هوجاء والسبعة عقود. (متوقفة مؤقتًا)

Part "2"

هَوجاء والسبعةِ عُقُـود.

بقلمي:-نـــوة أحمد.

قراءة مُمتعة.♥️
لا تنسون التصويت+التعليق على الفقرات.
______________________

ناظرت شكلي بالمراية بحُب كبير، بأيدي اخذت امسح عَلى شعري المظفور بظفيرة فرنسية، رجعت الظفيرة على ظهري امسح على بنطلوني، كبحت نفسي عن النظر لعيوني بالمراية.

حاسة لو ناظرتهن راح اشوف نفس الشخص اللي صاب الهلاك عقلي وانا اشوفة كُل يوم، وكـ كُل مرة تفاديت عيوني مو خوفًا، وإنمًا رهبة، وشتان ما بين الرهبة والخوف..

زفرت نَفسي الحبستة حاسة بالتوتر يدخل دواخلي مِن جديد، بس رجعت عيوني على المراية على شكلي، وفورًا راح توتري اهيم بِنفسي، رفعت ذقني اذكر نَفسي ..

إنيّ بنت روزان وهيمان، ومثل ما ابوي حبيبي يگول دائمًا بأبتسامة مُهيبة:-انتِ بنت هيمان، يعني شنو بابا ؟

قبل لا يكَمل كلامة، انا اكملها بقهقهة اتمسك بثيابة اريد اصعد فوق ظهرة:-يعني انا ملكة آل رويسان، كل شيء بالدنيا يجثوا لمطلبي ويگول تم.

تبسمت على الذكرى، استعجلت اذكر نفسي بهالكلمات، مو بس الاشياء تجثوا وتگول تم، حتى الشعور، التوتر ما راح يوصلني لوجهة وبس يسبب بخسارتي وارتباكي، فـ يستحيل اسمحلة يسيطر عليّ، انا بنت هيمان، يعني اگدر على كُل شيء يُقدم امامي..

طلعت مِن الغُرفة ليواجهني الممر الطويل، يحوي غرف اولاد عمي جميعهم، بعد طلوعي شفتهم واحد ورا الثاني يطلعون من غرفهم مغيرين ثيابهم، تقدم عليّ هِلال بأبتسامة عكس وجوههم المتجهمة.

مسك ايدي يسحبني باعدني عنهم، كاسر نظراتي اللي تصادمت مع نظراتهُم، يتكلم بصوت حماسي يحاول يكبحة:-حاس بالحماس راح يطلع من انفي شهيماء، وايديّ يحكنّي.

قطبت جبيني مكملة خطواتي اوازي خطواتة السريعة، تسائلت اشد ايدي عَلى عضدة:-تفهمت حماسك، بس اللي ما فهمتة شنو دخل ايديك وليش عندك حكة بيهم ؟

توقف مكانة فجأة يناظرني، اقترب يهمس قريب عليّ حتى ما يسمعوه اولاد عمي اللي صاروا يمرون من جنبنا يتعدونا:-ايديّ متشوقة لتلكم وليم اللي تراهن على خسارتي مقابل لكمة لو خسر، ولو ربح مكافأتة فرسي.

ابتعد عني يخليني اناظرة بجمود، لكن جمودي انكسر لأبتسامة صارت تتسع وتدب الحماس بدواخلي اكثر واكثر، تعديتة اكمل مشيي اتكلم:-ورا الفطور السباق، لا تثق بفوزك كثير هليلان.

لحگني بخطوات سريعة يتكلم بغيض وضح على صوتة:-اسمي هلال اولًا، ثانيًا ليش ما اثق ؟ ما دام انا اشم الهوا ماكو شيء اسمة عدم ثقة، وبالخصوص بقدراتي وباللي اگدر اسويه، خلي هالشيء ببالج بنت هيمان.