موسى

جراح لا تنسى

يا بنات روايه جراح لا تنسى نزلت
اقتباس الرواية الجديدة
👇👇👇👇👇👇👇👇
كانت تجلس مع والدتها تتابع تخبار مواقع التواصل الاجتماعي
الأم: يا بنتى هتفضلى قاعده كده لحد امته لامنك متجوزه ولا منك مطلقه ولا عارفين فين اراضيه
الزوجه: قلبى بيقولى انه عايش وهيرجع تانى
الأم: لو كان عايز يرجع كان رجع انما انتى بقالك ٤ سنين ماتعرفيش عنه حاجه ارفعى قضيه طلاق غيابى وعيشى حياتك انتى لسه صغيره مش هتضيعى عمرك كده
الزوجه: هفضل كده لاخر يوم في عمري استحاله هعرف اشوف حد تانى
الأم: عارفه الدكتور اللى فى العيادة اللى تحت طلبك منى وراضى بظروفك وقال هيعتبر ابنك ابنه
الزوجه: يا ماما لو سمحت ارجوكى كفايه كلام
سابت والدتها ودخلت غرفتها وكانت بتشوف اخبار الاقتصاد وفجأة ظهرت قدامها صوره زوجها
الزوجه قربت التليفون ايوه هو الجرح اللى فى حاجبه هو هو بس مين اللى معاه دى وراحت جرى على امها
ماما يا ماما بصى كده
الام : ايه ده مش ده جوزك اقريلى كده الكلام ده
الزوجه : رجل الأعمال.... وزوجته فى افتتاح فرع الشركة الجديدة مع نخبه من أكبر رجال الدولة
الأم: ايه ده هو اتجوز وغير اسمه
الزوجه: لا لا لا اكيد في حاجه غلط اكيد انا لازم اروحله

جراح لا تنسى