لــبـوة الـمــوصل

الــحَــلـقــه عــشـرون .

لـــــبــوة الــــموصــل

للڪاتبة :- بنت الهدئ "مُهره"

#آلُِلُِهـم صلُِِ عٍ محٍمدِ وآلُِ محٍمدِ🜻 💙

- ۅقِـډ هَويُتِ هَـۅۍ ذِݪكَہ اެݪاެسَ︎︎مِـࢪ
__________________

#عَــهد

:- اذا اڪلج حيل مخنوك محتاج افضفض شوية تجين وياي؟

من ڪال محتاج اشوفج اريد تجين يمي ضليت ساڪتة ما حجيت شي توترت ڪُلش

أسمر :- عهد تسمعيني؟

:- ها اي اسمع

أسمر:- عادي تجين؟

بتسمت بهدوء و همست :- تمام عادي

اسمر :- ها

:- تمام راح اطلع انتَ تلكاني براس الشارع

اسمر :- انا اصلا بـ باب بيتكم

:- تمام

قفلت الخط

و بسرعة لبست ڪوت طويل فوك الدشداشة القصيرة الي لابستها«تڪرمون» شلت نعالي بايدي ع السريع وطلعت امشي ع اطراف اصابيعي حتى لا يڪعدون

فتحت باب الشارع بهدوء ومديت راسي لڪيتة بالباب طلعت و سديت الـ باب وراي

و شمرت نعالي "تكرمون " بلـ كاع ولبسته ورحت للسياره

:- السلام عليكم

اسمر :- وعليكم السلام

:- شلون صرت

اسمر :- مو زين ابد مو زين

:- الي صار شي ابد مو سهل الله يساعدك و يكون بعونك و يصبرك ع هل مصيبه

اسمر :- الله كريم الله كريم

:- ونعم بالله

ضليت ساڪتة وصافنة بالفراغ اريد احجي واتردد متوترة وبنفس الوقت اريد اخفف عنة بس ماعرف شنو اڪول

همست :- وين رايحين

غلس مَ جاوبني
شويه و وڪف السيارة يم جسر الجادرية چانت الدنيا فجر وباردة حيل

صح باردة بس الجو ڪُلش حلو

نزلنا وضل واڪف ع الجسر وانا رحت وڪفت يمة

انتبهت عليه لابس بس تيشيرت نص ردن

:- باردة عليك هسه تتمرض

أسمر:- نار مشتعلة بداخلي ما احس بالبرد.

:- صح انا ما اعرف اواسي بالڪلام بس انا يمك وان شاء الله تهون صح ما راح تنسى بس تهون

أسمر:- هاي مال انسى مستحيل هذا اخوي قطعة من روحي شلون انسى؟ انا احس الدنيا ضاڪت بية

:- اسمر ترا هيج دا تعذبونة بقبرة يعني المفروض تترحمولة توزعون ثواب ع روحة تدعون الة مو تبچون علية هيج يتأذة ترا