#لقاء_واحد_يكفي
البارت الحادي والثلاثون
بقلم الكاتبة غدير وسام
💚 🦋 🦋 ✨ ✨ ✨ ✨
صرتلهم جسر عبرو عليه هواي
واليعبر يسولف عني ويذمني
نعرفها البشر لا ماتجازي الزين
شجر مثمر صرت والمار يضربني
صحيح تألمت بس طبعي منبع ماي
أظل انبع وفه للجاي متعني
ما ردت الشكر عالزين من سويت
بس ربك يجازي وهو يكرمني
💚 🦋 🦋 ✨ ✨ ✨ ✨ ✨
كعدت حلكي ناشف ريحة زفرة الدم ماكو بس اكو ريحه غريبه بحلكي
الم قليل كلش.. جريت حسرة نفس مرتاحه باوعت وين اني شفت نفسي بمستشفى ويمي عمه وعمو
الحمد لله على السلامة يمه شونج
هزيت راسي احسس، بلعومي متجرح
شصار يمه
اني اسالج لو انتي تساليني.
كلشي مامفتهمه اني هو فات صوته عالي ويصيح ويكسر وطلع قفل الباب
بجيت يمه مو اني والله
احجيلنه هسه اني شفتهمت شبيج، شوصلكم لهاي الحاله
حجيتلهم هي وعمو كلشي
عمو هو انتي الخلصتي منهم وبوكتها عاند كال ماقدم بلاغ اخاف البنيه الطلعتني تنضر وتتاذه وضيع حقه علمودج بوكتها.. وصلاح الكلب. هو وعمار اله ايد بخطفه بسام
اي عمو بسس وداعة الي بطني ممتفقه وياهم بس خفت من اهلي.. باوعلي وكال بسيطه سهلة سهله
عافنه وطلع يخابر بتلفونه عمه والله خفت منهم
واهل عمر صاحبين مشاكل دائما تصير وياهم مشاكل الناس الي تندك بيهم متخلص منهم ابد حتى لو اصحاب حق يفروها عليهم واحنه فقره. مالنه احد ابسط مابيدهم اهلي يموتوني والله
خفت منهم ومن اهلي وهمه هم من يومها شالو ثاني يوم محد عرف عنهم شي وشفته بيوم خطوبه ريماس هو استنتج اني مهزمته لبسام.. احجي الهم واذكرت الطفل عبالك
صحيت على نفسي الطفل رغم حيسيت بي وكع بس كذبت احساسي
عمه الطفل وكع
لا ماما موجود بس سوتلج ربط ومهدده بلاسقاط
بسام وين
ماندرري بي
لعد منو جابني هنا.
عمج ومصطفى كسرو الباب وجبناج للمستشفى
دك تلفونها كالت هذا بسام حاجته وكلتله احنه بالمستشفى ريماس سوينالها ربط من وراك وره ضربك شبيك تخبلت مادري شحجه هي، صيحت عليه وسدته بوجهة
ولحد الليل هو لااجه ولا اتصل جنت متصوره لو شما يكون بينه من يسمع يجيني ركض بس طلعت غلطانه
صدكتهم بسام الله يظهر الحق وتطلع حوبتي بيهم يارب
عمه تباوع كالت ليش ماحجيتي من الاول لو بس حاجيتلي اني..
STAI LEGGENDO
لقاء واحد يكفي بقلم غدير وسام
Storie d'amoreليس الاشخاص سوى عقارب ساعه تدور وتدور لتلتقي بنهاية المطاف الايام الشهور السنين تمر كلمح البصر نقابل اشخاص فنحفر داخل ذكرياتهم بينما ننساهم نحن ليس لانهم لم يتركو اثر لكن بسبب مامررنا به من احداث اليوم نخوض احداث قصه حدثت بما مر من الزمن. لنبدا...
