وصل ابو خالد لمدرسة واتجه بسرعه للوكيله
ابو خالد دخل:السلام عليكم
الوكليه :وعليكم السلام انت ابو عهد
ابو خالد :اي ليه وش سوت عهد هالمره
الوكليه :انت تعرف عهد وحركاتها وأكثر من مره جيت لنا
ابو خالد استغفر ومسح على وجه
الوكليه : انا حاسه بعهد ان تبي تطلع طاقتها با مدرسه بس انها تتجاوز على استاذتها لا هنا لازم حد مايصير ان ترادد الي اكبر منها
ابو خالد تنهد:يصير خير يصير خير الحين نادو لي عهد بستاذنها وبتفاهم معها
الوكليه ابتسمت :ترا عهد شاطره ممتازه حيل بدراستها بس المشكله فيها ان مشاكسه و ماتخاف من حد
ابو خالد ابتسم بخفه:اي ادري ان شاء الله احل هذا الموضوع
الوكيلة ارسلت العامله لصف عهد
_
في صف عهد الي رجعت وهي مبتسمه تبي تقهر استاذه فيها دخلت مدرعمه وابتسامه شاقه وجهها
استاذه :خير ان شاء الله وش الدرعمه هاذي والابتسامة شاقه وجهك ولد انتي ولدد !
عهد للحين مبتسمه :لا ولا شي بس في حد دفني على باب ودخلت بسرعه
استاذه :اشوفك ماكفختي الي دفك على باب غريبه
عهد:والله حزنت عليها قلت ما بكفخه اليوم واذا عادتها لا العن خيرها
استاذه :اقول احترمي نفسك ولا تهايطين وروحي واندفسي اجلسي مكانك
عهد راحت مبتسمة ومن داخل ناررر شاعله غضب و استفزاز استاذه لعهد
جت العامله تدق الباب ودخلت
استاذه :وش في
العامله :هذا طالبه عهد استأذن بابا
استاذه بين نفسها(روحه بل رجعه "خير حبيبتي تدعين على عهد")
عهد رفعت يدها وبعدها ودعت البنات وشالت شنطتها ونزلت تحت
_
عند مشعل بالميدان
مشعل الي مختبص بين الأوراق عنده شغل كثير
مشعل بصوت عصبي:افف وين القضيههه يا رعددد يا صالححح
دخل صالح دق تحيه واسترح بعد كلمت مشعل
مشعل بعصبيه واضحه:وين القضيههه الي حطيتها هنا بالدرج انا مو قلت الف مرهه لاحد يدخل المكتب الا لما تنضفون!
صالح بخرشه :وش هاه اي قضية مين؟!
مشعل :القضية نواف بن سلمان بن**** وينها
صالح :كان قلت لي من قبل الحين بجيبها لك
مشعل يناظر بغضب :لا والله
صالح جاب القضيه وبدأ مشعل يشتغل عليها
صالح دق تحيه وطلع مرعوب
وصل خبر لمشعل ان في مهمه
طلع مشعل يجهز نفسه للمهمه
منصور جاء:سلام عليكم ضابطنا
مشعل ابتسم ودق تحيه واسترح بعد منصور بحكم ان منصور أعلى من مشعل اللواء
مشعل :وعليكم السلام ورحمة وين اليوم الصبح ماشفتك
منصور :والله تأخرت ومثل العاده فوق خط الأحمر
ضحك مشعل :انت ماتوب لين متى وانت تكتب فوق خط أحمر اترك عنك السهر وركز بشغلك
منصور :شسوي عندي أشغال مره ومالحق انوم زين الناس
مشعل :تمام جاك خبر ان في مهمه
منصور تذكر و ضرب جبهته:اي صحح الله يذكرك بالشهادة يلا يلا
مشعل وقف منصور يناظره :لا والله والله لو يعرفك الضابط فواز والله لا يخليك تنسى اسمك
منصور ضحك :هههه ماعليه مابيعرف يلا امشى
راحو يجهزون للمهمه وطلعو طيراً للمكان
_
عند عهد نزلت بعد ماعدلت نفسها
شافت ابو خالد وابتسمت وطلعو للبيت
ابو خالد بنص الطريق:يا عهد ليه تسوين تسذا انا قلت لتس الف مره لعد تسوي تسذا
عهد نزلت راسها بس رفعت راسها بقوه:يبه انا ماسويت غير الي يرضيك
ابو خالد :وشو الي ترضيني في يعني الي انتي سويتيه من اول يوم
عهد :يبه هي الي بدت
جلست عهد تقول لابو خالد كل شي صار معها
