سليـل مخاتل
بأنامل الهدهد
ليست كُل قراراتنا الصائبة.. صائبة
•✤—————————•—————————✤•
صرخت تنبهني بقلق
- فدوه مدام شدي حيلچ آخر مرحله هاي، أتنفسي شهيق عالي وأدفعي.
- مااااااا أگدددددر بعدددد.
- يالله يالله فدوه قوي روحچ.
صرخات متوجعه ومنازعة تطلب الحياة ،
تنهتك الروح والجسد لأجل إنجاب طفل للحياة
أقوى الم على مر البشرية تتحمله الأم بس.
آخر صرخة طلعت من ثغري تلتها صوت بكاء طفل صغير
بعد التوتر والجو المشحون تقدم الاب فرحان ووجهه مُبتسم ومد ايدة
واخذ الطفل من أيادي المُمرضة الي تكلمت بفرحة
- إلف مبروك أستاذ
- الله يبارك بيچ
تقدم ناحية جسـدي المهلوك من التعب وهو شايل بأيده أبني.. أبننا
وطبطب على رأسي بهدوء وتمتم يسمعني بنبرتة المعتادة
- الحمدلله على سلامتچ وسلامته حبيبتي
أبتسمـت ولا زال التعب ماخذ حيلي : الله يسلمك، أريد أشوفه
رفع أبننا الي كان لا زال مُلطخ بسوائل الولادة ومن شفته نسيت
التعب وكل منازعتي قبل دقايق بكل تعب
منظره نساني كُل تعبي
- نورتنا يا حبيب ماما
تقدم مني فاقـد بحُب يتمتم
- شنو أسميه حبيب أبوه ؟
- علي.. سميه علي
- علي نورت دنيتنا يا عيني ونظرها
رفعه فاقد لوجهه وقبل جبينه بدفئ وبدأ يأذن بأذنه وقبل
لا يكمل الاذان انفتح الباب بسرعة وأنفزعنا بس كلام
العاملة دس الرعب بقلوبنا
- أستاذ الحك، أكو زلم مسلحة برة المكان محاوطين البيت
انصعقت شلون !! أحنا ببلد غريب ومتأكدين وكلنا ثقة ما يلگانا لو مهما يصير !
- شـ شلوون ! فاقد ديربالك تتحرك وتطلع !
حاولت استقيم وأوگف بس جسدي ما ساعدني
تقدم مني فاقد وناولني علي وهو يطبطب على كتفي بطمأنينة
فاقد : لا تخافين ما راح يصير شي
تمسكت بقميصه وصرخت : لا تطلع
YOU ARE READING
سليل مخاتل
Mystery / Thrillerعندما يسود الليل العَتيق تُرسم لوحاتٍ من الجريمة والأسرار المُفجعه ويسود الخداع من وسط السلام جميع الوجوه المُبتسمة تتحول لأخرى ماكرة يتم تدليس الغِل بداخل ملامحها حتى لا تكاد تُصدق أعينك لكن... ماذا إن دخل الأبيض في وسط السَواد مُعلنًا عن نشر الر...
