عشق عصام ( متوقفه)

الحلقة 20

.
.
.
.
.
.
.
.
.
.
.
.
.
.
.

.
.

جات ماشية وهي مفتاخرة براسها حتى سمعات واحد الجملة خلاتها تعجب :

نسيتيه اعشق بهاذ السهولة ؟!

ضارت عندو رافعة حاجب ومنزلة حاجب حكات الرقبة ديالها ودوات بهدوء:
شكون نتا ؟ واش كنعرفك ؟

تبسم بمرح وهو داخل عند صاحبو :
سولي منال غاتجاوبك !

سد الباب عليها وخلاها مصدومة فين كيعرف منال او كيعرفها اصلا واش كتعرف حتى هاذا لمريض

شدات في قلبها لي كيدق بزربة  منين قاصت  عصام
وهو مبغاش يحبس (ماشي على الخدمة )هزات يديها لحناكها لقاتهم سخانين
بقات ساهية في هاذ شئ لي وقع

حيدات طابليتها وعلقاتها في بلاصتها هزات سوارت وصاكها زادت ناحية الباب لي فيه واحد المراية طويلة
شافت الانعكاس ديالها تلمسات وجهها بيديها وعينيها مفيكسين في اتجاه واحد وكينتاقلو مع الحركة ديال يديها

سدات البيرو ديالها وصات الفرملية منين يفيق المريض تصوني عليها

ركبات لوطو ديالها وكسيرات لواحد البلاصة 
..
وقفات عليها كيف قباض الرواح وهي كتصاوب شعر ناس

همسات وهي كتفكر  في هضرة محمد لي مخرجاتش من راسها
:سولو عليك شي ناس!!

شافت فيها باستغراب وعاودت هبطات عينيها في شعر ديال الناس
:سيري گلسي لهيه احنينتي  حتى نسالي وعاوديلي؟

بعد مرور نصف ساعة .
كالسة قدامها وحدة كتشوف فوحدة ومكيرمشوش فينما كتجي تهضر عشق كتعاود تسكت
حتى ملات  منال من هاذ المهزلة
: شكون هاذ ناس لي كيسولو عليا ؟؟

حنات عينيها بتفكير ودارت يدها في جبتها كتحكها :
معرفتش اليوم منين مشيت بزربة للصبيطار كنلقى واحد مريض معرفوش يعالجوه
ومنين خرجت خو لمريض قالي هضرة معجباتنيش

ضورات منال عينيها في المحل وناضت كتسد الحانوت من الداخل شعلات الضو وهزات باش كيقادو ظفار
هزات يديها كتصاوبهم ليها ونطقات بتساءل:
شنو كتسنايني يطيح عليا الوحي ديري شي حركة وصفيهم او قوليلي غير شنو قال ليك ؟؟

يلاه جات تحرك حتى خبطاتها :
رصاي خليني نقاد ليك ظفارك راه مكرفصين

برگمات بين شفايفها وهضرات  بهمس مركزة :
قاليا واش نسيته أعشق
بحال هكا ياختي
ومنين سولتو شكون هو قاليا سولي منال