ابو خالد :يعني الي افهم من الحكي ان انتي مالتس دخل
عهد: اي يبه
ابو خالد ضحك بخفه بس ماوضح على وجه عهد وهي تسوي نفسها بريه
كملو الطريق للبيت حكي و ضحك
_
في الديره عند الجد والجده
كان الجو بارد وهادى عكس قبل سبوع كان ازعاج وشوشره والبيت مالين بزارين
الجد يسمع راديو والجده جالسه على الجوال
وميري كل عاده تكلم جوال
الجد :اخخ راحو العيال وفضى المكان صار هدووء
الجده:اي والله كان البيت في وسع صدور بس شنسوي مدارس العيال
الجد:انا قلت لهمم سجلو عيالكم هنا بس هم مايفهمونن
الجده:يمكن العيال مايبغون هنا بحكم ان المدارس الديره غير المدينه
الجد:وشو الي غير ترا نفس الشي كتب ياخذون؟ مقصف في! فسحه في! وش الي غير بس خلهم يجون انا بنفسي اسجلهم هنا
الجده ضحكت وكملت على الجوال والجد معصب من عياله بس كمل راديو
دخل عبدالله وعبدالعزيز :السلام عليكم
الجد والجده :وعليكم السلام
عبدالله :يمه متى الغداء
الجده :ها يمه الحين يصير روح غسل ونزل تلقى الاكل زاهب
عبدالله :لا يمه انتي ارتاحي وينها ميري تجي تصب الاكل
عبدالعزيز ضحك :هل الميري هاذي اربع وعشرين ساعه سوالف مع الجوال ماتتركه
الجد:انا احسن شي ان اسحب منها الجوال لين تتأدب
عبد العزيز :ليه يبه حرام خلها بس تترك الجوال وهي تتعود
الجده :يلا يمه عبدالعزيز روح الحق اخو غسل ونزلو
عبدالعزيز طلع فوق
_
وصلو ابو خالد وعهد
عهد طلعت فوق تغسل وابو خالد جلس با صاله
ام خالد جت:هاه جيتو مو كان جيتو من وقت شوي الساعه ١
ابو خالد حكى لها السالفه وام خالد متعوده على عهد وحركاتها
ام خالد :طيب انا بزهب الغداء لين يوصلون العيال
عهد فوق وهي غسلت و صلت وجلست على الجوال تكلم ساره
ساره :يوو مسرع وصلتي بسرعه احنا تونا طلعنا من المدرسه لايكون هربتي مثل قبل
عهد ضحكت وقالت لها السالفه وساره انصدمت بس انها متعوده على عهد
ساره :الحمد الله ان عمي كان مروق ولا كان الحين كفختس ههه
عهد:لا وين كان شوي معصب بس لأن يحبني مايكفخني هههههه
ساره :هههه طيب المهم شرايتس يوم الخميس تجين لنا والله ملل تعالي انتي وخالتي والبنات
عهد :ابشر بي والله لو تبين الحين اجي لتس ماعليتس بس
ساره ضحكت :لا لا مو الحين ههههه طيب اقول لامي نجهز ونضبط واسوي احلى فعاليات تجنن
عهد:اي اي سوي يلا سلام بنزل اتغدا
ساره :تمام يلا سلام
سكرت عهد نزلت تاكل قبل الكل
وصلو العيال ميتين جوع
احمد:ها عهد اشوفتس جايه قبلنا ومتكيه تاكلين.
عهد وهي تحط اللقمه بفمها :الله على الاكل تسلم يدتس يالغاليه
ام خالد :بالعافيه يلا ياعيال روح غسلو
في بيت ابو ناصر الكل رجع من دوامه
بعد ماغسلو نزلو
ابو ناصر :ها شلون المدرسه يا ساره
ساره تسوي كذا👍🏻وهي بس تبغى تاكل
الكل ضحك
وصل مشعل وسلام وطلع فوق
غسل وصل ونزل ياكل
ساره تبي تجيب طاري عهد قدام مشعل
ساره :يمه يوم الخميس بعزم عهد
ام ناصر:حيها الله بس ليه وش المناسبه
ساره :مدري كذا نبي نستانس شوي بنسوي فعاليات وانتي يمه كيفتس اعزمي خالتي اعزمي ابي تبينا
ام ناصر :اي والله بعزم خالتس وعمتس
ساره الي تاففت ان بتجي سهام
ومشعل الي وقف اكل وهو يسمعهم يتكلمون عن عهد وابتسم بخفه وخلص و راح ينام شوي
____________
