အသွေးအသားထက်ပိုသော
သို့
ခယ်မ
အခန်း ၁၁
စီတန်းထားတဲ့ ကားတွေက တကယ့်အကောင်းစားတွေ ။ရွှေတေး က ကားတွေကို နည်းနည်း စိတ်ဝင်စားတော့
google တို့အင်တာနက် တို့ပေါ်ကနေ ပုံလေးတွေ save ဖြစ်တယ် ။ ခုတော့ သူမ save ထားတဲ့ ကားတွေထက်ကို
မိတဲ့ မိုက်တဲ့ လန်းတဲ့ ကားတွေက အစီအရီ ။
အခမ်းအနားကလည်း တကယ့်ဒိတ်ဒိတ်ကြဲ
သူဌေးတွေ တက်တဲ့ အခမ်းအနားကြီးလေ ။
စီးပွားရေး ဝန်ကြီး တက်ရောက်သည့် ပွဲ မှာ နိုင်ငံတကာ လုပ်ငန်းရှင်တွေကလည်း လာရောက်ကြသည် ။
ဖိုးဖိုး ဦးအောင်ဇော် က ကျန်းမာရေး အခြေအနေကြောင့် နားလိုက်ရတဲ့ အချိန်မှာ
ဒီပွဲကို သူတို့ လုပ်ငန်းစုအနေနဲ့ စျာန်က ဦးဆောင်
တက်ရသည် ။ သူတို့ အဖွဲ့မှာ ၅ယောက် ဖြစ်ပြီး ရွှေတေးက ကန့်လန့် ပါလာပြန်သည် ။
အမှန်က ရွှေတေး ဒီပွဲကို တက်ဖို့
အတွေ့အကြုံ လည်း မရှိသလို ဘာလုပ်ရမှန်းလည်း
မသိ။ မမကလည်း သူ့ဆိုင် ကို ချဲ့ဖို့
ကုန်တိုက်ဆောက်နေတာကို ကြီးကြပ်နေတာမို့ မလိုက်။ အစကတည်းက
မမ က သူ့ဆိုင်ကိုပဲ ချဲ့ထွင်ဖို့ စဥ်းစားထားတာ မို့ ရွှေတေးလို တာဝန်တွေ မရှိ။
ရွှေတေး က မလိုက်ချင်ကြောင်း သွားငြင်းတော့ ထိုလူက မရ ။
( ဒီလို ပွဲမျိုး တက်ဖို့ က လွယ်လွယ်နဲ့ တက်ရတဲ့ ပွဲလို့ မင်း ထင်မနေနဲ့ ။ အတွေ့အကြုံ ဆိုတာ ရတုန်း ယူထားရတာ )
( ရွှေတေး မှ ဘာမှ မလုပ်တတ်တာ ။ )
( မလုပ်တတ်လည်း မင်းဘေးနားက ကူမဲ့သူတွေ ရှိနေမမှာ ။ ဒီတော့ ငြင်းလို့ မရဘူး )
မတတ်နိုင်။ ငြင်းလို့မရတော့ လိုက်ရုံပေါ့ ။
ရွှေတေးလည်း လုပ်ငန်းခွင်တွေထဲမှာ နည်းနည်း အသားကျလာသလို ပင် ။