افاعِي (( روايات ليبية )) ❤️🔥

The End

#أفاعي 🐍 8 و الاخيرة (حقيقية)

#ibrahim_qurji

بالله اقروها للاخر لان العبرة اللي حطيتها فيها تهمنا كلنا سواء شباب و لا بنات و تخلينا نبتعدوا عن الافاعي اللي جنبنا بالرسمي ❤

و ياريت اصحاب القصص حتى هما يركزوا كويس باش ما يعاودووش يطيحوا في نفس الغلط مرة اخرى ❤👋

منذر:مصدووم ... شفته هذاك اليووم ... يووم اللي جي و تعارك هو و محمد خووي ... شفته بس ما كنتش نتوقع انه يديرها يا سما
سما:من يا منذر من
منذر:اءء ... بدي كل شي هذاك اليووم يا سما
#فلاش_باك
مصعب:تي تضحك عليا اني يا محمد
محمد:ما ضحكتش عليك اني ... هيا كلمة و قلتها لك ... عارفني ما نغدرش بيك يا مصعب
مصعب:تي تكذب ع امي اني يا محمد ال #%@%
محمد:اسسس اسكت تو يسمعنا حد
مصعب:لا مش ساكت ... و لازم اهلك يعلموا بييك شن ادير من وراهم ... يا اما
محمد:ها شن
مصعب:تزوجني سما و ننسى كل شي
محمد:تي شن تقوول انت بعقلك ... نبيع اختي لواحد سكار زيك انت
مصعب:و الله هذا شرطي اني ... بتقبله به كان هذا بكرا تلقى المظلم قدام الباب ... و رد بالك تفكر ادير شي يا محمد
محمد:تي برا يا مريض ... ما تنساش اني علمت عليك و ع شرفك
مصعب:شن تقوول انت
محمد:قرب منه ... اي برا اسأل اختك من اللي ضحك عليها و خدي منها اغلى شي عندها
مصعب:سخن ... و ضربه بووكس ع وجهه ... راجعلك يا حيوان 😡
سما:بصدمه ... قصدك كله مربووط ببعضه ... الحريق و مصعب و اسراء كله 😢 ... به كمل
منذر:سألت محمد خيرهم تعاركوا ... قالي ع موضووع فلووس بس ... طبعا اني ما صدقتاش ... و بعدها مع الساعة 2 في الليل حسيت بسيارة درست و نزلوا منها 3 و من بينهم مصعب ... و معاهم بوادين زرق صبوهم ع الحووش ... جيت بنطلع لقيت الباب مسكر ... شوي و نشووف في الناار والعة و تأكل كل شي قدامها 🔥🔥🔥
سما:حاطه ايدها ع فمها من اللي تسمع فيه ... كله كذب وقوفه معاي و طلعتي من الحريق كله كله كذب 😢😢
منذر:مسكها من ايدها ... اسف يا سما لاني ما قدرتش نحافظ عليكم انتي و اهلي اسف يا سما
سما:خلاص يا منذر ... معادش اتعب رووحك اني رح نأخد حقنا و حق اهلي منهم يا منذر ... و طلعت
منذر:لا ما تستعليش يا سما ... استني ووقف بصعوبه و طلع وراها 😔
_____________

اسامة:اي اختك مش بنت تضحك عليا تعطيني وحدة حامل و فاسده ... و بعدين تعال ره بدت تعيط و تريش و تقوول نشووف فيه ... تعال ارفعها قبل .... لا لا ما اديرهاش لا ... و فصل الخط
ورد:بعصبية ... الوووو الوووو
عمران:شن في يا راجل
ورد:خدي مفاتيحه و طلع ... لحقه عمران
.
.
.
اسامة:حاط ايده ع رأسه بصدمه ... و سلمى ممتدة قدامه و مغطية بشرشاف ابيض ... شن درتي انتي ... خدي تلفوونه و اتصل
ميس:الووو حبي ... شن ليلتك الاولى شكلها ما تزبطش في الجووو و لا 🙂
اسامة:اءء البنت البنت
ميس:اسامة خيرك شن فيك ... احكي
اسامة:البنت ماتت يا ميس ماتت
ميس:بصدمه ... اءء كيف ماتت شن اللي صار
اسامة:انتي اللي قولي شن اللي صار ... شن درتي انتي و شن المصيبة اللي حطيتيني فيها ال#@%
ميس:اءء اني ما درت شي ...
اسامة:بتطلعي منها هك بح و بتهربي ... ما تنسيش ان رجلينا في الفلقة الزووز اللي يصير عليا رح يصير عليك و اني نبهتك
ميس:سكرت الخط و بدت تفكر كيف تطلع منها 😨
_____________