You May Now Kiss The Billionaire

Chapter 44

SAGLIT na napahinto ang mga empleyado ng hotel ang pagdating nina Clarence at Mari habang naglalakad sa lobby. Nalaglag ang panga nina Lina at Olivia nang makita muli ang kaibigan nila, napalitan naman iyon ng kilig na mapansin na hawak ni Clarence ang kamay ni Mari. Naisip nila na baka may magandang nangyari pagkatapos ng dinner nila noon.

Pilit na tinatago ni Mari ang ngiti niya nang tapunan siya ng mapang-asar na ngiti ng mga kaibigan niya. Mas lalo tuloy siya kinikilig at kinakabahan.

"G-Good morning, Sir Clarence!" maligayang pagbati ni Manager Patricia.

"Good morning, Patricia," tugon na sabi ni Clarence.

Napawi ang ngiti ni Patricia nang muli niyang makita si Mari. "M-Mari? A-Anong ginagawa mo rito?" Natigilan siya nang makitang hawak ng boss niya ang kamay ni Mari. "S-Sir..." tulalang nakatingin si Patricia sa kamay ng mga ito.

Tumikhim si Clarence. Tinaas niya ang boses niya para marinig ng mga taong nakapaligid sa kanya. "I would like to announce something."

Dahil do'n ay nag silapitan ang mga tao sa kanila, inaabangan ang sasabihin ni Clarence. Napalunok si Mari. Kinakabahan siya. At maraming pumapasok sa isip niya. Ganoon pa man, humigpit ang pagkahawak niya sa kamay ni Clarence.

"As all of you know the issue about my life, about Mari. I want to introduce to you my wife..." Binitawan ni Clarence ang kamay niya saka inakbayan si Mari. "...Marigold Harrington Sinclair," he continued.

Hindi inakala ni Mari na bibigyan sila ng masigabong palakpakan pagkatapos noon. Ang iba ay kinikilig naman sa kanila.

Bumaling ng tingin si Clarence kay Patricia. "You can't call her by her name starting today, Patricia."

Napaatras ng isang paa si Patricia sa gulat. Nangaling na mismo sa bibig ni Clarence ang katotohanan na dati ay pinag-uusapan lang ito ng mga tao.

Yumuko si Patricia as a way of acknowledgement. "M-Masusunod po, Sir Clarence! Simula ngayon ay tatawagin ko na siyang..." May alinlangan pang binilisan niyang tiningnan si Mari. "...Madam Mari," dugtong niyang sabi habang nakayuko.

Mari was speechless. Unang beses niyang narinig ang tawag na iyon. At hindi siya komportable.

"Ahh. Masyado namang exag 'yan, Ma'am Patricia," hindi pagsang-ayon na sabi ni Mari habang kinakaway ang kamay.

Napatingin na lang si Patricia kay Mari. "E, ano po itatawag ko sa inyo?" naguguluhang tanong niya.

"Mrs. Sinclair," mabilis na sabi ni Clarence saka siya tumikhim habang nakatingin sa malayo. He is trying to hide his excitement nang bigkasin niya iyon. "Asawa ko siya, kaya bagay sa kanya ang Mrs. Sinclair. Hindi ba, Mahal?" malambing na sabi ni Clarence direkta sa mga mata ni Mari.

Mahal?

Saglit na natulala si Mari sa narinig niya. Napakurap pa siya ng dalawang beses kasabay ng pag-init ng magkabilang pisngi niya. Parang mauubusan siya ng hininga, at gusto nang magwala ang puso niya sa tuwa. Pero kailangan niyang pigilan iyon. Hindi siya pwedeng mahalata ni Clarence.

Napalunok si Mari.

"M-Mrs. Sinclair is better, I guess..."

"Mahal," dinugtungan pa ni Clarence ang sinabi ni Mari habang nakatitig siya sa mga mata ng asawa niya.

"Yes, Mahal-" Napatikom si Mari ng bibig nang madulas siya. Mas lalong bumilis ang tibok ng puso niya.

She can't take it anymore.

She can't breathe!

"I-I think mauna ka na muna, Clarence. Kailangan kong mag-cr. S-Sunod na lang ako sa office mo."