(بين نيران الصگر)
#الكاتبة_بسمة _الشمري
~~~~~~※~~~~~~※~~~~~~※~~~~~~
لن أهدي ذخائر فكري النفيسة لجماهير تعشق الوثوق بالسلاسل وتشد على يدها قيود الانصياع.
~~~~~~※~~~~~~※~~~~~~※~~~~~~
(في بيت البطلة)
ضحى: نزلت من فوگ امي صاحتني علمود التقديم احنة مالتنة الاستقبال قريب ع المطبخ طبيت للمطبخ وسمعت اصوات عالية وجان اول مرة اسمع اخوية محمد يصيح نصدمت صراحة ابببد عدنة محمد كولش هادئ عكسنا اني وليث احنة ثنين وكحين بس مو نتجاوز و حركين لا وكحين بس بالبيت من نطلع برة نتغير مية وثمانين كلش نستحي ونخجل بس الي يحارش بينة تلاثتنة على گولة امي يوم اسود علية يصير بس عدنة محمد متفهم و يطول خلگ وية المقابل اني اذا اگول لاحد شلونك ومرد علية بودي الزمة اشبعة كتل خلگ مالي كولش صغير ههه التهيت صافنة چني ابو القاط الرصاصي واجت نبع الحنان گرصتني وگمزتني وهية بس صاحت بحس ناصي
وداد: ولجج يغضب وينج صار نص ساعة من گتلج حضري الفواكه علمود نقدمة يا ثولة وين صافنة
ضحى: اييي يمةة اذيتيني ولله اجيت اغسل بالفواكه وسمعت اصوات عالية من الاستقبال والميزتة صوت محمد اخوية
وداد: ياا صدگ متأكدة صوت محمد يو غيرة
ضحى: لا صوت محمد حتى اني تفاجأت كولش محمد اول مرة يصير عصبي
وداد: نطيني التقديم خل اودي ال ليث هياتة مبية حيل اطلع خل ادگ علية الباب من ورة وهو ياخذ الصينية
ضحى: تمام، دگت امي الباب طلع ليث صاير عصبي ناار امي دتنطي الصينية گللها رجعيها همة چاي مشربو جايين حادين سنونهم علينا وطلباتهم واحد اصعب من الثاني امي حچت وهي تجر ايد ليث
وداد: تعال فووت بالمطبخ تعالل داستفسر شنو الطلبو
ليث: طلبو نسلمهم قادر ويكتلو وياخذون ثار ابنهم لو
وداد: لوو شنو لوو احچي
ليث: لو ننطيهم فصلية و 50شدة
ضحى: طبعا اخذت الوضع عادي مفتهمت شنو فصلية بس انقهرت على عمة جيهان اذا سمعت رح يكتلون قادر شفت امي صارت تلطم على وجهة اول مرة اشوف امي بهل حال خفت عليها واخذتها من المطبخ للغرفة مالتها وحاولت احجي وياها لكن ماكو اي فايدة اخير شي گمت اصيح بالغرفة اجت عمة جيهان شافت امي تدگ وتلطم واني كامشة بيها واعيط عليها عاد گالت وهي مستغربة
جيهان: يمعودين شصار فهموني ليش هل صياح
ضحى: صار ساعة احجي وية امي مدتفهمني عيطت نبح صوتي ومدتحجي مدري شبيها خبلتني
جيهان: خيرج ام محمد شبيج شكو شصاار قلقتيني
وداد: ولجج سمعتي شگال ليث يولا
جيهان: لاا ولله جنت بالحمام باعي حتى المنشفة براسي اجيت اهرول للغرفة سمعتج دصيحين
وداد: يگول اهل الولد حادين سنونهم علينا لو يردون فصلية و 50شدة لو يقتلوون قاادرر
جيهان: عزة العزاني صخام بوجهي يمةة راح يكتلون ابنيي راح يكتلوووو عمت عيني لج دادة وداد لحگيني مداگدر اوگف بعد رجلية ميحمل...
ضحى: رگضنا العمة جيهان وگت تخربطت رحت رشيت شوي من عطر ابوية شوي قوي وشممتها صحصحت شوي مددناها ع چرباية ضلت تون وتبجي سويت الها عصير برتقال مقبلت تشرب امي توسلت بيها مقبلت
رحت گعدت ع الدرج واسمع صياح بالديوان ظلو تقريبا ربع ساعة وطلعو من البيت امي وعمة جيهان ركضن للاستقبال يستفسرن من ابوية وعمي واني وگفت بالباب
وداد: هاا بشروا بلكي رضوو بفلوس وتنحل السالفة
واثق: لا مارضو وضلو يصيحون يردون ياخذون فصلية و فلوس لو يقتلون قادر وتنحل السالفة كلها
جيهان: لاا على بختك يابو محمد لاتكول هيج ولله تعبت لمن كبرتهم تالي متالي يقتلوو الگة حل بداعت اعزاز گلبك ولله اموت اذا صار بي شيي چبيري هذا
طارق: لچ جيهاان شلون تردين مايكتلوو ويردون فصلية و50شدة منين اجيب الفلوس لازم ابيع الفوگاي والجواي و بناتج مزوجتهن منين اجيب انطيهم بنية هاا فهميني ولكم هذا الولد خبلني راح اموت من وراه ولله
ضحى: عمة جيهان باوعت علية وگالت وهية تلطم على راسها
جيهان: ضحى ضحى ننطيها فصليةة
واثق: لااا خوية ام قادر هااي وحيدتي مانطيها فصلية ماگدر انطيهاا عذريني
ضحى: امي عاطت و اجت حضنتني بكل قوتها وگالت وهي تبچي
وداد: يمةة بنتي مانطيها فصلية لوو على گص رگبتي هاي عزيزتي و لبة گلبي مانطييهاا جيهاان روحي شوفي اخوتج واخواتج عدهم بنات خير من الله ضحاوي مانطيهاا دتسمعيين مانطيهاا يمةة بنتي
جيهان: ماينطوني والله العظيم تعاركت وياهم قبل فترة علمود الگعدة مال يوم تردينهم ينطون مرة وداد ابوس ايدج وايد ضحاوي وايد ابو محمد بس خل تروح ضحاوي يجوز يطلعون ناس يخافون الله بيهاا
محمد: عمة فدوة الگلبج عوفيي ضحى بحالها هية بس هل بنيه عدنة ومدللتنة تردين تدزيها يم ناس مانعرف كولشي عنهم وشمدريج لاسامح لله يكتلوها لاا شيلي الفكرة من راسكم كلكم ضحى ما انطيها وهية هم ماموافقة بعد هذا هو سدو الموضوع وانطوهم قادر هو غلط يتحمل اغلاطة احنة م مسؤلين عليه استقبالناهم ب بيتنة هذا هوة
ضحى: بس اني موافقة محمد
نلتقي بيكم ب بارت جديد الى اللقاء احبائي
معاكم الكاتبة (بــســمـــة الـــشـــمــري)
أنت تقرأ
بين نيران الصگر
General Fictionكانت لدينا احلاماً؛ نسعى لي تحقيقها لكن في يوم تغيرت وتبخرت، كل الاحلام واصبحتُ ضحيةٍ. لي خلاص غيري من الموت، والحفاظ على اخوتي. #رواية_من_واقع_وخيال
