منتقم وغريبه

البارت الثالث

#منتقم _وغريبه

بقلمي _فاطمه🤎

تصويت..
وتعليق بين الفقرات جميلاتي🍀
__________________

يا اعز چتال يتمايل غنج لو بيه ثگل نوحي .

_________________________

اجوان:احس أطرافي نملت من الخوف يربي شسوي
بس احجي اخاف يعرفوني بنيه من صوتي لان لابسه جراويه ومطلعه بس عيوني أحس خطواته تقترب عليه من ورى ضهري ....

كبل اخذت العلاكه وطكيته ركضه وصلت كبال المحل مسافه نزعت نعالي خليته على كلبي حاضنته
والعلاكه بأيدي الثانيه ركضت بكل قوتي لمن وصلت باب البيت جريت نفس كمت أتلفت اخاف احد لحكني فتحت الباب وصلت للمطبخ واتفاجأ بشوفه احمد ..

احمد:هلو هلو طالعه بنص الليل ..وين جنتي مدام؟؟

اجوان:تركته ومشيت عبرت من يمه مااحس اله سحبني من زندي

احمد:وعلي ابو الحسن هسه اطلع سواديني عليج
ويننن جنتتتيي؟!!؟

اجوان:نزلت ايده من زندي لازمه بقوه كوه سحبت ايدي منه

_شي ميخصك ..عسما جنت بالملهى شدخلللك

ماحس اله ضربني راشدي بكل قوته حسيت صوت الراشدي بكل البيت لان البيت صنته
التفتت عليه عيونه ناطه من العصبيه ونفسه سريع  بسرعه رجعتله الضربه بنفس القوه..

اجوان:ديربالك اتعيده لااا وحق هو الخلقك اسوي شي ميعجبك ومتلوم غير نفسك فهممت.

عفته بصدمته وصعدت فوك البيت من هدوءه تحس لو توكع الابره ينسمع صوته دخلت للغرفه ركعت الباب بكل قوتي ..
يربي ليش هلخوف منو هذا وليش اجه عليه بالذات اكيد يعرفني مامعقوله صدفه منين يعرفني شلون ماعرفته
يجوز يعرفني واني مادري يربي شديصير احس
محتاجه ابوي اريد اختل بحضنه وابجي منهم الليل كله التفكير نخر عقلي شلون يربي خاف عرف عنوان بيتي اني شلون ركضت للبيت شلون ماحسبت خاف لاحكني يربي شسوي ...

صبح الصبح واني عل كعدتي دخلت عليه آيات

ايات:صباح الخير

بس لمحتني فتحت عيونها واجت يمي بسرعه

_اجوان شكو شبيج وجهج مخطوف وعيونج شبيهم

اجوان :ماكو شي  حضنتني طمني عباله لان خايفه على ابوي اني هم خايفه بس خوفي الأكبر من هذا الشخص حسيته يعرفني ومتقصدني

_اريد أسبح

ايات:كومي وياي يلا اطلعلج ملابس اني انتي دخلي

اجوان:رحت للحمام سبحت حسيت روحي ارتاحيت شويه دكت الباب ايات انطتني ملابس لبست على السريع وطلعت دخلت الغرفه كبل لفراشي حتى مامشطت احس روحي ضايعه ابوي ماهو احس اني بوجوده كامله من يروح لو يغيب عني احس روحي ناقصه اريده يمي ليش ماكو خبر عنه غفيت واني سالفه توديني وسالفه اجيبني...