفين اللعب وياي مو سهل يحلوه
مو سكتت عنج معناها نسيت خلي رجلج تعدي الباب
اصيح ومو بس اهلج الم حتى الجوارين
باوعتلها بحقد عبالها من تهدد اخاف لو ارجع دفعتها حيل انشمرت بعيد طلع صوت ناصي الها من الم الضربة وقبل لا اصيح شلت الجنط وحده بجتفي والثانيه بيدي وركضت حيل وبعدها الدنيا ظلمه والرؤيه صعبه وعفت نسرين وراي اصيح بعلو صوتها
طلعت الفرع وانا اتنفس سريع والبخار يطلع من بين شفايفي الباردات لمحت من بعيد امجد بالفرع المقابيلي
لسوء حظي انتبه صفن عليه يركز بيه ثواني وفتح عيونه واجه يركض بتجاهي دخلت للفرع اركض شفت من بعيد جاسم ومنذر واگفين ويسولفون والجكاير بيدهم ماانتبهوا عليه بطئت مشيتي حته لا ينتبهون وبنسبه لامجد مستعده اصرخ بالشارع وبهل الوكت اذا لزمني امشي سريع وامجد وراي شبه يركض
انتبه منذر عليه وعگد حواحبه يركز بيه وتقدم لمح امجد يمشي وراي توقف ابتسمت مستهزئه لا هاي هيه خوش خلصتي وهج اشو كدامج منذر والوراج امجد انلزمت مابيها مجال بس كملت مشي بسرعه ولازم اطلع لشارع اخذ سياره هااي عود اذا وصلت بالي يم اسيا اصلا مادخلت للبيت الهيه بي حتى لا تضرر
فضلت ادبر حالي وانا اطلع روحي منا
امجد وصل قريب مني ومنذر واگف غاد بالباب عبالك ينتظر اللحظه الي يهجم بيها بس مايكدر يحجي وياي امجد قريب مني كلش سمعت امجد يحجي يسمعني
امجد.. اذا ماوكفتي اقسم بالله للبيت ماادخلين گبل لگبرج لج وهج صدگي انهيج شطلعج بت الكلب
ويه حجايته مااشوف الا سياره وكفت بصفي
.. اصعدي بسرعه
بقيت جامده هذا منو وشلون اجه عليه
من الخوف ومااعرف شلون صعدت بسرعه
وسديت الباب يمكن بسبب قرب امجد وما
اريد يوصل الي اول ماسديت الباب بقه
امجد يدگ على الجامه وجه اختلف شكله
امجد.. انزلي وهج لج اموتج والله
حاول يفتح الباب وماانفتح وتحركت السياره
جنت متررده من الرجال الغريب لان اول مرا
اشوفه وخايفه بنفس الوقت بس حجيت
YOU ARE READING
يافع في عصر الصوارع
Mystery / Thrillerها نحن ذا حملنا صعابنا لنسعى للخليل ها نحن ذا مع عشقنا بعد ان حكمت علينا مدارس الحقد ومن زُرع بداخلنا هو منا ونحن اطهر منه هو فينا وباحشائنا نكره صلته هو إليفنآ بعد ان نظرت إلى باطن ارواحنا اكتشفت ! أن إلفة القرب كذبة وضغن الاثيل هو فاصل م...
