وألْحِقنِي بالصَالِحين..

قيام الليل ♡.

بِّسۡمِ ٱللَّهِ ٱلرَّحۡمَٰنِ ٱلرَّحِيمِ
.
وتَظُن أنّك ذهبت إليهِ بإرادتك، لكِنّك لا تَدْرِي أنه هُو الذِي اِصْطَفاكَ لِلقائِه.

#قيام_الليل ..
.....

♡فَـــضـــلَـــهـــا♡

حاولوا تلتزمون بصلاة الليل حرفيا حياتكم تتغير ،
عن تجربة والله هل صلاة تنور بصيرتكم
ميخالف تحسوها صعبة اول ايام
ابدو بركعتين بعدين سووها اربعه لحد متصلوها كاملة واذا كلش متكدرون صلو بس الشفع والوتر (ركعة الوتر عضضضضيمة حيل )
قبل شوي طلع كبالي فيديو لصلاة الليل فـ شفتة حرفيا دمعت وقشعر كُل بدني على الاشياء الحلوة الي بيها
تعرفون من واحد يموت وهوه ملتزم بهل صلاة القبر مالتة كُله نور وميحس بالوحشة ابد ،
اخطوا هل خطوة الحلوة بحياتكم
ضيفوا هل شي الحلو ليومكم وشوفو شلون تنفتح الدنيا بوجهكم
ماريد اطول عليكم وارجع واكول ماكو انسان كامل ابد

بس اكو أنسان يصحح من نفسة وحلو الشخص من يتعلم شي بي فايدة يعلمها للناس عسا ولعل أكو أنسان يتاثر

:كيـــفـــيـــة صـــلاة الـــليـــل
صلاة الليل

للي ما يعرف يصليها هيَّ كالآتي

صلاة الليل 11 رُكعة

بالبداية " النوافل " 8 رُكعات
كُل رُكعتين تصلوها حالها حال صلاة الصبح
2 تقرون بيهُم الفاتِحة و سورة قصيرة .
2 تقرون بيهُم الفاتِحة و سورة قصيرة .
2 تقرون بيهُم الفاتِحة و سورة قصيرة .
2 تقرون بيهُم الفاتِحة و سورة قصيرة .

شگد بقىٰ مِن 11 رُكعة ؟
بس 3

- رُكعتين الشّفع نقره بيهُم الفاتِحة و الفلق و الفاتِحة و الناس بكيفكُم أي وحدة تخلوها بالبداية + بدون قنوت ،
القنوت يعني مترفع ايديك و تدعي  أنت وبعدك واكف ،

ظلت رُكعة وحدة و الّي هيَّ الأساسية و أكثر أهمية " الوَتر "
- الوَتر بالبداية الفاتِحة بعدين 3 مرات سورة الاخلاص و وراها سورة الفلق و الناس و بعدين تدعون بالقنوت الأشياء الّي تريدوها وراها تذكرون

- هٰذا المقام العائذ بك مِن النار 7 مرات
- اللهُمَ أغفر لـ 40 مُسلم و مُسلمة
- تذكّرون العفو 300 مرة
- وراها لمن تخلصون ترددون أستغفر اللّٰه و أتوب إليه 70 مرة

و بعدها وَاجب قراءة {دعاء الحزين}

استودعكم عند الله الذي لا تضيع عندهُ الودائع ❤️.