عشت حياة هاربه

1

كنتُ قد بذلتُ دائماً كل ما أستطيع من جهد حتى لا يلتفت إليّ أحد، وحتى لا يراني أحد، متظاهراً أنني غير موجود في هذا العالم.
:::::::::::::::::::::::::::::::::::::::::::::::::::::::::::::::::

تصويتاتكم لطفااا

************************************
ذات يوم كنت في عمر 14 استيقضت من النوم وكان الدم يغطيني خفت من المنضر ذهبت الئ امي وكنت خائفه وانا انضر لها بخوف....

بهيه:شبيج ليش وجهج اصفر

رزان:ءااا ماما والله ما اعرف اذا مجروحه او بيه شي بس كعدت ولكيت دم هنا ما اعرف والله ما ادري شنو

بهيه:هههه كبرتي وصرتي مره

:اباوع عل امي الي تضحك وما هامه شي ياا شكوو

بهيه:تعاي وراي

:دخلتني الحمام وراحت جابتلي santi وعلمتني شلون اخليه

بهيه:غسلي وبدلي وخلي ومن تكملين تعاي احجي وياج

:غسلت وبدلت ورحت لماما بس التوتر اكلني عيني بل كاع احس نفسي مسويه جريمه وما ادري بنفسي

بهيه:يمه هاي اسمه طمث يعني اي أمره تجيهه هاي حسب الهرمونات وحسب من مره الئ مره  تختلف كل شهر تجي وتبقه ياما 5 ايام او 6 أيضا حسب

:كعدت تشرحلي وتعلمني وبس احسه ماما متوتره اكثر مني رحت لغرفتي والتوتر بعده بيه شو ما مرتاحه ما مرتاحه لماما ليش نضرته هيج عليه حسيته متوتره.......... خلوني اعرفكم عن نفسي

انا رزان معانيي وجهي دائري عيوني صغيره لونهم عسلي شعري اسود بشرتي بيضاء بيتنا متكون من بابا مجد وماما بهيه واخوتي رامي مواليد 1994 وصباح1996  وانا مواليد 2001 واخواتي متزوجات  4 هبه وروان وزهره ودلال اكبر مني اعمارهن بين 29 وال30
اخواتي كل شهرين ياله يجن شويه ويرحن وكنت دائما اتفاجا ليش ما يجن دوم بس ما يبقن شويه

ويرحن انااا الدراسه من صف خامس ابتدائي تركت لانو بابا كال صرتي كبيره ومادام تعرفين تقرين وتكتبين بعد ماكو دراسه وامي أيضا وافقته الرئي
فا انا ما عاندت لانو ما ينفع اعاند بابا كلمته وحده

وانا لا حول ولا قوة وهاي عادات عدنا عشت حياتي كأي بنت مع اهلهه لاكن ذات يوم الي اجتني الشهريه من بعده حياتي انقلبت راس على عقب......

بهيه:تعاي وراي

:ما اعرف ليش احس ماما بيهه شي بس شنو ليش اختلفت معاملته وياي من عرفت انو طمثت

بهيه:شوفي انتي كبرتي وصرتي مره الي عدنه تطمث يعني كبرت وصرتي سن البلوغ الي مطلوب منج بعد ماكو اكل ونوم بس تاكلين وتنامين لاا بعد منا وهيج تتعلمين الطبخ والتنظيف البيت عليج انا خلص تعبت الباقي عليج

:شلون يعني ماما ترديني اطبخ بس اني ما اعرف حجيت هيج وفززني صوت بابا

مجد:تتعلمين حتى لو ما تعرفين تتعلمين الطبخ والتنظيف تكعدين ساعه 9 الصبح اريد الريوك كامل الغده يجهز من ساعه 11 وباقي تنضيف البيت وغير كلام ماكو ولا تناقشين نفذي بدون كلام