حنين:عاوزين يجوزرني من هناك
اياد:مش فاهم
حنين :قريبي هناك وانا مش بطيقه بس هما عاوزين يجوزوني ليه بالغصب
اياد:مينفعش ترفضي او تبوظي الجوازه؟
حنين:لا والعريس زفت دا كمان متمسك بيا جامد أصلا
اياد:طب استني هفكرلك في حل وهقولهولك بليل
حنين:ماشي
وصلو البيت والبنات حضنوها والولاد سلمو عليها وكان الكل فرحان بوجودها عشان تحضر تحضيرات الفرح بتاع عمر ومني
كلو كلهم بيتزا ونزلو يتمشو كلهم وهي حكتلهم علي حوار العريس
.
جه بليل
.
كانو كلهم متجمعين عالسطح
اياد:حنين انا لقيتلك الحل هقولو ولو في حاجه غلط هما هيظبطوني
حنين:قول
أياد:احنا هنقول اني خطيبك ومحدش هيقدر يتعرضلك وانا لو حد اتكلم معاكي هكسرل رقبتو
حنين:مهو هتبقي عيبه كبيره هناك ازاي يعني اتروح اتخطب من برا العيله لا ومن غير علمهم
محمود :طب وبعدين
خديجه:انت ممكن تراقبهم فتره وناس زي دي اكيد هتكون بتعمل حجات غلط واول ما تمسك عليهم الحجات دي روح اتقدم ولو رفضو هددهم عشان الناس دي مبتجيش غير بالطريقه دي
كلهم سقفولها
اياد:عاش عليكي يفنانه
محمود:طبعا دي مش اي حد برضو
خديجه كانت فرحانه ان الفكره عجبتهم واياد قرر هيبعت ناس تراقبهم وتجيبلو قرار تحركاتهم وصور لاي مصيبه عملوها وياسلام لو في تسجيلات كمان وهيدفعلهم اللي يحبوه
عدي الاسبوع بخير وجه اليوم اللي براء هيرجع فيه لمصر وبراء من يوم الحادثه وهو مش قادر يبطل تفكير في الدكتوره ايات وراح حجز الطياره وراح ركبها ومن حظه لقي الكرسي اللي جمبه في الطياره هو كرسي الدكتوره ايات
براء:دا اي العسل دا انا حظي من السما بقا
ايات:اهلا وسهلا
براء:والله كنت لسه بفكر فيكي
ايات:بتفكر في اي
براء:دي حاجه بتاعتي انا بقا
ايات:عامل اي دلوقتي
براء:انا تمام اهو خفيت الحمد لله وراجع بلدي بقا
براء:طب الحمد لله
براء فضل طول الطريق يحاول يفتح كلام وهي تقفل لدرجه انها كانت بدات تكلمه بقرف لغايه ما وصلو بالسلامه واصحابو كانو مستنينو في المطار واول ما لمحوه جريو عليه وسلمو عليه
براء:وحشتوني اوي يخربيتكو
محمود:وانت اكتر يا اخويا
براء انا همدان مش قادر هموت وانام
كانو هيمشو بس خديجه قالتلهم انها هتستني شويه ويمشو هما
حنين:اي يبنتي هتستني اي
خديجه:قريبتي المفروض جايه علي نفس طياره براء وانا مستنياها عشان اوريها البيت وتقعد معايا فتره
مني:طب خلاص نستني معاكي
خديجه:لا حرام يستي دا معاكو جثه متحركه روحوها انتو بس
محمود:طب هستني معاكي عشان متروحوش لوحدكو
خديجه: طيب ماشي
الباقي روحو وخديجه قابلت قريبتها وسلمت عليها ومشيو علي البيت وبليل اتجمعو كلهم عالسطح كان براء وقريبه خديجه ريحو جسمهم ونامو شويه واما صحيو الشله اتجمعت كلها فوق السطح بس خديجه وقريبتها اتاخرو شويه عشان كانو بيشترو حجات للبيت
