زينة البنات و البزناز 🥀

4

🍷🍾زينة البنات و البزناز 🍾🍷

~{البارت الثالت}💗

بقلم: caroulina_H

  •نيهاد بقات مجمعة مع اشرف شحال حتى وصلات ديك 12:55 عاد طفات عليها الشمعة ترجع لدارهم ،حلات الباب بشوية باش ما يسمعوهاش و طلعات كتسلت حتى وقفات عليها شهد فحال قباض الرواح فوسط الضلمة يلاه كانت اتحميها الغوات و هي تزير ليها شهد على فمها باش ما تسمعش الغوتة ...

شهد: {بصوت خافت}سكتي راه اتخرجي علينا المصيبة
نيهاد: اووف طيرتيها مني خلعة الله يعطيك غبارة
شهد: مزال ما باغاش تسكتي زيدي حتا البيت و ديك الساعة هدري اما دابا أمينة اتسمعنا نباتو بجوج فالزنقة
نيهاد: لا لا انباتو

[جراتها و تمو غادين بشوية بلا حس باش ما يفيقوش ماماهم]
شهد: ايوا دابا ناخدو راحتنا فين كنتي و شنو بلانك مع داك خونا ولا شمكار
نيهاد: شمكار {هزات فيها حاجب} بزاف عليك حتى شمكار بل عكس والله حتى ضريف على شكون كان عاوني و رجعني لدار داك نهار اما كون راني ميتة دابا ، و ما مشيت فين  مشيت شربت البابوش و صافي
شهد: اوا الله يمسخك البعلوكة ولكن جمعي راسك راه ما بقيتيش فحال الاول
نيهاد: بففف وليتي كتر من ماما الله يهديك حتى انت
شهد: هاد الساعة هاديني شوفي راسك غير انت
نيهاد: امم دائرة فيها شريفة عفيفة ،مهم بلا كثرة الهدرة نهار السبت كاينة واحد soirée و خاصني نمشي ضاروري و غادي تجي عندي فدوى مهم حاولو تلقاي ليا شي حاجة نقولها لماما
شهد: نيهاد واش من نيتك واش تسطيتي باغا تخرجي على راسك و حتى انا معاك ولا كيفاش
نيهاد: نبرة ديال صوتك هبطيها و اصلا ما كنتشورش معاك انا قالت ليك و صافي و ايمشي معايا اشرف
شهد: معرفتش انا كيفاش حتى دابا مازال صابرين لهبالك
نيهاد: حتى انا معرفتش ولكن شي حاجة مزيانة الصراحة ...تصبحي على خير
شهد: و انت من اهلو
°°°

اما عند ابطالنا فبقاو مكملين سهرتهم فالحشيش و السكرة و مرة انور يبدى يغني و يبكي فنفس الوقت و يضحك فحال شي مسطي ولكن شنو غادي الدير بزاف ديال الدراري فالمجتمع ديالنا كبرو فحال هاكا و هادشي كيجي من ان بعض الواليدين ما رادينش لولادهم البال ولا ما كينينش و كيترباو هاكا وسط الزنقة و كاين لي اصلا عاش طفولة ديالو وسط والدين لي كيديرو كثر من هادشي و الحاسول و ما فيه هادشي يا بيدك يا بلا بيها آلله يهدي الجميع....

¥اصبحنا و اصبح الملك لله ¥

• صبح صباح جديد كانت فالساعة 12:15 و لالة. نيهاد يلاه فاقت و هادشي غير بسباب التلفون ديالها لي كان كيصوني من طرف الصديقة القديمة ديالها لي هي فدوى