"فصليه عراقيه"

part 19

تجاهلو الاخطاء

لاتنسو التصويت والكومنتات بين الفقرات

استمتعو~♡
♡~♡~♡~♡~♡~♡~♡~♡~♡~♡~♡
ــــــــــــــــــــــــــــــــــــــــــــــــــــــــ

گعد راسه يوجعه وبردان لزم راسه وأن بسبب الام راسه الفضيع رجف جسمه باوع على الطاوله الي بصف الجربايه عليهة جهاز التحكم اخذه وطفه السبلت

تكور على نفسه وضل صافن شويه وانتبه للتلفون الي بصفه المافتحه أصلاً اخذه وشمر الجيس بلگاع وفتح التلفون بهمجيه فتح التلفون وداره يباوع على ضهره وعقد حواجبه: گبر گلتله اريد لون فضي منطيني ابيض شگد اثول.

اخذ التلفون مالته القديم ونقل المعلومات والحسابات لتلفونه الجديد باوع على تلفونه القديم وشمره بلگاع نزل التلفون على الجربايه وگام من مكانه توجه للدولاب مالته اخذ تيشيرت رمادي فضفاض وبنطلون جينز شوي ضيق وحذاء ابيض لبسهم واخذ تلفونه ومحفضته والسويج

طلع من الغرفه نزل بايتين من الدرج ولزم الحايط لان داخ شويه وكمل طريقه

وگف گدام السياره وباوع على الضربه البيهة تنهد بضيق وركب السياره توجه للمعرض الي انذكر بلكرت

وره نص ساعه تقريباً وصل نزل من السياره ودخل للمعرض يتمشى بلمعرض وعيونه تتنقل بين السيارات

جذب مسامعه صوت جان قريب عليه: عجبتك وحده منهم لو تريد موديل احدث؟.

باوع على الجهة الي اجه منهة الرجال ابتسم بتصنع: وعليكم السلام شدعوه كل هل ترحيب والله خجلتي ما اعرف شرد.

ضحك بخفه: اعذرني والله بس ما احب اسلم المهم تفضل تشتري لو تصلح؟.

دار وجهة يباوع على السيارات: بس انت تشتغل هنا لو اكو شخص غيرك؟.

استغرب من سؤاله الماله علاقه بلحوار: لا وياي اخوي الجبير تفضل رايد شي؟.

حجه بدون مقدمات: صيحليا.

عقد حواجبه وصاح بصوت عالي: اسر!!.

ناداه كم مره واجه سمع صوت خطوات منورا اندار وباوع على الرجال الي هوه اسر الضرب سيارته

باوعله اسر وأشر لاخو يمشي دار عيونه بملل ورجع لشغله

حجه اسر مخاطب اياد: تفضل تصليح لو استبدال.

تجتف اياد وحجه: السياره مالتي شگد سعرهة؟.

رد عليه بهدوء: 350 الف دولار.