اياد:انا جمعت كميه بلاوي عن الناس. قرايبك اللي في البلد دول يحنين
حنين:قول
اياد:الناس دول طلعو زباله اوي
حنين:جرا اي ياض ماتحترم نفسك دول قرايبي مهما كان
اياد:طب معلش اسمعي مني للاخر
حنين:اتفضل
اياد:طلعو تجار
ممدوح:طب واي يعني تجار
مني:لا دي شكلها حاجه كبيره قول يا ايات يلاا
اياد:تجار اعضاء وسلاح واثار ومخدرات يعني بالصلاه عالنبي شغال في كل حاجه وجدك الراجل الكباره المحترم يبقي صاحب اكبر كباريه في البلد
حنين:طب وهتعمل اي بالكلام دا كلو
اياد:هروح اتقدملك ولما يرفضو ههددهم بكل اللي عرفتو وسجلته وطبعا هيوافق عشان في البلد كلو الا السمعه الوحشه
الشله كلها سقفت
ندي:دانت طوب الطوب ياباا
اياد:عيب عليكي دا انا مش اي حد برضو
في الوقت دا كان براء لسه طالع
براء بحماس :اخواتي
انس:عم الناس
حنين:شكلك حلمت حلم حلو وصاحي فايق ورايق
براء:بصراحه اه
عمر:احكي
براء:ايدا استني بس هي خديجه لسه مرجعتش؟
محمود:لا يعم مانا استنيت معاها وروحتها وهي وقريبتها هيجيبو حجات وهيجو علي طول
براء:ماشي
مني:احكي يعم يلا
براء بحنيه:حلمت بيها
كلهم اتصدمو بس سابوه يخلص كلام
براء:كنت بفكر فيها عادي بس لما ركبت الطياره وكانت جمبي وكانت بمليون راجل وحاطه حدود في الكلام معايا بقيت بحلم بيها كمان
مني:ايدا ايدا ايدا مين اللي خدت قلب اخويا بالشكل دا
ندي:دا ناقص عينه تطلع قلوب وهو بيتكلم
براء:مش للدرجادي يجدعان
ممدوح:مش للدرجادي اي يراجل اسكت بقا فضحتنا
براء:سيبكو من كل دا انتو وحشتوني اوي
عمر:وانت كمان والله وحشتنا جامد
براء:فرحكو امتي ان شاء الله ياض
عمر:الاسبوع الجاي يابا
براء:الف مبروك مقدما داحنا هنخربهالك
عمر:يابا الفرح فرحك اعمل اللي يريحك
مني:اقسم بالله لو حصل حاجه تبوظ الفرح دا لابوظ وشكو انتو الاتنين
ضحكو كلهم
سلمي:متتهربش ياض يبراء انت
براء:هو انا اتهربت. ولا اتنيلت دلوقتي؟!
سلمي ومسكت الشبشب كانو سكينه:مين اللي خدت قلبك ياض واعترف من غير مراوغه
ومني قامت مسكت ايديها كانها مسدس هي وحنين وندي
براء:اي الرعب دا
محمود:انا خوفتلك يعم
سلمي:انطق
براء:الدكتوره اللي خبطتني
ندي:حب من اول خبطه بعون الله
سلمي:يعني يوم ما تحبلنا تروح تحب واحده خبطتك بالعربيه؟!
براء:بس عالجتني
في الوقت دا خديجه طلعت مع قريبتها
سلمو عليهم كلهم وفاضل براء
براء بصدمه:هو انتي!!
قريبتها بعصبيه:هو انت!
YOU ARE READING
ثاني اكسيد الصداقه
Adventureالفضول خلاك تخش تقري عشان تحدد هتسجلها وتقراها ولا هتسبها مركونه وسط الروايات انا اه معرفش زوقك اي بس اللي اعرفه ان الروايه دي تعتبر بترضي كل الازواق دراما. كوميدي. رومانسيه. كره. فراق. مغامرات. وحجات كتير تانيه
