5:00 ص
دك المنبه واني اصلا منايمه من الفرحه لان حلمي تحقق او لان وفيت بوعدي او لان انتظر منه رساله الصبح كمت من الجربايه دا اريد اغسل جان ذكرت كل حياتي الحمدلله اني وصلت لهاي المرحله نبذه عني (اسمي ريماس الي سماني هذا الاسم جدي لان جان يحب وحده مسيحيه اسمهه ريماس بس اهلهه منطوهيا وابتليت اني بالاسم عمري 18 مرحله اولى طب اسنان يعني تحقق حلمي ✌✌ ماعندي صديقات واصلا ما اعرف احد غير عائلتي غيره هو عندي 4 اخوان كولهم كبار و مزوجين و 2 خوات هماتين مزوجات فديتهن وابويه وامي عايشين طبعا اني بنيه جريئه و عصبيه كولش بس والله حبابه وخبله هم شعري اسود و عيوني سود من جنت صغيره جان عيوني لونهن رصاصي بس امي ما ادري بيا شمس شارتهن و منكلبات سود جسمي ابيض بس وجهي حنطاوي يعني مشكل يا لوز و كصيره شعري طويل وامي متقبل اكصهه يله كافي بعدين اكمل احس نفسي مراح اسكت ) لبست ملابسي مال رياضه وكعدت العب بالجهاز الساعه بال 6 اندك الباب مال غرفتي
بابا : ريماس ريماس. فتحت الباب اني و كولت
ريماس : صبااااح الخير شعبالك نايمه
بابا : صباح النور الله يرحم تعالي تريكي
ريماس: اوك . نزلت طبعا لكيت العشيره ملتمه ع السفره اقصد العائله تريكت و كملت ورحت سبحت وبدلت و نزلت جوه جان الكه رساله منه
محمد: صباح الخير ريماس اليوم اول يوم الج موو لتخافين و بس ترجعين كلميني عن الجامعه . هذا محمد كل يوميه يحجي ويايه علاقتنه صداقه لا اكثر بس يمكن اني هو بحريني وامه عراقيه بس عنده جنسيه عراقيه و كولشي و يحجي عراقي ويحب العراق مشايفته اني بس حبيت اسلوبه ويمكن شيسمونه بس عقلي ميريد يعترف او مجرد مراهقه اول مره احس بهيج احساس بحياتي و بس اله المهم دزيتله اني مسج
ريماس : صباح النور محمد اي راح اروح هسه بس ارجع احجيلك بيباي
ريماس : منو يوصلني
بابا : اني اريد اوصلج كملتي انتي
ريماس : ايي
رحت ويه بابا للجامعه و طبعا حجه ويايه وشلون اتصرف ومدري ايش بس بصراحه عجبني الحجي و كولش ارتاحيت من حجه ويايه لان محد وصاني بهيج شغلات من قبل وصلت للجامعه و ندليت القسم و الجدول و كعدت ابحدي مثل جان تجيني بنيه !!
ملك : هلاوو
ريماس : هلاو
ملك : شلونج ويه اول يوم
ريماس : الحمدلله وانتي
ملك : تمام اسمج ريماس صح
ريماس : اي وانتي ملك
ملك : امم
ريماس : عاشت الاسامي
ملك : انتي العايشه حبي
ريماس : من وين انتي
ملك : من الاعظميه وانتي
ريماس : هلا بيج من الحريه اني
ملك : تشرفنا
ريماس : الشرف الي
ملك : ابو الخط دك لازم اروح باي اشوفج باجر
ريماس : بيباي
راحت ملك طبعا ملك ع اسمهه كولش حلوه و مبينه حبابه عاد همزين تعرفت عليه لان ما اكدر ابقه هنا ابحدي دك بابا واجه اخذني من الجامعه و رجعت سبحت و بدلت و فتحت تلفوني و دزيتله رساله
ريماس : هلاو رجعت . مجاوبني بقيت منتظره ساعتين وماكو رد كمت نمت لان عرفت هو نايم .
