هائمًا في بحور الدُجًى(جاري تعديل السرد)

البارت 8

في بيت جميلة
سمعت خبط على الباب فتحت الباب لقت بسمة واقفه قدامها حضنتها بحنان وحب
بسمة : عامله إيه ياماما استنيتك النهاردة مجتيش ليه ..

جميلة : يابنتي مش لازم أجي عندك كل يوم إنتي دلوقتي قاعدة في بيت جوزك أدخلي مش هنتكلم من على الباب عندنا ضيفة جوا ..

بسمة : عندك ضيفة مين ياماما ..

سمعت صوت جوري جاي من جوا كانت خارجه من المطبخ
جوري بإبتسامة : أنا هنا حضنوا بعض وحشتيني ..

بسمة : وإنتي كمان وحشتيني أووووي أنا آسفة ماكلمتكيش من يوم اللي حصل ..

جوري : ما إنتي خلاص اتجوزتي حبيب القلب ونسيتي صحبتك ..

جميلة بإستغراب : حبيب القلب مين ..

بسمة بإرتباك : مافيش حاجة ياماما جوري بتهزر في حاجة ناكلها ولالا ..

جميلة : أكيد في
جميلة دخلت المطبخ

بسمة : مابتعرفيش تسكتي أبداً ها إنتي أخبارك إيه ..

جوري : أنا تمام قوليلي علاقتك إنتي وعلي عامله إيه شرارة الحب لسه ماظهرتش ..

بسمة بتنهيدة : التعامل بيننا زي ماهو مافيش جديد بنتعامل زي الصحاب وبس أنا خايفة إن فترة جوازنا اللي اتفقنا عليها تنتهي ..

جوري : ماتزعليش ياحبيبتي لسه قدامك وقت طويل علشان تخليه يحبك ..

بسمة بأمل : طب قوليلي أعمل إيه في الوقت دا ..

جوري : خليه يحبك ..

بسمة : إزاي أخليه يحبني وإحنا  التعامل بيننا بحدود أنا بتكسف منه مش بقدر أتكلم معاه ..

جوري : الإهتمام اهتمي بكل حاجة تخصه الإهتمام يولد الحب والأهم لوكان من نصيبك مش هتفترقوا ..

بسمة : أنا بدعي ربنا إني أبقى معاه ..

جوري : دا محظوظ إن في حد بيحبه الحب دا كله ..

جميلة حضرت الأكل وحطته على السفرة
جميلة : تعالوا يابنات الأكل جاهز ..
****************************************

علي كان سرحان بيفكر هو ممكن يبقى ليه عيلة
كريم : مالك ياعلي شايفك سرحان ..

علي : كريم برأيك هيجي اليوم اللي يبقى عندي فيه عيلة وولاد ولا هظلمهم معايا ..
 
كريم : إنت أصلاً عندك زوجة ناقص بس الولاد ..

علي : بسمة بتعمل كل دا معايا لأني انقذتها من جدها ..

كريم : ماتقولش كدا ياعلي وسيبها على ربنا بسمة انسانة طيبة مين عارف يمكن يجي يوم وتحبك ..

علي : تفكر هيجي اليوم اللي تحبني فيه ..

كريم : علي إنت حبتها أنا شايف إنك بقيت تتمنى إنها تحبك ..

علي بتوتر : مين قال إني حبيتها أنا بس بفكر واحدة زيها هتقبل تكمل حياتها مع واحد عاجز ..