مكان لا انتمي له ( سعودي في أمريكا )

عقاب الحب .... Part 13

دخلت فرح و كان بيدها صحن كله ساندوتشات
قعدت جمبي و قالت : كل شكلك جوعان و ما كلت شي في الفسحه بسبب الدسكو الي سويته في المدرسه

و أنهت كلامها بظحك

رديت عليها و انا منفس و مالي خلق شي و قلت : فرح تكفين فيني الي مكفيني لو جايه تظحكين رجاءاً اطلعي برى

فرح: افا لا يكون زعلت ؟ لا عاد كل شي الا زعل اخوي الصغير فهد .... الله يهديك ترى امزح معك

: حصل خير

مدت لي فرح ساندوش و قالت : اقول خذ خذ كل  خل الأكل يصحصحك شوي و يزين نفسيتك ترى الواحد اذا كان جوعان يكون شخص ثاني

اخذت الساندوتش و بديت اكل

سألتني فرح و قالت : يله الحين جا دور السواليف ..... فهد انا اعرفك زين اكثر من اي واحد في هذا البيت .... ايش الي خلاك تسوي شي زي كذا .... لئن صراحه اخر شخص اتوقع يسويها هو انت...... السبب هي ؟

سكت و ما رديت

فرح : فهد جاوبني هي و لا لا

قررت ارد عليها و قلت : ايه ايه هي خلاص ارتحتي

قعدت تضحك و قالت : ماشا الله على اخوي رومنسي .... بس ما تلاحظ انك بالغت يوم جيت تعترف .... كان اعترفت لها بينك و بينها يمكنك احرجتها و لا شي ؟

: هذا الي انا خايف منه احسها زعلت

فرح : لا تشيل هم خذها على مسؤليتي ما زعلت و لا شي و لو تبي تكلمها من جوالي ما عندي مانع

: لا شكرا مالي خلق اكلم احد الحين .... يمكن بعدين

فرح : اجل خلاص بخلي الصحن حق الاكل عندك و بطلع الحين .... اقعد و روق بعدين نم علشان تقوم مصحصح .... باين عليك التعب من اليوم

و طلعت و سكرت الباب

اول ما طلعت فرح من الغرفه قعدت افكر و افكر .... حاولت انسى بس ما قدرت .... الموظوع كان مشغل تفكيري ... حاولت انام بس صعبه انام و انا قلقان

شوي الا صوت يصحيني من تفكيري ... صوت ظرب دريشه

التفت اشوف ايش الي يصير الا و القاها ايملي .... ايملي واققه قدام الدريشه و تقول : افتح الدريشه .... و لا ناوي تخليني برى

ركضت بسرعه للدريشه علشان افتح لها

فتحت لها و انا منهبل: جنيه انتي ؟ كيف رقيتي فوق ؟

قامت تظحك و قالت : شكلك ما تعرفني زين ... بكل بساطه تسلقت الشجره و وصلت لدريشتك

: تفضلي اجلسي

جلسنا انا و ايملي .... كان باين عليها ان فيها كلام كثير تبي تقوله

بدأت في الكلام و قالت : فهد ...... انا اسفه اذا بينت لك مشاعري غلط و خليتك تحسب اني زعلت ....