من بين جنبات الضلام
بارت 4
ارجو التصويت والتعليق الفقرات لتشجيع لتكملة الرواية ✨🫂❤
رغد ؛ هههههههه ولج غير طفله شون تاخذين گلاصها
گمره ؛ هسه شنو اريد اروح اخذ مال بتج واطفر لسياره لو سويلي واحد
رغد ؛ لااسويلج اوكفي بس شوفي فؤاد لايعوفج
.
.
.
ترف
دخلنه للقاعات وبده الدكتور يشرح الطب تعب تعب بمعنه الكلمه وشرح وتطبيق لان راح اتكون بيدج حياة ناس بيدك لو تموتهم لو تعيشهم خلصنه دوام وطلعنه للبيت بالرجعه يوصلوني كيان ومرتضى دخلت للبيت
ترف ؛ هلوووو اني أجييييت
بابا ؛ هلوات بترفتي شلونج بابا
ترف ؛ مشتاقتلك موت ياروحها لترف
بابا ؛ مو كدي بنيتي اني اشوق هههه
مروان ؛ جااا واحنه شبينه نبزز عمي
ترف ؛ مگهورين كاتلهم الگهر ههههههه
بابا ؛ هههههه لو ساكت احسلك
مروان ؛ اني اعلمج ام شبر ونص
ترف ؛ ننن خوفتني
صعدت ابدل ونزلت دخل اسد بس لونه مخطوف وحتى مامنتبه للموجودين كعد يمه بابا لان قلق من شكله
بابا ؛ خيرك ابني صاير شي
أسد ؛ لا ماكو شي مرخصتكم
عافنه وصعد بدون كلام الكل ضلت انظارهم علي شنو صاير وياي بس طبعا مستحيل نعرف شصاير لان مايحجي وياريته حاجي بوقتها كايل ولاصار صار بينا
اتغدينه وخلصنه غسلت المواعين وي ماما وصعدت نمت شويه ارتاح كعدت ب3 ونص فتحت جهازي ضليت اكلب شويه بعدين نزلت محد بالبيت.
ترف ؛ماما لعد وين الباقين
أمي ؛ ابوج راح لبيت عمج ابو عقيل ومروان طلع وي عقيل واسد بالشغل كل عاده
ترف ؛ اممم تمام راح اقره شويه
امي ؛ تمام بنتي
صعدت فتحت كتابي بقيت اجيبه منا ورجعه منا ما بي شي مدري اني مسطوره من القرايه وبس اريد أخذ استراحه صار الغروب واذن توضيت وصليت اهلي جابو عشه من بره وكعدنه واسد ابد ما عاجبني وضعه بس يتصفن واخاف اساله خاف يعيط بيه
مروان ؛ حضرت السندرله ما تاكلين صفنه مو الج
ترف ؛ جاي اكل شويه شويه قابل مثلك
مروان ؛ بويه صيح عل بتك لسانهه طولان ترى وكوه لازم نفسي عنها
بابا ؛ كافي مناكر اتكول جهال شريجه كل مانكعد نفس العرك شبيكم واحدكم شكبره يصير بعد
من ترزلنه سكتنه اكلت شويه اني وكمت سويت الهم جاي وجبته الهم شربو واني شربت وياهم شويه صعدت وقتت جهازي ونمت كعدت رحت للدوام وكل عاده ممل منا لمن رجعة للبيت وجانت الصدمه وياريتني مارجعت بذاك اليوم ولاشفت شفته
