الأوهاب(قُربان)

part-23-

الأوهــاب(قُربان)

بقلمي :- مريم احمد

لا تنسون متابعه الحسابي + التصويت + تعليق الفقرات

ملاحظه :- ممكن هالبارت يحتوي على بعض المشاهد لا تليق بجميع الفئه العمريه ارجو الحذر 🔞

الچان سيـَف من الليالي..
صورة علحايط بقالي

________

حضنت ياسر بس يوون مضروب بصدره واصرخ بحركه
::- ياسر ياسسسسر فدوووه لا حبيبي لااا

بجيت بصوت وصرخت صاح وهــب عايش ياسر عايش

اخذو نور وياسر وملخنا روحنا لطم وصراخ صوتنا انبح عمتي غدير موتت روحها عمي محمد مثل نسوان يصرخ ويلطم
::- وحيدييي هذااا وليدييي ربي لا تفجعني بي

سحبت روحي ارتجيت ع الشجره گـــلبي ديتكطع نور مات ايي مات وياسر ياسر هم عافوني ثنينهم فزيت ع صرخة اسياف وتضرب وجهه بحركه والياف لا يقل حالها عن اسياف

عمتي وكعت رفعت عيوني ع العادل الواكف يباوع وجهه متغير لونه ماكوو غيره

كمت وكفت اصرخ بحركه
::- العادل كتله والله العادل هو هو هدد يقتل اخواني هددهم

راسي صدع محد سمعني بس العادل ابتسم واشرلي بايده بمعنى راحوو

جانت طابوكه بصفي شلتها واني مفرفحه ما احس غير ركضت ع العادل وضربتها براسه خليت دمه بطوله وهو يصيح وكع بالكاع واضرب بي بحركه برجلي واصيح
::- الله يلعنك ياا عاااار يااا مُلحد مشعوووذ الله ياخذك لك اليوم امووتك ع ايدييي

اصرخ واضرب بي كوه بعدوني عنه الحد ما فقدت ما حسيت بشي بعد ..

فتحت عيوني بالمستشفى اوهاب يمي كاعد لابس اسود وعيونه حمره اتذكرتهم وصرخت

::- ماتوو موو ماتووو أوهـاب ياسر نوور وينهم

حضني من راسي يهديني واني فقدت اصرخ والطم الكانونه انشلعت الدم اتنافر واني اصرخ وابجي
::- لك أوهـاب نوور مات بيدي مات صايم أوهـاب گـــلبي گـــلبي يوجعني علي مات بيدي كتله العادل