رواية انت قدري / للكاتبة لولة الحلوة ، مكتملة

23

البارت الثالث والعشرون

في بيت محمد

محمد جالس مع اخته وامه العصر في الصاله يتناقشون
محمد وهو ينزل فنجان الشاهي : يعني تقولين ان نوره سمعت مها تسجيل بصوتي انا ويوسف
ام يوسف : بس وين لقتكم تسجل لكم
محمد : أيوه أيوه ذكرت اثره يوم العنود تناديني بالحديقه كانت خطه بينهم.. وهي تحط مسجلها .. ولسوء حظ مها.... اقدرت نوره تسجل شي مهم
حصه : المشكله اذا كان اللي قاله يوسف صحيح وكان ناويه فعلن
محمد : انت سمعتي التسجيل
حصه : لا
محمد : لا يوسف كان بس يتحايل على لكن ما كان نوي شي
حصه : انا صرت اشك بكل شي
ام يوسف : ليه ماتعرفين اخوك يومك تقولين هالسوالف
حصه : زين نوره منين اعرفت بسالفة الورقه دامها سر بينكم
محمد : مثل ماعرفت تسجل عرفت سر الورقه .. وبعدين ياحصه انا كنت اهدد يوسف بها كل شوي اكيد اسمعت الله لا يسامحها واستغلة الوضع
ام يوسف : ومها وشلون تصدق على يوسف وهي تشوف غلاه لها
حصه : يماااااااه الله يهداك اسمعته بإذنها يقول انا ما اخذتها الاعلشان فلوسها
محمد : لا وقال انا باذلها وارميها بالشارع وشي والله لو تسمع الجدران تهج الله يعين قلبها
ام يوسف : ااااه ياقلبي عليك يا مها والله انك تعذبتي
حصه : تعذيت وبس زين مها عايشه للحين

دق تلفون محمد
محمد : هلا والله ابو سالم
نايف : هلا محمد كيف حالك
محمد : الله يسلمك بخير عساك بخير .. هااه رحت ليوسف
نايف يتنهد : رحت وياليتني مارحت
محمد: ليه
نايف : بعد اكثر من ساعة وانا انتظره طلع كنه ماهو عارفني لاسلم ولا شي... قال نعم وش جايبك
قلت ابغى اشوفك وسلم عليك
قال نعم وش عندك بعد.... قلت له ابغى اشوف تبغى شي يارجل ......يوم قلت له هالكلمه جلس يرحب ويهلى بي وقهواني
قلت هاا قول وش تبغى قال ابغى فلوس >>> بكى نايف وهو يكمل كلامه >> يوسف اللي كانت نفسه عزيزه من صغره عمره ما طلب شي
من احد لو يموت من الجوع الحين يترجاني مثل المسكين
محمد : اااااه .. اااه
نايف : قلت له كم تبغى ؟؟...... قال عشر الاف
محمد : عشر الاف !!! وش يبغى فيهم
نايف : مدري
محمد : عطيته
نايف : اجل ما اعطيه
محمد : نايف لايكون يوسف .........
نايف : وش تفكر فيه ؟؟
محمد: يتعاطى شي يعني
نايف : ما دري
محمد : بس متى وليه
نايف : سامحني يامحمد ... اذاكان يوسف يتعطى شي فانت وابوك السبب
محمد : لا تذبحنى ياخوي .. المهم كيف نتاكد
نايف : انا ادق عليه وعزمه واجيب معي دكتور يفهم بهالاشياء ونشوف
محمد : واذا رفض عزيمتك
نايف : اروح بكره انا والدكتور له واجلس معه لو عشر دقايق واشوف حالته
محمد : ايه روح الله يوفقك .. لانه اكيد بيرفض العزيمه
نايف : على خير بكره انشالله

قفل محمد التلفون
حصه : يعني ممكن يكون كذا
محمد : تراها تسوي اكثر من كذا وخصوصا ان يوسف كان بازمه نفسيه ممكن يلجاء فيها لاي شي
حصه : لكن حنا ما خليناه
محمد : ماتدرين ياحصه ماتدرين
حصه : الله يستر

