Name - 你听得见 ( Confession' shared universe )
Chapter - 93 chapters + 2 extrasသူငယ်ချင်းကောင်း 'လျိုစစ်ကျား'ရဲ့မွေးနေ့ပွဲကို မီးတွေထိန်ထိန်လင်းနေအောင်ထွန်းထားတဲ့ ဗီလာကြီးထဲမှာ တခမ်းတနားကိုကျင်းပဖြစ်တယ်။ အကြီးဆုံးသခင်မလေးက လက်နှစ်ဖက်ကိုထွေးဆုတ်ပြီး မီးရောင်အောက်ကပါးပြင်လေးလည်းခပ်ရဲရဲနဲ့ ;
"သူ လာပါစေလို့ မျှော်လင့်ပါတယ်"
နံဘေးဆီက သူငယ်ချင်းတွေအားလုံးက ဘယ်သူ့ကိုဆိုလိုမှန်းသိတော့ 'ဝိုး'ခနဲ တစ်ယောက်ပြီးတစ်ယောက် အော်ဟစ်ကြပါရော။ ဒါပေမယ့် သူ လာမယ်၊မလာဘူးဆိုတာအားလုံးက စိတ်အခြေအနေပေါ်ပဲမူတည်တာ။
မွေးနေ့ပွဲအလယ်လောက်ရောက်တော့ 'ပန်းရှန့်'က မွေးနေ့ကိတ်တစ်လုံးနဲ့ရောက်လာပြီး စီးကရက်မီးငြိမ်းလို့ စကားဆိုလာတယ်။
"မွေးနေ့မှာပျော်ရွှင်ပါစေ"
အကြီးဆုံးသခင်မလေးက အတိုင်းမသိကိုရွှင်မြူးနေခဲ့ပြီး နောက်ထပ်တစ်ကြိမ် ဖယောင်းတိုင်မီးမှုတ်လို့ဆုတောင်းတစ်ခါထပ်ပြုလိုက်တော့တယ်။
နောက်တော့ အားလုံးပျော်ပါးကြရင်း 'လင်းဝေးရှ'လည်း သစ်သီးတွေယူပေးဖို့ မီးဖိုချောင်ဘက်ကို တစ်ယောက်တည်းထွက်လာခဲ့လိုက်တယ်။ တစ်ဖက်လှည့်လိုက်တဲ့အချိန်မှာတော့ လူတစ်ယောက်ရဲ့ရင်ဘတ်ကိုဝင်တိုက်မိလိုက်တာကြောင့် 'လင်းဝေးရှ' အလိုလိုနေရင်းနောက်ဆုတ်မိလိုက်တယ်။ 'ပန်းရှန့်'က အိတ်ကပ်ထဲကိုလက်တစ်ဖက်ထည့်ပြီး ဖြည်းဖြည်းချင်းချဥ်းကပ်လာလိုက်တာ သူ့အရိပ်တစ်ခုလုံး အုပ်မိုးသွားတဲ့အထိ။ သူမရဲ့နှာခေါင်းထိပ်လေးမှာပေနေတဲ့ခရင်မ်တွေကိုတွေ့တော့ သူ့အကြည့်တွေ တမူပြောင်းလဲသွားပြီး သူမကို တည့်တည့်ကြည့်ရင်းနဲ့ ;
"မင်း ဘာတွေလန့်နေတာလဲ"
------
အကြီးမားဆုံးသောကျောင်းပွဲတော်နေ့မှာ လူငါးယောက်တစ်စုက ကဒ်ကစားကြဖို့အတွက် ပင်လယ်ဘက်ကိုခိုးထွက်လာကြခဲ့ပြီး 'လင်းဝေးရှ'က 'ပန်းရှန့်'ကို မေးခွန်းမေးရမယ့်ကဒ်တစ်ခုဆွဲမိလိုက်တယ်။
YOU ARE READING
You Can Hear That [ ဘာသာပြန် ]
Romance"တစ်ခုခုဖြစ်ရမယ်ဆိုရင် နင် ဘာဖြစ်ချင်လဲ" "ငါးမန်း" သူက တစ်ခဏလေးရပ်သွားပြီး ပြန်မေးလာခဲ့တယ် ; "မင်းရော" "ငါးကန်" ဘယ်သူမဆိုသိကြပါတယ် ၊ ငါးမန်း နဲ့ ငါးကန်ဆိုတာ ဘယ်တော့မှ အတူတူပေါင်းစပ်လို့မရနိုင်ဘူးလေ။