بعيونچ شفت حيره وتدور إسنين.
ضاعت مدري يمته وما حسبتيها.
ودموع إنبچت بس باقي كومه دموع.
ماجابت الضايع من بچيتيها.
شفتچ إنتي زيتونه إنزرعتي بگاع.
بس صارت سجن هالگاع تاليها.
عنوان السلام وغصنچ المگطوع.
ذابل والسعاده وياج ناسيها.
يامركب صبر ماغرگ رغم الموج.
بيچ بحور غرگت وبشواطيها.
شفت بسمة چذب بيها شموخ هواي.
واحزانچ گلب مجبور خافيها.
شفت قصة زعل غشت الشاف العين.
لاكن مو عله العينچ يحاچيها.
لإن اعرف افسر والزعل اقراه.
عينچ مارضت عالدنيا والبيها.
شفت(مضلومه)مكتوبه بوسط لعيون
رمشج شفته راسم كل غواليها.
عتب شفته وشفت آهات منسيات.
والحسره إجت من نار ماضيها.
شفت التعب بيها وقصه هاي العين.
محتاجه اليوافيها ويراضيها.
