المقتص " غراب أسود "

الــبــارت 28

الــمقتص " غــراب اسـود "
الـبـارت الثامـن والعـشرين
لــلــكــاتــبــه نــور يــســري .......

لا تنسون التـصويت + التعليق بين الفقـرات + متابعه الحساب NOOR__applies

‏أنتَ حقيقتي الأولى
وأول من لمسَني برِفقٍ بالغ ولُطفٍ فارِق وحنيةٍ هائلة معك شعرتُ بخِفة الفراشات وبكُل تلك الأحاسيس التي تُنعش الرُوح معك أحببتُ الحياة ، وأصبحت ملامح وجهي فارِقة وضحكتي واضحة وقلبي مليءٌ ومكتفي معَك فقط
عادت للأشياء معانيها ، يا بهجة الأشياء "
.............................................................

رحـت أدور علئ اختـي ماكو لا بالمطبخ ولا يم الحچيه ضليـت أفتر بالبيت ولهنـاك وچان أشوف سله طماطه مطشره بالگاع والمگروده كاعده بألمخزن مدري شتسوي وگفت فوك راسهـا وحچيـت بهـدوء ::-

عنـود ::- ولچ شتسوين ؟

رفعـت راسهـا عليـه وحچـت بضوچه ::-

ترفـه ::- يمعوده مدري وين راحـت الچداحـه هستونـي عفتها هنا نوب مدري شمالنـي ضيعـت چداحتين اليوم بس لا طگتني الفهـاوه .

هزيـت ايدي ما عاچبني ورحـت للمطبخ عود أدور وياهـا ، چان أشوف الچداحه علئ الگاونتر أخذتها وصحت بصوت عالـي ::-

عنـود ::- تعاييي الفاهيه .

اچتني تركض شافت الچداحـه بأيدي وضحگت باوعتلـي وحچـه بأبتسامه ::-

تـرفه ::- ولچ وين لگيتيهـا مو كلبـت الدنيـا عليها نوب شكد ضيعت چداديح وأخلي غيده توصي السيد يچيبلي .

عنـود ::- امداچ صرتـي شگبرچ وبعدچ ثوله عمي الله يساعد السيد مبتلـي بلوه بينـا .

ضحكـت وراحـت لملمـت الطماطه وشغلـت الطباخ تريد تسوي عشه لـ غيده ، خليت وگعدت بالكاع باوعتلـي وحچت مبتسمه ::-

تـرفه ::- هـا نعستـي ؟

عنـود ::- ايي والله نعسانه الـبـارحه ما كدرت أنام وهسه مهدود حيلي هد .

تـرفه ::- لعد گومي نامي .

كمت علئ حيلـي دخلـت للصاله شفتها فارغه گبل چريت المخده وتمددت گرفصت روحي بالعبايـه ما حسيت بروحي والا غفيت من التعب والسهـر الـمـاله تالـي .

لهنـاك وفتحـت عيونـي علئ صوت غيده تصيح بصوت عالـي ::-

غيـده ::- ولچ ليش ما مخليه ملح علئ التمن مو تدرين بيه ما أحب الماصخ ؟

تـرفه ::- خالـه والله دايخـه شمدرينـي بروحي ديلا ميخالف أخذيني علئ كد عقلـي .

غيـده ::- ولچ خاف عاشگه السيـد ؟