براء
درت وجهي على الباب شِفـٍت ملوكه اجتي تركض عليه حضنتني شافتني ابجي طلت تباوع عليه وعلى الجنطه الي بيها غراض فهد وملابسه
ملاك/ماما لَيــِْش تبجين
وهذني شنو الملابس مال منو مال بابا
براء/ابتسمت بوجهه اعرف من كالت بابا تقصد امجد بــَس حبيتها منها وكأنما تقصد فهد
اي حبيبتي هذني مال بابا
ملاك/زين ليش تبجين
براء/مسحت وجهي مابيه شي حبيبتي بس عيوني ماادري شوكع بيها ودمعت شوكت رجعتو وتونستو بالالعاب
باوعت عليها مركزه على الجنطه مدت ايدها سحبت سبحه من سبح فهد تصير ناعمه وخرزها عبالك شذر ابيض يلمعن جان كولش يحبها فهد دائماً بيده هالسبحه
ملاك سحبتها وراحت تركض من الغرفه صحت عليها بس ما رجعت كملت سفطت الغرض ورجعت ضميت الجنطه غسلت وجهي ونزلت بعدني على الدرج وصحت على ملاك
ملوكه ماما تعالي انطيني السبحه بــَس وصلت نهايه الدرج وشفت ملاك كاعده بحضن امجد راجع من الشغل وتلعب بالسبحه
براء/هلا امجد الله يساعدك
امجد/هلا كلبي
ملاك/بابا خلي اخذها اليه حلووه حبيتها
امجد/شنو بابا حبيبتي
ملاك/هاي ماما كالت مالتك
امجد/شو اشوف باوعت عليها هاي سبحه بس مومالتي
باوعت على براء ورفعت حاجبي يـعـنـي هاي شنو
براء/نضرات امجد مال استفسار كعدت بصفحه وهمست باذنه هاي السبحه مال فهد
امجد/ملوكه باباتي روحي الغرفتج وانطيني هاي السبحه
ملاك/بابا خلي اخذهاحلوووه
امجد/بستها روحي بابا بعدين انطيها الج
راحت ملاك ودرت وجهي على براء
شو اول مره اشوف هاي السبحه وين ضامتها جنتي
براء/دنكت راسي امجد الجنط الي فوك الكنتور مال سفر وحده منهن محتفضه بكل شغلات فهد بيهن اني مكايلتلك بهذا الشي اعذرني
امجد/ماادري شنو الشعور الي حسيت بي بوقتها غيره ماادري حسره على حالي مادري احسد آخـۅيھ المتوفي على هذا الحب الوفي الي تحبه زوجته والي حالياً زوجتي
مااعرفت شاحجي باوعت على السبحه بيدي صحت على ملاك اجتي يمي خليت السبحه بيدها وكلتلها هاي الج بابا بس اوعديني تحتفضين بيها للابد
ملاك/ماشي بابا وعد احتفظ بيها
امجد/بستها من خدها فدووه اروح لبنوتي الشطوره الي تحتفظ بذكريات ابوها
اخذتها وراحت لغرفتها
الي ايتغربت منه ملاك صغيره كل عمرها6 سنوات ومو مال هاي السوالف بس شنو الي جذبها بالسبحه ماادري يمكن حست بيها سبحة ابوها ماادري راسي ضل يفتر كلت البراء تعالي فوك صعدت للغرفه وهي صعد ورايه طبيت للغرفه باوعت على الجنط كلتلها بيا جنطه محتفضه بالغراض
براء/بساعتها خفت حيل خفت لااخسر اخر ذكريات فهد وليش امجد يسال عليهن معقوله راح ياخذهن مني احس نفسي انكطع وكلبي يوجعني انعكد لساني بقيت ساكته وصافنه بوجهه صاح عليه بصوت عالي ياجنطه منهن شبيج صافنه
اشرتله على الجنطه وكتله هاي بس حسيت انتهيت كلشي راح دموعي بقت تجري
صعد امجد وسحب الجنطه نزلها بالكاع فتحها بقه يكلب بالغراض وبالصور وبالملابس ودموعه تجري حالته ابد مو أحـسًٓـن من حالتي حضن البدله العسكريه مال فهد ونهار من البجي اثنينه نبجي ورا شويه رجع الغراض وسد الجنطه سحبها
كوتله وين راح تاخذها
امجد/ارجعها بمكانها غير
براء/يعني مراح تاخذها مني
امجد/وليش اخذها منج شتتوقعين اني لهل درجه اناني واحرمج من ابسط ذكرياتج الي تحبيهن ومعتزه بيهن
براء/يعني ماعندك مانع
امجد/لا يا بنت الناس ماعندي مانع هالشي من حقج ولتنسين اني اكثر واحد اعرف بيج شكد تحبين فهد وفهد شكد يحبج هذني ذكرياتج ابقي محتفضه بيهن للابد مااعترض ابد
براء/بنص دمعاتي ابتسمت ربي لايحرمني منك ومن طيبة كلبك
امجد/دام طلعت الاربعين تحضري باجر اخذج للنجف بس فهودي تعوفينه يم طيبه عادي مو
براء/فرحت حيل وكأنما كال اخذج للجنه كمزت ايي ماعليه شي يبقه يم طيبه وتشربه مميه زين بيش ساعه نروح
امجد/الفجر نتوكل انشالله
براء/انشالله
كمت شلت فهودي امجد نزل شايله فهودي وافتر بي بالغرفه اسولف وياه
فهودي باجر راح اروح لاكثر مكان يوجعني ولاكثر مكان ارتاح بي بنفس الوقت باجر اروح لحب حياتي اروح لذكرياتي راح اروح لفهد وعد بس شويه تكبر يصير عمرك كم شهر اخذك ويايه حته تتعرف عليه ويتعرف عليك تدري هو يصير عمك وابو اخوانك من تكبر وتصير شاب اذا الله نطاني عمر راح راحجيلك كولشي عن هالانسان هذا الي سميناك على اسمه شفته غفه خليته بجربايته ونزلت حوه كعدت يم طيبه
بالمطبخ جانت تحضر العشه
طيبه باجر اروح للنجف
طيبه/هاا راح تروحين بالسلامه انشالله حبيبتي
براء/طيبه امجد عرف كولشي بخصوص الجنطه
طيبه/شنوووو
براء/اي والله حجيتله وشافها وشاف كولشي بيها
طيبه/وخوما حجه عليج
براء/لاا بالعكس بس لو شايفته يكسر الخاطر شكد بجه كوومه خطيه
طيبه/الله يساعدهم هو صار الهم اب بعد ماتوفه ابوهم شكد دللهم اله والارشد خصوصاً ارشد جان يعامله كأنما ابنه
براء/اي والله اتذكر اول متزوجت من داومت مدرسه هنا اخذنه اني وارشد جهزنه القرطاسيه والملابس كولشي للمدرسه والطريق كله يضحك يكول عبالك ماخذ جهالي اجهزهم للمدرسه
سوده عليه حته ما لحك شاف جهاله بالمدرسه اووووووف ويلوموني على حبي وتعلقي الفهد شكد بابا دللني ومخلاني احتاج شي ابد بس فهد دللني اضعافه دائماً جان يعاملني كأني طفله كأني بنته مو زوجته بس كولشي راح وياه بقت بس الذكريات الي تعصر بكلبي والحنين اله
