ဂယူဗင်းမှာ ထူးဆန်းတဲ့ ရောဂါတစ်ခုရှိတယ်။
အဲတာက စတော်ဘယ်ရီတွေကို မုန်းတာပဲ။
ဂယူဗင်းက ငယ်ငယ်ကအထိ
စတော်ဘယ်ရီတွေကို မုန်းတယ် မဟုတ်သလို ကြိုက်ပါတယ် လည်းမဟုတ်။
ဒါပေမဲ့ အဲဒီရောဂါက ဂယူဗင်းတို့ ဆိုင်ကို လာတဲ့
ဧည့်သည်ကောင်လေး ကြောင့်
စဖြစ်လာတာဖြစ်တယ်။
ဒီကောင်လေး နဲ့ စတော်ဘယ်ရီကို မုန်းတာနဲ့က
ဘာဆိုင်လဲ မေးရင် အဖြစ်ကဒီလို။
ဂယူဗင်း ဘယ်လိုကြိုးစားကြိုးစား
မဖမ်းယူနိုင်တဲ့ ကောင်လေးရဲ့ အာရုံတွေကို
စတော်ဘယ်ရီသီးတွေက အလွယ်တကူ
ဖမ်းယူနိုင်တယ်လေ။
အဲတာကြောင့် ဂယူဗင်းက
စတော်ဘယ်ရီတွေကို မုန်းတဲ့
ရောဂါ စဖြစ်လာတယ်ပဲ ဆိုရမယ်။
1.
"မင်္ဂလာပါ ဘာ သုံးဆောင်မလဲ ခင်ဗျာ"
လုပ်ယူစရာမလိုတဲ့ ဂယူဗင်းရဲ့ နေရောင်ခြည်လို တောက်ပတဲ့ အပြုံးတွေက ဧည့်သည်တွေကို
ဖမ်းစားနိုင်ပါတယ်။
ဆိုင်ရှင်မေမေကိုယ်တိုင်တောင် ဂယူဗင်းကို
အလုပ်ကူပေးဖို့ မနည်းပြောရတဲ့အထိ
ဆိုင်၏၀င်ငွေကို အကျိုးပြုတယ်။
ဂယူဗင်း အပြုံးတွေက လျော့တိလျော့ရဲ
ဖြစ်လာတဲ့အထိ အရှေ့က ကောင်လေးက
မီးနူးကဒ်ကို အပြန်ပြန်အလှန်လှန်ကြည့်နေတယ်။
"စတော်ဘယ်ရီတွေမရှိဘူးလား"
"ဗျာ"
ဂယူဗင်းက ထိုကောင်လေးအမေးကိုလည်း
မထင်မှတ်ထားသလို၊ အကြွေစေ့လို
မျက်လုံးဝိုင်းတွေကိုလည်း မထင်မှတ်ထားပေ။
"ဟုတ်ကဲ့ စတော်ဘယ်ရီရာသီ မဟုတ်တော့ "
"ဒါဆို ထားလိုက်တော့"
ဟင်!! ဂယူဗင်းက လှည့်ထွက်သွားတဲ့
မျက်လုံးဝိုင်းလေးတွေကို နားမလည်သလိုမျိုး
ကြည့်နေလို့၊နောက်ဧည့်သည်ကိုတောင်
သတိမမှုမိတဲ့အထိ။
ဂယူဗင်းက ထိုနေ့ကစပြီး စတော်ဘယ်ရီအပေါ် အမြင်မကြည်မှု ဖြစ်လာခဲ့တယ်။ဘာလို့များ
စတော်ဘယ်ရီတွေက ရာသီတိုင်း မပေါ်ရတာလဲ။
