الگاتبة: طبعاً آني ماچنت مفگرة أنه أسوي بارت أضافي بس وحدة رادتة للبارت بالتعليقات وماگدرت أرفض
ملاحظة: البارت هذة راح يگون عن ملهم ونور
༺༺༺༺༺༺༺༻༻༻༻༻༻
#قبل 3 سنين#
#الساعة 5 العصر#
#ثاني يوم اللي أعترف ملهم بزواجة لنور#
دخل ملهم للغرفة وهو بهدوم العمالة شاف نور گاعدة عالچرباية وساندة ظهرها عالتاج مال الچرباية وتعلب بموبايلهة وحيل أستغرب لأن نور چانت تستقبلة بگل حب أول مايرجع من الشغل بس هسة ولاعبرتة
گعد علة طرف الچرباية ودار راسة عليهة گايل
"گومي حضريلي هدومي وخليهن بالحمام"
ونور اللي ظلت تلعب بموبايلهة ردت ببرود
"عندك إيدين وتگدر تحضرهن وحدك آني مو خدامة عندك"
صك ملهم علة سنونة بضوجة من أسلوب نور يگوم من عالچرباية متوجه للگنتور يفتحة وياخذ هدوم نازع حذائة يلبس نعال داخل للحمام بعد ماطبك الباب بقوة دلالة علة ضوجتة
ترفع نور عيونهة من عالموبايل گايلة بتوعد
"بعدك ماشفت شي مني ياملهم الخاين والله لاأندمك عاللحظة اللي فگرت بيهة تتزوج علية"
رجعت عيونهة عالموبايل تلعب وهي بعدهة تتوعد بداخلهة لملهم لأن حيل جرحها وأذاها لمن تزوج عليهة رغم هي ماقصرت ويا بأي شي
ربع ساعة وطلع ملهم من الحمام لابس فانيلة بنية وبجامة بنفس اللون وگف گدام ميز المراية ياخذ المشط يبدي يمشط بشعرة گايل وهو يدحچ علة نور من المراية
"حيل جوعان وأريد العشة من وگت"
ظلت نور تباوع بالموبايل متعمدة أنه تنرفز ملهم وتضوجة بأسلوبها الناشف هذة رادة
"مامسوية عشة اليوم"
نفذ صبر ملهم يخلي المشط عالميز يدير جسمة علة نور گايل بصوت عالي
"وليششش عينييي مامسوية زقنوبوتتت اليومممم"
ردت ببرود
"اليوم أجة أبوية وأخذنة آني وبناتي لبيت أهلي لأن چانن خواتي هناك وتغدينة وگبل ساعة رجعنة لذلك ماسويت عشة"
أحمرن عيونة من العصبية اللي هو بيهة گايل بصوت عالي
"وآنييي أظلللل بدونننن عشششة اليوممم لأنننن حضرتتتت جناببببچ متغدييية ببيت أهللللچ!"
نفذ صبر نور من عياط ملهم تقفل موبايلهة تدحچ بعيون ملهم گايلة
"لاتعيط بوجهي وإذا تريد زقنبوت روح لمرتك الثانية هي تسويلك آني ماأظل خدامة جوة إيدك فاهمممم؟؟"
تقدم منهة وعيونة تجدح نار يگمشهة من زندهة بقوة مقترب من وجهة گايل
"أسلوبچ الخرا هذة بطلي لاأطيح حضچ"
أنت تقرأ
تملك الاسد (مگتملة)
Romanceلاسلطة لنا على قلوبنا فهي تنبض لمن ارادت هو عصبي وقاسي ومتملك وهي طيبة وبريئة ياترى گيف ستتعايش معه ...... بقلمي أنا الگاتبة ✍🏻: ࢪغد
