سولفت يم مشلول عن ضيمي ليلة...
دخن جگارة وگام يمشي علة حيلة...
💔
********************
مرت الايام باحلى مايكون احمد ساكن يمنة ميروح من الدوام ويجينة لليل يالة يروح ولو بأيدة يبات...هدى:: گعدنة الصبح على صوت صياح امي
_ولجن گومن هدى ندى
ندى:: خير ماما شكو؟ ليش تصيحين
_عمج مسوي حادث
هدى:: بس سمعت طفرت من مكاني. ياعم منهم؟
_عمج رضا من الصبح اجة عبد على ابوج اخذة وراح ولسة ماكو گومن خلي نروح انشوفهم
_وهسة شونة؟
_محد اجة لحد هسة يلة گومن بسرعة
_ركضنة اني وندى بدلنة ورحنة على السريع لبيت عمي همة قريبين من عدنة طبينة شفت المكان متروس بيت عمي الثاني موجودين وبيت اهل نوال ووو كومة ناس حتى مسلمنة عليهم كلهم نوال جانت گاعدة تبجي وبصفها بنتها واخواتها يمها يصبرن بيها رحنة سلمنة عليها
اسماء:: كولي ياللة ام احمد ان شاء اللة ماكو شي
سميرة (اخت نوال):: واللة ياخيتي جنتو مبيكم شي وشحلاتكم شوفي ياگصة فگر لفت عليكم
اسماء:: شهل حجي عيني هذا قضاء وقدر
ابتهال:: لا واللة خالة مو قضاء وقدر گولي نحس طب على بيت عمي اللة يساعدك احمد اذا هاي بدايتها هيج
هدى:: عيوني صارن بگصتي اجيت اريد ارد عليها جرتني ماما گعدنة على التخم
هدى:: شفتي الجلبة شنو قصدها؟
ندى:: قصدها انتي ططوة وكصتج فگر ههههه
_اني اعلمها بختها بأمي والوضع يلي احنة بي
_يمعودة عوفيها متشوفين كاتلتها الغيرة خلي تولي
_طول الگعدة ابتهال وامها يخزرن بية واني لابستهن شوي وطب عبد بس جانت حالتة يرثى لها گعد بنص الهول
عبد:: ولجججج يمةةةة راحححح ابويييي ولجججج يمةةةة تيتمنةةة
_هوة گال هيج وانگلبت الدنية نوال گبل اغما عليها والنسوان بدت تلطم وتصيح ضليت صافنة عمي رضا توفة ماما گامت تلطم واني وندى نبجي شوي وصحت انوال وبدت تصيح وعبد حاضنها ويبجينوال:: ولككك رضااا ويننن عفتنيي رضاااا يبوووووو يمةةة ترملتتت وتيتمو جهالللليي
_ضلت تصيح وتبجي لتمت العالم وصار الصياح والطم امي التهت وياهم وندى راحت وية عامر تجيب ملابس سود واني طبيت للمطبخ وية وبنات اخواتها للمطبخ شوية واجت ندى جايبة هدوم بدلنة ورجعنة نشتغل صارت هوسة ناس مي وناس تعدل للعصر جابو عمي من شفتة بل تابوت وشايلي ولدة وبابا بجيت لانو مشفت من عندة الة الخير وهوة ساعدني بخطوبتي من احمد مع انو يعرف مرتة معارضة بس ماسمع منها حطو التابوت بل هول التمو علية الكل شفت احمد گاعد وحاضن التابوت هوة وحمزة وعبد شابگ امة ضلينة هيج تقريب نص ساعة لحدما طب عمي وگال گافي شيلو قبل لايأذن رفعو روسهم الولد العيون متنشاف من الحمار البيها عمتي نوال جلبت متقبل تگوم گوة وخروها واخذو رگضت تريد تطلع ورا بس حمزة وگفها...
