بين يدين داعش (متوقفه)

b.¹

الكاتبه: ورده العبدالله

مـُتابعه لحسابي وتصويت (★)
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

بـَنـص وطـنـا ونـحـلم
نعَـيـش بـوطـטּ....
ـــــــــــــــــــــــــــــــــــــ
العراق وتحديداً في محافظه الموصل...

في احد البيوت هناك فتاه بين عائله تتكون من ام واب واخ واختان الاخت الكبره متزوجه في احد محافظات الجنوب والاخت الصغره طالبه في احدا جامعات الموصل.......

الساعه السابعه صباحاً..

-ليال: نايمه واسمع امي تصيحني حتى اكعد وداوم تمغطت وكتلها اجيييت اجييت بوجهي للحمام غسلت وفرشت اسناني وبدلت وخليت مكياج خفيف اخذت ملازمي وتلفوني ونزلت....

صبحت عليهم بست راس بابا وماما دا تنقل بريوك وهيه معصبه لان تأخرت كعدت واني احجي وياها شبيج عيني فايا شنو الحلو معصب بابا ضحك وهيه كعدت ما عاجبها كتلهم لعد مروان وين کال بابا طلع ويه صدیقه اکلت شويه وابو الخط اجه كمت بسرعه ودعتهم وصعدت بالخط رحت لدوامي دخلت محاضرات وطلعت انتضر ابو الخط يجي اجه ورجعت للبيت اول مدخلت لكيت بابا يحجي ع مروان لان يمشي ويه هيج اصدقاء سمعتهم مو حلوه بالمنطقه تركتهم وصعدت غيرت ملابسي ونزلت خليت غدا...

وكملت ورحت اقره محاضراتي للعصر ونمت كعدت و صوت اذان باوعت هاي شبسرعه صار المغرب كمت توضيت وصليت ونزلت ماما جانت دا تسوي عشه

ساعدتها شويه واجه بابا من الشغل لانو بابا يشتغل بمحل غذائيه واخوي مروان خريج اداره وقتصاد بس ماكو تعيين ومكضيها مرات ويه بابا ومرات ويه اصدقائه بالكوفي خلصنه عشه وغسلت الاماعين ورجعت لغرفتي كعدت اقره شوي وسمعت صوت قذايف ماهتميت لان مو جديده هاي الاصوات و؏ اساس منضمه اسمها داع۱۱ تريد تحتل الموصل خلصت محاضراتي ونمت ثاني يوم رحت لدوام وبرجعه كطعو طريقنه ناس لابسه شلون الزي الافغاني مسوين سيطره وكفو ابو السياره كالو انطينه المستمسكات انطاهن اله شافهن وكله لحيتك ليش مو طويله كله البارحه حلقتها كله منا وهيج لحيتك تسويها مثلنه همه جانو مسوين لحايه كلش طويله ابو الخط كله ان شاء الله ضرب ع سياره وكال توكل وصلني للبيت دخلت واكيد البيت ما يخلو من عركات بابا وماما                             

-شباب وبعمره خوما تريد تحبسه لو بالبيت لو بالمحل   

عفتهم وكبل بوجهي للغرفه بدلت ونمت بدون غده كعدت العصر تغديت ورجعت اقره خلصت قرايه وتصفحت شويه بتلفوني ونمت...

-ضليت بروتيني المعتاد  من الدوام للبيت ومن البيت لدوام بس الاوضاع مو كلش تمام صارت والناس كامت تشيل من بيوتها حت البنات الي وياي بجامعه اخذن نقل وراحن من الموصل..