نجوم محرقة وليل "دامس"

بارت ٩

بقلمي انا الكاتبة::- بلبل

#نجوم_محرقة_وليل_دامـس„

مثل ممشه الهوادج مال وكتي وياي
على ناگه هزيله بضهر حيله انهد
ضعفت مثل الكتابه بجف اليرجفون
بحيث الجسم صاير يدخل بمعضد

تعليق بين الفقرات لطفاً ومتابعة الحساباتي 🩵.

الانستكرام::-ze8.h
الواتباد::-zai9_hr

♡'･ᴗ･'♡♡'･ᴗ･'♡♡'･ᴗ･'♡♡'

نجمــة::- وكفت على جهة ومــروة يمي عـــيونها متروسة دموع مثل حالي تباوع سكت ، لـيـل يمسح بوجهة خاله وهي ملتهية تلبس بشيلتها التفت لنا يحجي

- روحن لمن ملابسجن والفراشات بــــس وانا راح اجيب سياره ستعجلن وهذا الجبان حسابة يمي والله اطلع منتوف إذا ما كسرته تكسر

التفت الخاله من تحجي

- يمه اخاف عليك يسويله سالفه وأعرفة واللــــه اعرفه

رد عليها بحرگة ويصيح بصوت

- خيولي هل دثو شيريد يسوي أكثر مما يمد ايده على مرأة كفيلج اخوها الزينب نعجة مسوينا ولد السمير على قوطيه عرك ملعبين النعال على رأسه لا شوفي يمج فحل يمهم والله يمسح حفافيظ جهالهم هل كواد

خاله مدنكة واحنا وحده تتصفن بثانيه دار عينه علينا

- تحركن شمنتظرات

هزينا روسنا وفتنه للغرفه وهو راح يأجر سياره ، انا لميت ملابس وهي تنزل فراشات على گدنه وتسفطهن شي على شي وشدهن بالنص ساعة يله رجع ليل وياه ابو سياره خاله ومــروة دخلن بالمطبخ ولولد ولـيـل فاتوا يشيلون بالاغراض

ماخذنا اي شي غير الفراشات والملابس طبينا للبيت ينكت وصخ رمل حيطان نص صبغ والباقي اسمنت الكاع صبابة ومحفرة ، مــــروة وخــــاله طبن يشوفن الغرف وانا ولـيـل فوتنا الاغراض

كملنا رحت طلبت من جـيران مكانس كنسنا كل واحد ماخذله جهة بـس لـيـل راح ينظف الترك

من كملنا رحنا اني وياه السوك شترينا من الباله واحد من ربعه كال اخذوا شتردون بالقسط اخذنا طباخ وقنينه رحنا هم شترينا ابساطات للصاله والغرف ورجعنا .... بقينا نرتب كلشي بمكانة وهو راح الشغل ، كملنا كلشي اجة لـيـل جاب غدا تغدينا ورحنا جبنه احتياجات ونواعم دزهن بيدي وهو راح مكمل الشغله