-انتضرت بابا صارت تقريبا بالوحده وهو ماكو ايست يجي الشوارع فرغت
بالعاده بابا هو يوديني للمدرسه بالدوام الصباحي بس مو دائماً يرجعني من المدرسه لان مرات يتأخر بالدوام
اضطر ارجع وحدي وبالدوام المسائي هو يرجعني
وهذا الشي بس هاي السنه لان بابا انقل لغير دائره بالاطرافكل سنه ماشوف الشارع من المدرسة للبيت
بالسياره المهم مشيت بطريق البيت امشي وافكر بالرياضيات شلون تاليها وياه مادري طالبة سادس بعد وعدكم الحسابشارده بالتفكير وبلا ما احس عثرت هي عثره وهي وكعه الوكعه صارت على خشمي بحيث احس راسي انفجر وعيوني رادت تنقلع من الوجع
رفعت راسي دخت بقيت كاعده بالكاع بسرعه نزل واحد من سياره حتى ماكدر افتح عيوني واشوف تمنيته بابا بس اجاني صوت رجال خشن گال-بيج شي؟؟
-ماكدر افتح عيوني
-على كيفج اوكفي اجيبلج مي سمعته فتح باب السياره وسده
-هاچ شربي وغسلي رفعت راسي بس اريد الوجع يروح ماكو اخذت البطل شربت وغسلت وجهي خشمي من اطخه ما احس بي تخدر من الوجع شويه شويه فتحت عيوني باوعتله كاعد كبالي بلا ما احچي گمت وهم دخت رجعت كعدت بمكاني-كومي اوصلج وين بيتكم؟
-لا طبعا شنو توصلني
-رديلي رقم ابوج
-ما حافظته
-كومي اوصلج
-لا شنو توصلني على يا اساس
-استغفر الله بيج تكومين؟
-لا-ما عرفتي تنتبهين لطريق مثل ما معدله شعرج حافظه رقم واحد من اهلج
-رقمي يم ماما ابقي حافظته بلكي تجاوب رديتله الرقم
اول ما تصل شخطت سيارة ابويه شافني ركض عليه-كتله بابا وكعت وماكدر اكوم و بچیت شالني بابا وحطاني بالسياره رجع يجيب جنطتي سمعت بابا کاله ها استاذ رد علي الرجال
-هاي بتك ابو مروه ؟ ماكو داعي خال بنتك حديثه بالظهريات وحدها بالشارع
على وكعتها هاي لو جايها كلب ابن كلب شتسوي ساعتها ؟حجة هيج وعاف بابا ومشه ضل بابا صافن
-رجع صعد كال سولفيلي شصار كتله جنت انتضرك ما اجيت جاي امشي وعثرت و وكعت على خشمي
ما كدرت افتح حتى عيوني من الوجع سمعت سياره عبالي انت نزل هذا الرجال حاجاني وجابلي مي وكال انطيني رقم ابوج كتله ما حافظته كال اوصلج ما قبلت اخر شي انطيته رقمي لان يم ماما وانت اجيت بس بابا بحياتي ماصار ويايه هيچ بحيث ماكدر افتح عيوني واكوم و اوكع جر راسي بابا وباسه
وخابر على ماما طمنها لان جاي ما لاكيني بوجهة اجة يدورالمهم وداني للمستشفى خاف اكو كسر بخشمي
الحمد لله ماكو بس ضمدوا وحطولي مغذي لان ضغطي حيل هابط
كملنا ورجعنا
جان يوم ثلاثاء وراها اربعاء وخميس ما داومت جمعه وسبت عطله يعني خمس ايام
الاحد داومت بالطلعه اجة بابا عليه
![](https://img.wattpad.com/cover/358871194-288-k406643.jpg)