"အကြင်နာတို့ပေးလှည့်ပါ"
အခန်း(၄)။ ။
နေသူရိန်သည် အကျဉ်းထောင်၏ဂိတ်ဝကနေထွက်လာရင်း ကားရှေ့တွင်ရပ်စောင့်နေသော ဦးကျော်ကိုတွေ့လိုက်ရသည်။
"သား မင်းကိုဒီလိုအပြင်မှာပြန်တွေ့ရတော့ဝမ်းသာတယ်ကွာ"
ဦးကျော်ရိန်ကဝမ်းသာအားရလှမ်းဖက်မည်ကို နေသူရိန်သည်ရှောင်ကာ ကားထဲကိုသာသွားဝင်ထိုင်လိုက်သည်။ ဦးကျော်ရိန်လည်း အာရုံမထားတော့ဘဲ ကားထဲဝင်ထိုင်လိုက်တော့သည်။
"ငါ့သား မင်းဘာမှပူစရာမလိုဘူး၊ မင်းကိုဘယ်ဥပဒေကမှပြန်ဖမ်းလို့မရအောင် ဒီအဖေလုပ်ထားပေးတယ်၊ မင်းကိုဘယ်သူမှလက်ညိုးထိုးလို့လည်းမရဘူး"
နေသူရိန်သည် ဦးကျော်ရိန်၏ဘယ်လိုစကားမျိုးမဆို စိတ်ထဲသက်သာသည်ဟုမခံစားရပေ။ သူ့ကိုအခုလိုဖြစ်အောင်လုပ်ခဲ့သူက ဦးကျော်ရိန် ကိုယ်တိုင်ပင်မို့။
တကယ်တော့ ယမုံကိုပြန်ပေးဆွဲခဲ့သည့်ကိစ္စကို သူတကယ်မလုပ်ခဲ့ပါပေ။ ဇာနည်မောင်ကိုဆေးထိုးသတ်ခဲ့သည့်ကိစ္စလည်းသူမလုပ်ခဲ့ပေ။ မလုပ်ခဲ့ပါရက် ရှိသောအပြစ်သာမက မရှိသောအပြစ်များကိုပါဝန်ခဲ့လိုက်သည်က အဖေဖြစ်သူဦးကျော်ရိန်၏ခြိမ်းခြောက်မှုကြောင့်ပင်။ ခြိမ်းခြောက်မှုက ဝန်ခံမှုကိုမလုပ်လျှင် အမွေပြတ်စွန့်လွတ်ရုံသာမက နဒီဝင့်ကိုပါအန္တရာယ်ပြုနိုင်သောကြောင့်ဖြစ်သည်။
သားဖြစ်သူကိုလမ်းမှန်ရောက်စေလိုခြင်းကြောင့် အပြစ်ဝန်ခံခိုင်းခဲ့သော အဖေကောင်းတစ်ယောက်ဖြစ်လိမ့်မည်ဟုတော့ ထင်နိုင်စရာအကြောင်းမရှိ။
"မင်းဗိုက်ဆာပြီပေါ့ တစ်ခုခုသွားစားကြမလား"
နေသူရိန်သည် ယခုမှဦးကျော်ရိန်မျက်နှာကိုစေ့စေ့ကြည့်ကာ...
"အဓိပ္ပါယ်မရှိတဲ့ကြင်နာမှုတွေမလုပ်စမ်းပါနဲ့ အဖေ"
ခက်ထန်သောအသံဖြင့်ပြောပစ်လိုက်သည်။ ထိုအခါ ဦးကျော်ရိန်က ခံပြင်းသွားသလိုရယ်တော့သည်။
"ငါက မင်းကိုကျေးဇူးတင်တဲ့အနေနဲ့ ဒီလိုလုပ်နေတာ မကြိုက်ဘူးလား၊ မင်းပဲအဖေ့ရဲ့ဂရုစိုက်မှုတွေလိုချင်နေတာမလား"
