الشر الأسود

الجزء الحادي عشر

مرام : يعني اي !؟
المدير : يعني للأسف عمر عارف انك اللي حطيتي الكاميرا ..

مرام : طب ماتكلمش لي ولا قتلني لي دي كانت فرصه ليه !

المدير : ماهو دا اللي انا مستغربه لحد دلوقتي ..

مرام : حسن يعرف الكلام دا !

المدير : لا محدش يعرف لسه أنا أما وصلت لنتيجه وفهمت اللي حصل كان لازم انتي اللي تعرفي أول واحده ...

انتي لازم تنسحبي مينفعش تكملي ولازم تختفي خالص ...

ممكن يقتلك في اي لحظه ..

مرام : لا مش أنا اللي أنسحب ..

هو يمكن عرف أن في كاميرا بس هيعرف منين أنه أنا اللي حطيتها !

ماهو كان معانا سواق وكان في الناس اللي قابلهم واستلم منهم البضاعه !

مش شرط يكون عرف وكشفني !

المدير : ماهو أنا مش هرميكي في النار عشان نعرف كشفك ولا لا الموضوع انتهى أنا هكلم حسن دلوقتي ينهي البيت اللي كنتي فيه ويجيب كل أدواتك

مرام : يافندم مينفعش أنسحب في نص الطريق
أنا متأكده أنه لسه ميعرفش حاجه !

وحتى لو عرف لو كان عاوز يقتلني كان قتلني في ساعتها ..

أنا هكمل على مسؤوليتي الشخصيه حتى لو جرالي حاجه انا معنديش مشكله ..

دا مدخل كمية مخدرات محدش يتخيلها للبلد ولشبابنا ...

المدير : الموضوع أنتهى يامرام أتفضلي
واحنا هنتصرف بطريقه تانيه لحد مانقبض عليهم ..

مرام : خرجت وانا مصممه من جوايا أني هكمل لوحدي من غير ماحد يعرف ..

.......

في الشركه دلوقتي :
نغم :اي ياعم عمر شايفاك سرحان كددا وجايب حاجات معاك كدا شكلها جديد ..

عمر : كنت مع مرام في المول ..

نغم : طبعا مش صدفه ..

عمر : أكيد هو احنا عندنا الكلام دا بردوا ..
أنا عارف انها هناك

نغم بضحك :
في رحلة سفاري في الصحراء طالعه بعد يومين !

ها مين هيروح ؟

عمر : لا مش مستاهله أروح أنا ...
شوفي اي حد يقضي المصلحه الدنيا نايمه أصلا اليومين دول ..

الرحلات سهله ..

نغم : ماشي ياعم

بس مش عاوزه موضوع مرام يأثر على شغلنا متنساش أحنا أي ياعمر...! 

عمر : اظن أنك تروحي تشوفي شغلك ....

أبقي أتصلي اتطمني عليها أنتي وشوفيها هي مش ناويه تيجي ولا هي هتاخد أجازه

نغم : متخلنيش اتصرف واعمل حاجه تضايقك !

عمر : انتي لو لمستي مرام أنا هقتلك يانغم فاهمه ...!

حسيت أن نغم مش ناويه على بر أما أتصل على مرام اطمن عليها ...

قعدت أرن كتير وعدى أكتر من 3 ايام مش بترد ولا أعرف أي حاجه عنها

لتكون نغم قتلتها بجد !

روحت البيت عندها وقعدت أخبط كتير مفيش رد وتليفونها مقفول ياترى راحت فين ؟

فضلت على الحال دا فتره ..!

لحد ماوصلي خبر أن في حد دخل البيت عندها ومش واضح هو مين... !

عمر : أنت متأكد أن في حد دخل ولا بيتهيألك ولا اي !

الشخص : أيوه متأكد

عمر : مرام !

الشخص : للأسف مش واضح حاجه

دا حد لابس بنطلون اسود وجاكت اسود وكاب أسود ولابس ماسك كمان .!

عمر : تمام كويس اوي أقفل انت ..

ياترى في أي وعمر ناوي على أي ؟

أنتظروا الجزء الثاني عشر