رحنة للمطبخ نحضر العشة للعالم طبعا متخلو من كلامهن السم بس مااگدر احجي الوضع ميسمح عجيب بهل وضع وعدهن قابلية يذبن سمهن لليل اجو الولد حالتهم حالة متربين والعيون حمرر حمزة گعد يم امة واختة احمد صعد فوگندى:: روحي صعدي ورا خطية محتاجج هسة
هدى:: لا يمعودة استحي اصعد گدام العالم
ندى:: اشگ هدوني ترة انتي خطيبتة يعني مرتة على شنو تستحين متشوفين ابتهال واگفة باب الدرج هسة تاخذلها حجة وتصعد وانتي ضلي
هدى:: انتبهت صدگ ابتهال ماهية باوعت واگفة يم الدرج تريد تصعد ركضت اريد اصعد صاحت وراي
ابتهال:: ها وين وين صاعدة متشوفين العالم طابة صدگ متستحين
هدى:: ليش حبيتي مو انتي ام البيت وعمة نوال مسلمتج كولشي وبعدين عفت المستحة الج
ابتهال:: يي طبعا ام البيت وان شاء اللة بل مستقبل جنة الهم
هدى:: يااا هايي شنوو ليش عبد خطبج؟
ابتهال:: لاا يروحي مو عبد ولا حمزة بس عن قريب تعرفين
هدى:: يي عود لتنسين تعزمينة.. عفتها وصعدت واني ميتة قهر وصلت بيها المرحلة تحجيها گدامي وگفت گدام بابا الغرفة اخذت نفس وطبيت شفتة گاعد على الجرباية حاط ايدة على عيونة وجتفة يهتز رحت يمة حطيت ايدي علي جفتة رفع راسي باوعلي
احمد:: هدى ابوي مات
هدى:: يروحي الله يرحمة برحمتة الواسعة احمد اترحملة واقرالة قرأن هاي اول ليلة الة خطية لتبجي هيج دتأذي
احمد:: مسح عيونة يي يي خلي اگوم اصلي الة اگيد هسة محتاجني
_عافني طب للحمام طلع سابح ومتوضي فرش السجادة وگف ايصلي على طول الصلا عيونة تجري ويمسحهن خلص گعد يقرة قرأن عفتة ونزلت جوة جانو العالم اغلبهم رايحين رحت يم ماما وندى جانن گاعدات
اسماء:: وين جنتي؟
هدى:: هناا يمهم بل مطبخ.. ماما شوكت نروح؟
_هسة شوية بس خل نشوف ابوج
ندى:: واللة خطية مشفتي حمزة وعبد شسوو مگابلين امهم ويبجون.. صدگ ماما هوة شلون مات
اسماء:: اوففف ايگولون مسوي حادث وجاية الضربة على راسة مسببة نزيف داخلي
هدى:: اللة يرحمة ضلينة شوية واجة بابا وعامر ورحعنة للبيت
مرت الايام واجة يوم اربعين عمو طول هاي الفترة احنة يومية روحلهم حالتهم شوي صارت احسن..
واگفين بل مطبخ دنحضر الغدة للزلم اجت سميرة بأيدها ماعون زردة
سميرة:: وينج هدى ضوگيلي هاي الزردة حلاتها زينة
هدى:: استغربت مو من عوايدها اخذت بل خاشوگة اكلت منها
_يي طيبة بس حطي شوي شكر
سميرة باابتسامة:: يي اعرف محاج تعلميني
هدى:: خلت وراحت استغفر اللة هاي شاخطة
ندى:: شبيج تحجين وية روحج؟
هدى:: شدراني هاي سميرة شاخطة
ندى:: ليش شسوت؟
هدى:: اجت جايبة زردة گالت ضوگي الحلا ضگتها گتلها عوزها شكر شو هاي حجت علية وراحت
ندى(بصدمة):: لجججج عزةةةة بس لا اكلتييي......
***************************
لاتنسون التصويت ❤
![](https://img.wattpad.com/cover/362029040-288-k156901.jpg)
YOU ARE READING
حب في رفوف الماضي
ChickLitحب خيانة غدر جميعهم سيجتمعون في بيت واحد ياترا ما الذي يحصل....