في بيت يوسف

يوسف : هاااه حبيبتي راضيه عني
نوره وهي تقلب الفلوس : يعني جايب لي الراجحي ياخيي كلهم عشر الاف
يوسف : ليه ماهم زينين
نوره بصراخ : لا وانقلع عن وجهي الحين
يوسف : ليه ياقلبي انا وش سويت
نوره وهي تدفعه : اوووووووف

انزلت نوره تحت وكانت امها جالسه بالصاله و يوسف يتبعاها
العنود : لاهلا ولا مسهلا بالاثنين
نوره : يمه وانا وش عليه
العنود : وهذا لمتى وهو مقابلك لا شغله ولا مشغله
نوره : لا يمه اليوم جاب عشر الاف
العنود : ايه ايه سمعته وهو يشحدهم من نايف
نوره : هيييييييييي ياكذاب وتقول انك توظفت وهذا مقدم راتب
العنود: ههههههههههههههههههههههههه ه طاح حظك بس هذا اللي اقدر اقوله
نوره : والله يايوسف الكلب ان ما صرت بوظيفه خلال يومين لاتوريني وجهك ابد
العنود بستهزاء : لا لا خليه ظل رجال ولا ظل حيطه وتراه يشحد ويحط بحلقك
نوره : انت تسمع
يوسف : اسمع اسمع خلاص ياقلبي لاتعصبين
نوره : هذا اللي يبغى يذبحني.... اذلف اذلف لاتقابلني
يوسف : وين اروح
العنود : روح اجلس بالحديقه
يوسف : زين
العنود : يالله اذلف
طلع يوسف للحديقه يجلس فيها

نوره : وش اسوي بهالبلوه
العنود : انت اللي بغيتي كذا
نوره : عاد مو كذا انا كنت ابغاه مثله يومه عند عيون البقره رجال مالي مركزه وله هيبة وكلمه
العنود : انت تبغين المسحور مثل الآدمي المتسنع
نوره : يجيني فكر مرات اروح افك السحر وخلص
العنود : هيييييييه انت انهبلتي والله لو يصحي يذبحك
نوره : وش اسوي يمه .. كرهته وهو لازق ليه مايبغي يفارقني .. هذا ان ما اشتغل وجاب فلوس منين نعيش تدرين لا انا ولا انت عندنا شهادات
العنود : لالا تكلمي عن نفسك انا عندي
نوره : وش عندك
العنود : عندي هالبيت ااجره واكل من خيره
نوره : أي و الله يمه خلينا ناجر البيت ونرمي يوسف بمصحة امراض عقليه ونخلص
العنود : يوسف اصحى مني ومنك
نوره : لالا انا اقدر اخليه يدخل المصحه بشوره
العنود : كيف ؟؟
نوره : من بكره لو تبغين
العنود : والله ان وجوده مثقل علينا يالله اقلعيه
نوره : انت اجري البيت بالاول وانا اتصرف
العنود : خلص

واتفقوا الاثنين على إنهم يدخلون يوسف مصحة مراض عقليه ونفسيه يبقى فيها طول عمره

فى امريكا

الساعه 1,30 بعد منتصف الليل

كانت مها وهدى نايمات فجاءه جلسة مها تصرخ : يوسف !!!!!!!!
هدى تصحى مرعوبه : مها !! مها !! بسم لله عليج حبيبتي
مها : اااه .. ااه
هدى : شربي .. شربي وتعوذي من ابليس
مها : يوسف ياهدى يوسف
هدى : شربي الماي الله يهداج وينه زفت انت تحلمين
مها : هاااه .. اعوذبالله من الشيطان الرجيم >> وشربت شوية مويه
هدى : خرعتيني الله يهداج
مها : .........................
هدى : نامي نامي .. ورانا دوامات من الصبح
ارجعت مها لوضعها في السرير وعطت ظهرها لهدى
وعم الهدوء في الغرفه ....

بعد شوي سمعت هدى صوت مها بكاء اللي تحاول تسيطر عليه
هدى : انت للحينج تحبينه ؟؟
مها : ......................