(محمد)
جنت نايم وما اسمع الا صوت ابويه يحجي عليه كالعاده لان مكاعد يمهم نبذه عني ( اسمي محمد عمري 20 سنه مستقبلا طيار من اب بحريني وام عراقيه بس اني عراقي مو بحريني اوك عنيد كولش و جريئ و عصبي شوي شعري اسود و عيوني خضر و ابيض مو كولش طويل يعني طولي وسط عندي 3 خوات و 2 اخوان و ابويه وامي عايشين الحمدلله ) كعدت وصحصحت لكيت جايتني رساله منهه هي صديقتي لا اكثر ولا اقل اعرفهه من زمان اكثر شخص خبل اتعرفت عليه بحياتي و لان هي متفكر غير بصداقه اني مثلهه جاوبته ع رسالتهه و كتبت
محمد : هلاو اسف ما رديت بس جنت نايم . ردت هي ع رسالتي بعد ساعتين
ريماس : لا عادي اصلا بس هيج دزيته علمود اكولك + نوم العوافي
محمد : اها الله يعافيج
ريماس :
محمد : شسويتي اليوم
ريماس : مسويت شي بس كروب
محمد : اي كروب ؟ منو بي
ريماس : بي بشر ☺
محمد : جاوبي عدل لا اكتلج
ريماس : لا والله يعني شبي الكروب
محمد : يعني كروب مثلا بنات و لا ولد بي
ريماس : بنات و ولد صاكين
محمد : صااكين ؟؟
ريماس : هههعع اقصد البنات
محمد : اهاا اروح اكل باي
ريماس : بيباي
متوقعته تدخل بكروب من اول يوم و ويه ولد و لا توقعت اني اضوج هيج واني اصلا ما عندي مشاعر اتجاهه يمكن اغار لان مهمه بالنسبه الي مو قصة مشاعر .
(ريماس)
جذبت عليه علمود يهتم بس الظاهر مهتم لهيج شي علاقتنه جانت قويه بس هو من دخل الجامعه تغير يمكن عنده علاقه و ميقبل يكول صح هو يحجي ويايه بس مو نفس اسلوبه قبل اصلا ميهمني و بعدين شنو انتظر منه هو من غير بلد ولا يحبني و مستحيل يفكر بغير شي واني حتى لو اعترفلي مراح اقبل علمود اهلي و تعبهم عليه بس الله كريم ؛ دكت عليه اختي الي ربتني ريري فديتهه .
ريماس : الوو
ريتا : الوو حبيبتي شلونج
ريماس : الحمدلله وانتي
ريتا : الحمدلله
ريماس : لج مشتاقين بذاته
ريتا : والله حوبي اني الاشوق بس شسوي مسؤليه وجهالي و رجلي شلون اجي
ريماس : عشتوو ام
ريتا : انجبي لج سولفيلي شسويتي اليوم .
ظليت اسولفله عن كولشي صار هاي و رجعت سولفت لاختي الثانيه هماتين يمكن حلكي مسكت صارت الساعه بل 11 و هو مدزلي شي كمت غسلت و نمت ثاني
يوم كذلك كعدت من الصبح و لعبت رياضه و بدلت وملكيت رساله منه دزيتله مسج اني
ريماس : هلو محمد شنو مريض
محمد : هلو لا مبيه شي بس مالي خلك احجي
ريماس : هاا ليش شبيك
محمد : ضايج
ريماس : اي ادري ليش ضايج و شكو معصب ع شنو
محمد : ولا شي
ريماس : خاف مني
محمد : لا بس زميلتي دا ادوك عليهه مترد . عاد اني هنا انجلطت من شوكت هو يضم عليه زين هاي منووو هففف
ريماس : منو زميلتك
محمد : معليج ليش تدخلين
ريماس : اها اسفه باي
محمد : باي
من صدوك اني شعليه ترى مصختهه وياه الولد دايبينلي ميحبني شكو هل تدخل مني هسه شلون بيهه خلي اروح احسلي
(محمد)
حبيت احرك قلبه واكول عندي صديقه حتى تبطل حجي ويه الولد ما ادري ليش هيج وياهه اني و احرك بقلبه مع انو ماعندي شي وياهه فجأه و اجتني رساله من ام الكمل
ملك : هلاووو ضلعي
محمد : ها ام الكمل من الصبح اليوم
ملك : كبرر هاي شبيك مو صوجك صوجي اني اسئل عليك
محمد : انجبي لج شلونج
ملك : كولش زينه وانت
محمد : ما ادري
ملك : ليش ولك
محمد : هيج و لاشي عاد شخبار الكليه وياج
ملك : هسه اني بيهه
محمد : صدوك امبين كاعده يم الحب
ملك : انجب لك اصلا متانيه صديقتي
محمد : عرفينه عليهه فديوم
ملك : مو تدلل يله باي اجتي
محمد : بيباي
هاي بنت خالتي عايشه بغداد اني وياهه علاقتنه كولش قويه هي تحب ابن اخويه من غير ام و هو ميدري بيهه كولش حبابه و اجتماعيه بس دائما الناس تغدر بيهه اتمنه تصير صديقتهه هاي البنيه .
