سود العيون

البارت 12

ام ذياب شلت تلفونها و تصلت علي الشرطه
الكول :
ام ذياب : الو السلام عليك
الشرطي : و عليكم السلام امري اختي شو بغيتي
ام ذياب : حضرت الضابط شي واحد حابس بنت فالغره بس عسب قالت انها تبا اتسير بيت خالتها
الشرطي : بغيت العنوان اسرع شي اختي
ام ذياب : حاضر ، عاشو اندوج رمسيه و عطيه العنوان
سارت عاشه و رمست الشرطي
ابو شما : اها يعني تبون انتو المحاكم
ام ذياب : انا رمستك بطيب بس انت الي اخترت المحاكم
شوي الا وصلو اشرطه و طلبو من ابو شما ان يفتح باب الغرفه  فتح باب الغرفه و جافو شما طايحه علي الارض و ركضت ام ذياب عندها
ام ذياب : شما شما امي نشي فديتج
الشرطي : خالو نشي نحن بنتصل فالسعاف
هني ابو شما خاف لان عادي يحبسونه لان هذا يعتبر عنف و ام ذياب خايفه على شما ان يمكن استوابها شي
وصلو الاسعاف و جيكو علي شما طلعت مغما عليها من قوت الحراره و نشت شما و سارت ويا خالتها بيتها و صلت بيت خالتها و سيده سارت رقدت في غرفة عاشه من بعد ليله كانت طويله  الساعه و حده الفليل نشت شما و هي عطشانه جان ادق عاشه لان هي ما تعرف ولا شي فالبيت
شما : عاشه عاشه
عاشه : همممم
شما : وين الماي
عاشه : وين يعني فالمطبخه
شما : وين المطبخ
عاشه : تحت
قامت شما لبست شيله الصلاه و نزلت تحت و سارت المطبخ و خذتلها دبت ماي و هي يايه بتطلع جان تسمع حد يقول بصوت تعب عاشوه تعالي  من الخوف سارت الغرفه وهي تربع علي الدري الغرفه و ردت رقدت لانها كانت تعبانه
انروح الصاله كان ذياب يالس و يفكر ان ليش شما ما يالسه اترد عليه معلومه بسيطه ترا ذياب ما يعرف ان شما بنت خالته ولا يعرف شو استوا ولا شي و انكمل و معنا كان جايف مكالماتها و رسايها فلواتس ورد عليها بس هي ما ردت اليوم الثاني الصبح  سارت ام ذياب اتوعي البنات
ام ذياب : يلا بسكم رقادد نشوو
عاشه : اوك الحين بنش
ام ذياب : خمس دقايقه ما نشيتو برش عليكم الماي بسرعه
عاشه : اووككك ها نشيت
نشو و بدلو و نزلو تحت و كانت ام ذياب فصاله بروحها يالسه تتريق يت شما و عاشه
ام ذياب : ها شمو فديتج شو حالتج الحين
شما : الحمدلله احسن بوايد عن البارحه
ام ذياب : الحمدلله تعالي اتريقي
شما : لا خالو احس اني مب مشتهيه
ام ذياب : تعالي جوفي كيف ضعفانه كلي يلا
شما : ان شاء لله عشانج بس
ام ذياب : فديتج
شوي جان ينزل ذياب من فوق و اخوه و مرت اخوه
تعريف بسيط عن عايله هند خالت شما
هند خالتها عمرها 52
ولدها العود اسمه عمر عمره 28 متزوج
ضبيه و عمرها 26 و عندها ولد صغير عمره سنتين اسمه سيف
و بعدين ذياب المعروف لا يعرف
و بعدين عاشه عمرها 22
و ابوهم مطلق امهم و مايعرف شي عنهم
نرد :
ذياب : صباح الخير و نور والسرور علي احلا ام فالوجود
ام ذياب : شو هطاقه النازله اليوم
ياي و باس راسها و منتبه لشما الي كانت يالسه
عمر : منو اليوم مسوي الريوق الغاوي هذا
ام ذياب : انا يعني منو
ضبيه : تسلم ايدج عمو
ام ذياب بالعافيه حبيبتي
ضبيه : الله يعافيج
ام ذياب : صح نسيت اخبركم شما تعالي امي تعالي ايلسي عندي يت شما و يلست عند خالتها و ذياب فاج حلجه من الصدمه
عمر : منو هاي
ام ذياب : هاي بنت اختي شمسه هاي شما الي كنت ادور عليها من سنين
شما بصوت خفيف : السلام عليكم
ضبيه : ماشاءالله عليج حلوه تشبهن عموه وايد
شما : عيونج الحلوه حبيبتي
ام ذياب : لازم انا كنت شبيهت اختي كانو يقوللونا توأم  من كثر الشبه
ضبيه : ماشاءالله عليج تعرفين ان لو عمر ماكان ولدج انا ما كنت بقبل فيه
