قاعدين يلعبو بالطين، جات واحده بتكرههم وبتكرهه صحبتهم مع بعض وقفت ليهم وقالت: مَهره مسلمه ومَهره مسيحيه كيف صحبات
م ردو ليها بس مَهره بتبكي قالت لمَهره اخت عمران: ليه اي زول م عايز علاقتنا سوا؟
مَهره اخت عمران ساقتها ودخلو البيت ام مَهره عاينت ليها لقتها بتبكي قالت ليها: مالك يابتي في شنو
مَهره اخت عمران اكتفت بالسكوت لمن سالتها امها قالت ليها: كل مره بيجو شفع الحله يضحكو فينا ويمشو عشان انا مسلمه وهي مسيحيه
جا عمران داخل عاين ليهم لقاها بتبكي مشى عليها وقال: مالك يا مَهره
مَهره اول م شافتو قعدت تبكي وقالت ليهو: تاني نفس البت جات قالت نفس الكلام ومشت
عمران ساقهم الاتنين جوا وقال ليهم: انتي مَهره وانتي مَهره الاتنين قدر بعض وفرقكم ساعات صح؟؟ من قمتو اخوات وصحبات انتو م تخلو كلام الناس يأثر فيكم في النهايه انتوو صحبات واخوات
مَهره مسحت دموعها ، عمران ابتسم وقال ليها: ايوا دي مَهره البعرفها
طلع ليهم حلاوتين وباس كل واحده في خدها
وبكدا عمران قدر يسكت مَهره وجبر بخاطرها❤️.
"جزئيه من الماضي"
___
عمران بخلعه قال ليها :عارفه؟؟
مَهره قالت ليهو: عارفه انو دي كلها خطه من ايمن عشان يفرقنا وعشان اكون مشيت بقناعه وانا فعلاً عملت الفي بالو ومشيت وقطعت اي شي ليهو علاقه بالسودان وعشان انت كمان تقول خليتك بسبب الموضوع دا بس انا كل السنين دي عارفه انت م خنتني وانك م كنت بتراسلها برضاك ولا حتى لمن جات البيت وانا قاعده انت كنت عايز تستقبلها ببساطه عشان صحبه ايمن بس انا كنت عارفه كل دا وم حبيت ابرر ليك وم صدقت لقيت موقف زي دا عشان تنساني يا عمران
عمران مسك يدها وقال: وانتي قايلاني نسيتك يامَهره؟؟ انا الليل كلو بفكر فيك وطول السنوات دي بفتش فيك وايمن م راضي يوريني عنوانك قايلاني بنساك؟؟ هو انتي بتتنسي؟؟ انتي حب عمري وحياتي كيف انساك؟
مَهره قالت ليهو: وانا في المقابل عملت شنو؟ خنتك وعرست واحد تاني
عمران فك يدها وقال ليها بتردد: حبيتيهو؟
مَهره سكتت مسافه وم قالت شي ، قال ليها: بسألك؟؟
مَهره حركت راسها بمعنى "لا"
عمران ابتسم والدموع في وشو قال ليها: طيب وريني خنتيني كيف انتي لسه بتحبيني يا مَهره
مَهره قالت ليهو: م بحبك بطلت احبك
عمران بقى مصدوم عاين ليها وهو ساكت بس م قال شي، مَهره نزلت عيونها عشان م يكشفها ، عمران قام وخلاها ، مَهره حضنت بتها وبقت تبكي
