تعرف صعب يكون نفسك فى حاجه بسيطه بس تكون بعيدة اوى
ممكن غيرك يشوفها تافهه
ويشوفك تافه عشان كل إلى نفسك فيه هى ..
ممكن تكون كلمه او رساله او رنه فون
ممكن لب أو بسكوت
شيء بتحن ليه حتى لو حلقه من مسلسل قديم
تحس بدفئ كبير بتشوف حياة وبتتنفس هوا نضيف
غلطان إلى يتمنى عربيه وفله او شقه عالنيل ... واحد حمس الشام وشويه لب عالرصيف مع حد بتحبه اغلى من افخم اوتيل .. ليه الناس بتبعد وهما قريبين
ليه اسعار بتغلى خلتنا نجرى ورا الرزق وننسي كل شيء جميل
ليه وجع القلوب بيضغط بقوة ويكسر ضلوع
ليه وسط كل الناس بتكون وحيد
ايه إلى حصل قلب الموازين
تسيب إلى جمبك وتدور عالبعيد تتخنق وترضي زى طفل كبير ..
تبص وراك تشوف زمن عدى وجرى عايز ترجع لاول الطريق
ترجع ازاى وانت فجاء بقيت كبير
عايز تغمض وتفتح تلاقى جدك يديك عديه تجرى لامك تدوق كحك العيد
هدوم بسيطه فرحتها تملى قلبك اكتر من ١٠٠ دولاب اله جرى وايه حصل ضاع الباب من قدام الباب بقينا نروح بعيد نشوف غريب يسأل يتابع يلحق إلى باقى من القلب الى دايب
وجع وحيد مشتاق لاغنيه كانت مع الصحاب .. دمعه عنيه نزله بعد ما افتكرت إلى غاب فين انا فين هنا
مين إلى جابنى وسط الفضى
عمر انقضي راحوفين وليه
فى حد شال ضحكه سلف فى حد افتكرنى واتكسف يادمعه نازله بوجع ما بتنمسح فين الحنين والدفا فين المكان إلى متحسش نفسك غريب
تشوف يمين شمال مفيش طريق
جيت ازاى تبص تانى والعجب مالى العيون فى يوم كان فى صديق
تبص تانى متلقيش تتوه تدور هو كان سراب ولا حلم ملوش أساس
كلام بيوجع ... دمعت العين
حزين على ايه افتكر مين سبته وضاع معاك وليك شاريك
