🔞🔥🫦جمران♡الشهـوة🫦🔥🔞

🥀🔥Fire of lust♡جمران الشهوة🔥🥀

🥀PART:51🥀

🔥🫦جــــمـــــران♡الــــشــــهـوة🫦🔥

بقلمي:#Doja_Didija

هاد الشهورة اللي مادازوش عليها صعاب بزاف ، وحتى الوحم كان خفيف، غير نفسيتها اللي كانت مريضة فالاول لكن من بعد زطمات على قلبها ومابقاتش فكرات فيه او جابت سيرتو.

مع دخول شهرها الرابع بدات دوخ كثر ويخصها تستفرغ الصباح، قالتلها الفرملية اللي مصاحباها من اول حملها باللي عادي كاينين نسا تايتجهد عليهوم الوحم و اعراضو بالضبط فالشهر الرابع و من بعد تاترجع عادي .
و عاودات قادات ليها ماكلتها ، كيما الطبيبة نصحاتها بالفيتامينات اللي-يفيدوها..

مسحات لحمها ورطباتو لبسات دوبياس مشببكين حمرين، ولات تحماق على هاد اللون و تايجيها فن مع لونها الأسمر تاتبان تاتفتن، ووقفات تاتنشف شعرهاا، نشفاتو مزيان ودهناتو بسيروم ديالو عاد خدات بيجامة من الساتان بيتية بيوضة بخطيطات حميمرين ، خلات طايتها تبان بشكل واضح،

ماحساتش على راسها غير وهي ، حالا بلاكارو وهازة وحدة من قبياتو تاتستنشق عبيرها، مكانتش هاكة فاول حملها، لكن مؤخرا ولات ريحتو فنيفها طول الوقت، محاملاش راسها علاش تفكر فيه ، لكن مكاتشعرش غير و هي كاتشمشم فحوايجو وماتنعس حتى تعنق قبية من قبياتو..

كلوشارا: باقا على حالها حتى دخلات مروى فازعاها ، بسرعة حطاتها من يديها، و دارت تاتشوفيها شنو تاتصنع

مروى: [ هازة كسيوة قصيرة فيديها كانت فالاحمر و مفتوحة تقريبا النصف فالظهر حطاتها عليها بحالا غاتقيسها، وبدات تقفز بحماس] احححح هادي اللي غاتلبسيي

كلوشارا:[مخرجة عينيها] منيتك معرية كولهاا

مروى: [دايرة خنزورة حلوة، و تاتحلف عليها] شوفي ادييك ااه
ماتعصبينييش فنهاري [تاتشوف ديك الكسيوة] اححح غاتجي غير علييك السميمرة ديالي [خلاتها تما واقفة وخرجات للبيت تاتبرح]سربيي تبعينيي ونتي بديتي تقليي نقاد ليييك و ندوز نشووف راسييي [ تفكرات شي حاجة ورجعات تاطل عليها برويسها بدلع و تاتلوي شعرها فيدها عويناتها المارو تايبريو منين ومنين

كلوشارا: [زربات عليها ، ماتكذبش الكسيوة حتا هي عجباتها، غير مازاعماش، حتى انتابهات لشوفاتها وهي تغمزها] اش تم الشيطانة

مروى: [بغات طير بالفرحة] عرضت على الكلاس ديالي كامل [هزات يديها بحالا كاتدعي] ويااااربييي يكون عندي غيييير شوياا ديال الزهر قد هاكااا[دارت حركة بيدها] ويجي داك المعفرر اححح