(ريماس)
وصلت للجامعه جان اشوف ملك
ملك : هلاوو
ريماس : هلا
ملك : شلونج
ريماس : الحمدلله بس ضايجه
ملك : الله يستر اليوم اي واحد اشوفه ضايج
ريماس : ليش منو ضايج غيري
ملك : ابن خالتي الاعوب
ريماس : اها
ملك : يله عاد لتكلبين خلقتج
ريماس : عاد من حلاته
ملك : انجبي اتجننين
ريماس : ملك تعبانه مختنكه اريد افضفض لحد بس ماعندي احد احجيله
ملك : ما اجبرج تحجيلي لان هذا ثاني يوم نلتقي بس احجي لصديقاتج اكيد عندج قبل صديقات
ريماس : لا ماعندي صديقات
ملك : مثلي زين اعتبريني صديقتج واحجيلي
ريماس : اوك اوكفي خلي اخذ نفس بالاول
ملك : اخذي براحتج مو اوكسجيني هذا
ريماس : اوك باعي اني يمكن يمكن شيسمونه واحد
ملك : شنو شيسمونه احد كايلج اعرفه
ريماس : بدت المحاضره يله كومي
ملك : لا وين ولج كملي السالفه قبل لنروح
ريماس : انجبي ما اريد اتأخر
مرت تلث اشهر ع الدوام و صارت عطلة نصف السنه بهاي الاشهر قوت علاقتي بملك كولش و هي صدوك بنيه حبابه و ع نياتهه و خبله شوي الي يكول الي داتحجي عاقله بهاي الاثناء قررنه اني و ملك نلتقي
ريماس : كوكه
ملك : كوكه بعينج هاا ماسه
ريماس : خلي نلتقي بداعتي
ملك : اوك وين و شوكت و شلون
ريماس : بالمول
ملك : مول المنصور ؟
ريماس : لا مول جدج قابل يا مول ام الكمل
ملك : كبرر غير تفشل زين شوكت
ريماس : نخليهه باجر
ملك : لا ما اكدر باجر يجون بيت خالتي من البحرين
ريماس : من البحرين
ملك : اي شبيج مستغربه
ريماس : ولا شي
ملك : اوك نكدر نخليهه الجمعه علمود ابن خالتي موجود يطلعني
ريماس : ميخالف بس اني ما ادري منو يجيبني
ملك : اخوتج وين
ريماس : كبر الا تذكرني بيهم مو طلعوا من البيت لان اشتروا كل واحد بيت لج مشتاقتلهم
ملك : كبر ما اقصد اسفه زين وابوج وين
ريماس : عازمي اصدقائه بابو نؤاس
ملك : تكدرين تطلعين من المنطقه ونجي ناخذج
ريماس : ما ادري اشوف اهلي و اخلي امي اطلعني
ملك : زين عادي اطلب طلب منج
ريماس : تفضلي
ملك : عندي بنت خالتي الي راح يجون كولش حبابه و هي صديقتي عادي اجيبهه ويانه
ريماس : اكيد نتعرف
ملك : يمه فديت ماسه اني
ريماس : فدااج الكون يله اروح اسوي عشه
ملك : عزززه ذكرتيني البتيته ع الطباخ
ريماس : عززه بعينج روحي احتركت هسه
ملك : باي
ريماس : بيباي
بهاي التلث اشهر اني و محمد علاقتنه منكطعه قليل مرات نتحاجه اشتاقيتله حيل من اسمع شي بالبحرين او اي شي قلبي يكوم يدوك بسرعه و قوي .
