"احببتك خطأً❤‍🩹"

البارت الرابع

Part 4/

Write by sama shafee..

الغريب ان هو هو الشخص اللي انا خبطه بعربيتي يعني معقول هو دا اللي كان بيجري عشانه ومستعجل واقف متألق علي المسرح بصوته الجميل اللي دخل قلبي قبل وداني انسجمت معاه ونسيت كل الدنيا وكأن كشاف النور متوجه عليا انا وهو بس

وبعد وقت):-

المذيعه / ودلوقتي هنعلن فوز واحد بس وهو دا اللي هنكون من خلال حفلتنا بنديله فرصه للكل يشوفه  ويسمعه ونفتح ليه المجال مع اي منتج 

وجابت ظرف واللي هيكون فيه اسم الفايز  واشتغلت موسيقه توتوريه وترت  الكل والمتسابقين ريهام كانت بتعزفها علي البيانوا وبتدعي ربنا ان هو  اللي هيكسب وفعلا اسمه اتنده /والفايز معانا (فادي عبدالله)

ريهام وكأن الاسم اتعلق فذهنها مش عاوزه تسمع غير اسمه ويس وفضلت تكرره /فادي... فادي

فادي قرب يستلم جايزته بس الكل اللي  كانوا معجبين بصوته وبيتحدوا بعض انه هيبقي ليه وهياخده ابتسامتهم راحت وهما شايفينه رايح يستلم الجايزه وهو بيعرج برجليه كلهم بصوا لبعض وكل واحد شاور برفض وشاوروا لبعض ياخدوه هما مع الكليب الجديد اللي كل واحد محضره للي هيفوز وف النهايه كلهم اعترضوا

انتهت الحفله وريهام كانت ماشيه بعنيها معاه ومتضايقه اوي ان اكيد خبطه الصبح هي اللي مقصره عليه كدا

سامح /ريهام هتروحي معانا ياحبيبتي

ريهام/لا يابابا معلش اسبقوا انتوا وسابتهم ومشيت وراحت تدور علي فادي عشان تعتذر

في جهه اخري

فادي/ احمم لوسمحت ازيك يا استاذ احمد انا حقيقي كنت بتمني ااقف قصاد حضرتك والحمدلله ربنا حققلي امنيتي

احمد بعدم اهتمام / اه.. اهلا بيك

فادي /انا بس كنت اتمني اني اشتغل مع حضرتك مش مع حد تاني بما اني كسبت

احمد بصله من فوق لتحت وكان بيكلمه وهو متجه لعربيته وفادي وراه ماشي بيحامل علي رجله واللي الكل مفكر ان دي عيب خلقي  فيه عشان كدا رفضوه /بص منكرش اني معجب بصوتك بس  لا انا ولا حد من الوسط الفني هياخدك وانت بحالتك دي زي ماانت عارف بنعمل كليبات بفيديوز وهتطلع حفلات مش معقول هتطلع وانت ب الشكل دا وبصله وهو بيلمح علي رجليه.. عن ازنك وطلب من السواق يمشي

وكأن الدنيا بعد ما ضحكتله كشرت تاني فوشه والدنيا اسودت فعنيه واخر امل بالنسبه ليه مشي مع عربيه احمد مشي فادي لحد ما وصل علي النيل وقعد علي كرسي مهزوم

/متيأسش انا هساعدك... بص وراه للصوت وتفاجئ

               ................

في مكان ما وبالتحديد المنيا في بيت اقل ما يقال عنه جميل فتأسيسه راقي جدا ويخطف الانظار ويطل علي اراضي زراعيه فمن يقف في اعلي المنزل يري مناظر خلابه تسحر من يارها نعم فأنها الطبيعه الخلابه