عمر : لا والله انتي بتزوجيني  و لا بتزوجين امي
ضبيه : ترا والله صدق لولا عمو جان ما خذيتني صح عمو
ام ذياب : صح بنتي
عاشه : شمو تعالي بنروح الغرفه
شما : انزين
نشو البنات و سارو الغرفه شوي جان يرن تلفونها و كانت مهره  و هي طلعت برع الغرفه سارت الصاله الي فوق بحكم ان كلهم تحت
الكول:
مهرا : اللو يالخايسه ليش قاطعه
شما : وين مب قاطعه و الله مشاكل علي راسي
مهره : من شو عاد
شما : يلست اتقوللها عن كل شي استوا بستثناء ذياب
مهره : يعني الحين انتي في بيت خالتج
شما : هي
مهره : زين عيل
شما : الصراحه افتكيت من حنة الراس و الضرابه كل يوم مع الثعابين الي هناك
مهره : هي الحن تقدرين اتعيشين حياتج
شما : الحمدالله تعرفين يوم اكون مع خالتي احس جني عند امي
شوي جان اي راشد و يمط التلفون من مهره لان يعرف انها شما معلومه بسيطه ترا شما و مهره و راشد من كانو صغار كانو شرات الاخوان واكثر لان امهاتهم كانو ربيعات الروح بروح و من بعد ما توفت ام شما استو قراب منها اكثر عن قبل لان ما عندها حد غيرهم لان ابوها دايما مشغول
راشد : شمو يسباله
شما : شو تبا رشود 
و هني يوم هي كانت اترمس راشد ياي ذياب و سمع اسم راشد واستغرب منو هذا يلس يترياها اتخلص لان يبا يرمسها انرد عند المكالمه
راشد : وينج يسباله ما تين تسألين ولا شي والله زعلتيني منج
شما : ياخي رشود بس حركات والله مشاكل علي راسي
راشد : تعالي صح سيارتج جدام بيتكم بس بيتكم فاضي انتي وين
شما : انا في بيت خالتي
راشد : اونه عندج خاله
شما : هي منو قدي
راشد : اهااا الموضوع يباله عزيمه شكلا
شما : هي والله و علي حسابك بعد
راشد : لا والله بنخلي الدبه تدفع
مهره : الدبه مرتك
راشد : ها زين جي رمس الفيل
و اتي مهره وتير شعره و يضاربون لين ماصكرو قامت شما عساس بترد الغرف الا اتجوف ذياب
شما : السلام عليكم
ذياب يرمسها بدون نفس : و عليكم السلام و مشا و لا عبرها
شما فداخلها : اوي هذا بلاه
سارت غرفه عاشه و يلست اترمسها
شما:عواش ليش اخوج نفسيه
عاشه : ذياب
شما : هي يعني منو
عاشه : ليش شو سوا
شما : اتخيل اسلم عليه رد السلام و جي جنا غصب يالسه تتطلع
عاشه :مادري بس ترا مب من عوايده جي يسوي
شما : اها اوك
سارت ساعدت عاشه حسب اتحطي اغراضها تمو لين المغرب
في بيت موزه (يدت شما )
ابو شما : اقولج خذوها مني
عمتها حصه : انزين هي موافقه
ابو شما : كانت طايحه علي الارض
اليده : ويه بسم الله علي بنتي شو سويت فيها ياسعيد
ابو شما : ولا شي هي شكلها مرضت و من التعب
عمتها مزنه : انزين شو قالولك الشرطة
ابو شما : خلوني اوقع تعهد اني ما اتعرضلها وان سويتلها شي مادري شو قال هذالك بعد المهم كيف ارد بنتي الحين
عمها محمد : سعيد ترا بنتك كبيره و هي خلاص اتعدت الثمنطعشر يعني القانون ما بي يسمع كلامك اول شي بيسمعون كلامها
عمتها شيخه : اقولك شي هاي يبالها ضرب
ابو شما : اوووه اصلا انا غلط يوم اني شاورتكم
اليده : سعيد حلفتك بالله ان سويت شي يأذي البنت انا مب امك سمعت
عمتها شيخه : امي هدي شو هرمسه بعد عشان منو بنت شمسوه
اليده : انتي خوزي عني بعد اووه
انرد بيت ام ذياب
كانت الساعه اثنعشر و كانت شما يالسه اتفكر في ذياب ان ليش جي عاملها و قررت انها اتكلمه فلواتس اب ، يوم فتحت الواتس اب جافته راد علي كل مسجاتها
المحادثة
شما : ذياب واعي
ذياب يجوف و مايرد لان كان يتحسبها انها اترمس واحد
شما : ذياب شو فيك ما تنحل المشاكل جي

يتبعععععع .............