حُــبْ يَتَخَطـﮱ عَوالِــم

التِرياق «2»

بســــم الله الرحمن الرحيم

# حُــبْ يَتَخَطـﮱ عَوالِــم

للڪاتبه: زهراء الخيگاني

حبايبي لا تنسون التصويت+التعليق بين الفقرات+متابعه للحساب زهراتي 🌼
.
.
.
.
.
.
أرواح تتصارع في الازقه..
عيون الشر تُراقب..
والموت يجري باحثاً عن فريسه..
هدوء يبعث الرعب في النفوس...
.
.
.
.

شهرزاد

••
Flash Back

من بعد اللي صار..
ما حسيت ؏ شي بعدها..
فتحت عيوني واني احس بشي ناعم يحيط بيه.. من كل الجهات..
وهوى بارد لفح خدودي..
چان شعور حلو بس هذا الاحساس ما دام طفرت من مكاني مدهوشه من الوضع اللي اني بيه!..

غرفه من الطراز الملكي القديم..
چبيره حييييل وواسعه..
چان لونهه احمر قاتم مع مزيج من اللون الابيض.. ؏ بعض الاماكن وايات واحاديث..
مزخرفه عليها من الذهب..
ستائر طويله وفخمه..
سجاد قديم..
اثاث بألوان داكنه مصنوعه من الخشب..
المنقوش ببعض الزخارف الذهبيه..
اللي توحي للرُقي..

ولوحات غريبه الشكل والمنضر..
معلگه ؏ الجدار..
بشكل مرتب..
وشباڪ طويل وچبير يطل ؏ واجهه معينه..
وسقف عااالي شديد الانحدار ريحة بخور تجنن..

لزمت راسي وضليت افتر ذهاباً وإياباً محاوله اتذكر اللي صار..
واني وين؟
البنيه الغريبه..
الساحر..
المقبره..

شوي وسمعت صوت خطوات..
بأرجاء الغرفه بأكملها صوت قوي سبب صدى.. مُرعب بالغرفه..
اتصنمت بمكاني بعد ما حسيت بانفاس حاره..!!
تلفح رگبتي..
سارت القشعريره بكامل جسمي ابتعدت كم خطوه..
للامام من دون ما انلاف..
حتى اشوف شنو وراي..
شفت خيال اسود ؏ الگاع ضخم لدرجه مغطي ؏ خيالي..!!
شجعت نفسي وسميت باسم الرحمــٰن ونلافيت بهدوء...

فتحت عيوني ؏ وسعها..
من شدة الصدمه والدهشه من اللي چاي اشوفه.. رجاااال جميل جميل جميل بمعنى الكلمه..
طويييل وضخم بشكل غريب بس حلو صاحب.. بشره حنطيه..
عيون واسعه خضراء..
حواجب حاده..
شعر بُندقي ثخين وطويل شوي..
لحيه خفيفه ما تزيده إلا جمال..
چان يجذب النضر..
بس اللي لفت انتباهي چان لابس ملابس غريبه.. وعيونه عيونه چانت مثل القطط..
الخط العمودي نفسه چان يباوعلي..
ومكتف اديه العملاقه الصدره ويباوعلي بأبتسامه جذابه..
تراجعت بخطواتي لوره ببطىء من الخوف.. والدهشه..